ចង់​ដឹង​ថា ចៅហ្វាយ​របស់​អ្នក​ជា​មនុស្ស​មាន​ទំនុក​ចិត្ត​ឬ​អត់ មើល​ចំណុច ៤​នេះ!​



ចៅហ្វាយ​ដែល​មាន​ទំនុក​ចិត្ត​ពិត​ប្រាកដ ​គឺ​តែង​មាន​ភាព​វៃ​ឆ្លាត​​គ្រប់គ្រាន់​ដើម្បី​​ស្វែងយល់​ថា ភាព​ជា​អ្នក​ដឹកនាំ​ គឺ​ត្រូវ​​បង្កើត​ទំនាក់ទំនង​ឲ្យ​រឹងមាំ​មួយ​ មាន​គោល​បំណង​​ជួយ​គាំទ្រ និង​លើកស្ទួយ​អ្នកដទៃ​​ឲ្យ​ទទួល​បាន​ភាព​ជោគជ័យ​ដូច​ខ្លួន​ដែរ​។ ជា​ទូទៅ នៅ​កន្លែង​ការងារ ចៅហ្វាយ​ប្រភេទ​នេះ នឹង​​បង្ហាញ​គុណសម្បត្តិ​​ខាងក្រោម​នេះ​៖

១.មិន​ភ័យខ្លាច​នឹង​ការ​បង្កើត​កំហុស
ថៅកែ​ដែល​មាន​មោទនភាព  និង​ភាព​ស្មោះត្រង់​ចំពោះ​ខ្លួនឯង​​​ជាមួយ​នឹង​តំណែង​​របស់​ខ្លួន ហើយ​មិន​គោរព​គំនិត  ឬ​ទស្សនៈ​​​​ខុសគ្នា​របស់​អ្នក​ផ្សេង​ទៀត ធ្វើ​ឲ្យ​មាន​អ្នក​ដើរ​តាម​តិចតួច​បំផុត។ ជា​ធម្មតា ចៅហ្វាយ​បែប​នេះ​តែង​យល់​ថា ខ្លួនឯង​ត្រូវ​រហូត ហើយ​ចង់​ឲ្យ​អ្នកដទៃ​ទទួលស្គាល់​​​ថា ខ្លួន​ឯង​​ត្រូវ​ដែរ។ ផ្ទុយ​ទៅវិញ ចៅហ្វាយ​ដែល​ឆ្លាតវៃ មិន​ភ័យខ្លាច​នឹង​​កំហុស​ដែល​កើត​មាន​ឡើង​នោះ​ទេ។ ចៅហ្វាយ​ប្រភេទ​នេះ ព្យាយាម​សារភាព និង​កែប្រែ​កំហុស​ទាំង​នោះ​ត្រឡប់​មក​វិញ​ដោយ​ការ​ទទួលខុសត្រូវ។ សម្រាប់​ពួកគេ ការ​ស្វែងរក​​ភាព​​ត្រឹមត្រូវ សំខាន់​ជាង​​និយាយ​ប្រាប់​ទៅ​​អ្នកដទៃ​​ឲ្យ​ដឹង​​ថា ​ខ្លួន​ជា​មនុស្ស​ត្រឹមត្រូវ។

២.ស្តាប់​ច្រើន​ជាង​និយាយ
ចង់​​ដឹង​ថា ចៅហ្វាយ​ដែល​គ្មាន​ទំនុក​ចិត្ត​​មាន​សញ្ញាណ​បែប​ណា​នៅ​កន្លែង​ការងារ? ចម្លើយ​គឺ​មាន​ភាព​ងាយស្រួល​នោះ​ទេ។ អ្នក​គ្រាន់តែ​សង្កេត​មើល​ភាព​អំនួត​របស់​ពួកគេ​ទៅ​បានហើយ។ វា​នេះ​ហើយ​ជា​រនាំង​បិទបាំង​ភាព​គ្មាន​ទំនុក​ចិត្ត​របស់​ពួកគេ។  ងាក​មក​មើល​ចៅហ្វាយ​ដែល​មាន​ទំនុក​ចិត្ត និង​​ឆ្លាត​វៃ​វិញ មិនមែន​​ចេះ​តែ​វាយ​តម្លៃ​ព្រាលៗ​ទៅ​លើ​គំនិត ឬ​អ្វី​ដែល​អ្នកដទៃ​គិត​នោះ​ទេ។ ចៅហ្វាយ​បែប​នេះ​គ្មាន​អំនួត​នឹង​ខ្លួនឯង​ទេ។ ពួកគេ​ចង់​បាន​គំនិត​យោបល់​ល្អៗ ​ពី​មនុស្ស​ជុំវិញ​ខ្លួន ហេតុដូច្នេះ​ហើយ​បាន​ជា​ខ្លួន​ត្រូវ​ស្តាប់​​មនុស្ស​ទាំង​នោះ​​ដោយ​យកចិត្ត​ទុកដាក់​។  តាម​ពិត​ទៅ ពួកគេ​មាន​គំនិត​ទូលំទូលាយ​រួច​ទៅ​ហើយ ប៉ុន្តែ​ពួកគេ​ចង់​បាន​គំនិត​បន្ថែម​ទៀត ម្ល៉ោះហើយ​ទើប​ខ្លួន​ត្រូវ​ស្តាប់​បន្ថែម​ទៀត​ឲ្យ​បាន​កាន់តែ​ច្រើន។ ​​​​​

