​​ថ្ងៃ​នេះ​ជា​ថ្ងៃ​ចុង​ក្រោយ​​របស់​លោក​ប្រធានាធិតបី​ បារ៉ាក់ អូបាម៉ា​​ហើយ​ជា​ថ្ងៃ​ដែ​លោក​ត្រាំ​ឡើង​កាន់​តំណែង​ជា​ប្រធានាធិបតី​​​ផ្លូវ​ការ​របស់​សហរដ្ឋ​អាមេរិក។ ​យោង​តាម​សារព័ត៌មាន​ Business Insider ​លោក​ Obama ចង់​ឱ្យ​មនុស្ស​គ្រប់គ្នា​អាន​សៀវភៅ​​ ១១​ក្បាល​ខាង​ក្រោម​នេះ៖ ​

១) ​The Naked and the Dead​ ដោយ​ ​Norman Mailer៖ និយាយ​ពី​សង្គ្រាម​​ដណ្ដើម​កោះ​​ជ៉បុន​ Anopopei។

២) One Hundred Years of Solitude​ ដោយ​ Gabriel Garcia Marquez ប្រលោមលោក​ដែល​និយាយ​ពី​គ្រួសារ Bluendia និង​ការ​ធ្វើ​​ឯកោ​និយម​​រយៈ​ពេល​១០០​ឆ្នាំ។

៣) The Golden Notebook​ ដោយ​ Doris Lessing ជា​សៀវភៅ​ដែល​និយាយ​រៀប​រាប់​ពី​ជីវិត​ Anna Wulf ដែល​មាន​សៀវភៅ​កត់ត្រា​ ៤​ក្បាល​រៀប​រាប់​ពី​ជីវិត​របស់​គាត់។

៤) The Woman Warrior​ ដោយ​ Maxine Hong Kingston​ សៀវភៅ​និយាយ​ពី​ស្ត្រី​​អាមេរិក-ចិន​​​ដែល​ពន្លេច​ពី​ជីវិត​កាល​ពី​កុមារភាព​ដែល​ផ្លាស់​ប្ដូរ​ជីវិត​របស់​អ្នក​ស្រី។

៥) The Underground Railroad​ ដោយ​ Colson Whitehead និយាយ​ពី​ការ​រំដោះ​ខ្លួន​ពី​​ជីវិត​ជា​ទាសករ​ដែល​រស់​នៅ​ដូច​ក្នុង​ឋាន​នរក។

៦) Gilead​ ​​ដោយ​​ Marilynne Robinson ជា​ប្រលោម​លោក​ដ៏​ទាក់ទាញ​ និង​ឈ្នះ​បាន​ពាន​រង្វាន់​ Politzer។ ​សៀវភៅ​នេះ​និយាយ​អំពី​ជីវិត​ ៣​ជំនាន់​​របស់​ស្ត្រី​មេ​​ផ្ទះ​ឈ្មោះ​ Marilynne Robinson។

៧) Three-Body Problem​ ដោយ​ Cixin Liu សៀវភៅ​ប្រលោម​លោក​បែប​វិទ្យាសាស្ត្រ​និយាយ​ពី​បដិវត្តន៍​ចិន​ និង​​គម្រោង​យោធា​ទាក់ទង​នឹង​មនុស្ស​ក្រៅ​ភព។

៨) ​Gone Girl​ ដោយ​ Gillian Flynn​ ស្ថិត​នៅ​ក្នុង​បញ្ជី​​សៀវភៅ​លក់​ដាច់​ជាង​គេ​នៅ​ New York Times។

៩) Fates and Furies​ ដោយ​​ Lauren Groff​ និយាយ​ពី​ទំនាក់ទំនង​ជា​គូ​ស្នេហ៍​​ក្នុង​រយៈ​ពេល​ ២៤​ឆ្នាំ។

១០) Song of Solomon​ ដោយ​​ Toni Morrisonសៀវភៅ​នេះ​ជា​ស្នាដៃ​និពន្ធ​របស់​អ្នក​និពន្ធ​ដ៏​ល្បី​ដែល​បាន​ឈ្នះ​ពាន​រង្វាន់​ណូបែល​ផ្នែក​អក្សរសាស្ត្រ។

១១) A Bend in the River​ ដោយ​ V.S. Naipaul សៀវភៅ​និយាយ​ពី​បុរស​ម្នាក់​​ដែល​នៅ​រស់​រាន​មាន​ជីវិត​បន្ទាប់​ពី​សង្គ្រាម។ លោក​បាន​រស់​នៅ​ក្នុង​ទីក្រុង​​​មួយ​ដែល​ត្រូវ​គេ​បោះបង់​ចោល៕