៣.ទទួលស្គាល់ និង​ឲ្យ​តម្លៃ​ស្នាដៃ​របស់​កូនចៅ ​​
ចៅហ្វាយ​​ឆ្លាតវៃ និង​មាន​ទំនុក​ចិត្ត មិន​ត្រូវការ​កិត្តិយស​ ឬ​យក​មុខ​យក​មាត់​តែ​ម្នាក់​ឯង​​ទេ។ ពួកគេ​យល់​ពី​អ្វី​ដែល​ពួកគេ​​ត្រូវ​សម្រេច​ឲ្យ​​បាន។ ពួកគេ​មិន​ស្វែងរក​​ការ​ឲ្យ​តម្លៃ​ចេញ​ពី​សកម្មភាព​របស់​ពួកគេ​នោះ​ទេ ពី​ព្រោះ​ពួកគេ​យល់​ថា ប្រសិន​បើ​ខ្លួន​អនុវត្ត​ឲ្យ​​បាន​​ត្រឹមត្រូវ​ហើយ​នោះ គុណ​តម្លៃ​ណាមួយ​វា​នឹង​រត់​មក​រក​ដោយ​ឯកឯង។  អ្វី​ដែល​ជា​កាតព្វកិច្ច​សំខាន់​របស់​ចៅហ្វាយ​ដែល​មាន​ទំនុក​ចិត្ត គឺ​គាំទ្រ និង​អបអរសាទរ​ភាព​ជោគជ័យ​របស់​បុគ្គលិក​ លើកទឹកចិត្ត និង​​​ជួយ​ឲ្យ​ពួកគេ​កាន់តែ​រីកចម្រើន ព្រមទាំង​មាន​ទំនុក​ចិត្ត​​ដូច​ខ្លួន​ដែរ។

៤.មិន​ខ្លាច​អន់​ក្នុង​ការ​​ស្នើ​សុំ​រក​ជំនួញ
ចៅហ្វាយ​ដែល​មាន​ទំនុក​ចិត្ត​មាន​សុវត្ថិភាព​គ្រប់គ្រាន់​ក្នុង​ការ​ទទួលស្គាល់​ភាព​ទន់ខ្សោយ​ របស់​ខ្លួន ហើយ​នឹង​មិន​ស្ទាក់ស្ទើរ​ក្នុង​ការ​ស្វែងរក​ជំនួយ​នៅ​ពេល​ពួកគេ​ត្រូវការ​​វា​។ ដោយ​បង្ហាញ​កាយវិការ​ជា​អ្នកដឹកនាំ​ល្អ និង​ស្នើ​សុំ​ជំនួញ​ពី​កូនចៅ ចៅហ្វាយ​ប្រភេទ​នេះ ក៏​អនុញ្ញាត​ឲ្យ​កូនចៅ​របស់​ខ្លួន​ប្រតិបត្តិ​មក​​ខ្លួន​វិញ​ដូចគ្នា បង្កើត​វប្បធម៌​​ល្អ​ក្នុង​ស្ថាប័ន លើកទឹកចិត្ត និង​គាំទ្រ​​​ឲ្យ​មាន​ភាព​រីកចម្រើន​ទៅ​មុខ៕

ដោយ៖ Kevin
ប្រភព៖ Inc 

X
5s