មេរៀនជីវិតដ៏មានតម្លៃ ៣យ៉ាង ដែលអ្នកគួររៀនសូត្រពីលោក លី ក្វាន់យូ បិតាស្ថាបនិកសិង្ហបុរី
លោក លី ក្វាន់យូ បិតាស្ថាបនិកសិង្ហបុរី និង ជាមេដឹកនាំដ៏អស្ចារ្យមួយ ដែលពិភពលោកទទួលស្គាល់។ បើនិយាយពីភាពរីកចម្រើនរបស់សិង្ហបុរីនៅបច្ចុប្បន្ននេះ ពិតជាមិនអាចភ្លេចដល់គុណបំណាច់របស់លោក លី ក្វាន់យូនោះទេ។ ថ្វីត្បិតតែលោកស្លាប់ទៅហើយក្តី តែកេរ្តិ៍ឈ្មោះរបស់លោក នៅតែល្បីល្បាញ។
ខាងក្រោមនេះ ជាមេរៀនជីវិតសំខាន់ៗដែលអ្នកគួររៀនសូត្រពីរូបលោក៖
១) ប្រឹងប្រែងដើម្បីភាពអស្ចារ្យ
ទស្សនាវដ្ដីTime បានប្រសិទ្ធិនាមលោកថា ជា«បុរសកំពូលប្រាជ្ញា» ហើយគ្មានការអត់ធ្មត់ចំពោះភាពខ្សោយរបស់ខ្លួនឡើយ។ លោក លី ក្វាន់យូជាមនុស្សដ៏អស្ចារ្យម្នាក់ ដែលអស្ចារ្យទាំងពាក្យសម្ដី និង សកម្មភាព។ តាំងពីក្មេងមក លោកគឺជាសិស្សឆ្នើមម្នាក់ ហើយគ្រប់ទីកន្លែងដែលលោកទៅដល់ គឺគេតែងទទួលស្គាល់ថា លោកលី ក្វាន់យូ ជាមនុស្សដែលអស្ចារ្យលើសពីមនុស្សទូទៅ។
២) ដើម្បីសម្រេចគោលដៅមួយ ពេលខ្លះត្រូវតែធ្វើការសម្រេចចិត្ត ទោះបីជាមានអ្នកដទៃមិនពេញចិត្ត
លោក លី ក្វាន់យូធ្លាប់ត្រូវបានគេរិះគន់ជាច្រើន ជាមនុស្សដែលផ្ដាច់ការ ហើយចូលចិត្តប្រើកណ្ដាប់ដៃដែក។ ក្នុងស្ថានភាពនេះ លោក លោក លី ក្វាន់យូ មិនដែលរារែកចំពោះមតិអ្នកទាំងនោះឡើយ ហើយលោកដឹងច្បាស់ពីអ្វីដែលខ្លួនកំពុងធ្វើ ពោលគឺក្នុងទិសដៅដើម្បីជួយឲ្យសិង្ហបុរីរីកចម្រើន ដូច្នេះហើយលោកមិនខ្លាចធ្វើអ្វីដែលខ្លួនបានសម្រេចចិត្តឡើយ ហើយជាលទ្ធផលគឺ សិង្ហបុរីបានក្លាយជាប្រទេសដ៏អស្ចារ្យមួយក្នុងពិភពលោក។
៣) និយាយជាមួយនឹងអនុភាពដ៏អស្ចារ្យ
អតីតមេដឹកនាំសិង្ហបុរីរូបនេះ ត្រូវបានគេទទួលស្គាល់ថា មានទេពកោសល្យក្នុងការនិយាយ ពោលគឺពេលនិយាយម្តងៗតែងបញ្ចេញនូវអនុភាពដ៏អស្ចារ្យដែលធ្វើឲ្យអ្នកស្ដាប់ មិនហ៊ានធ្វេសប្រហែស ឬ មិនយកចិត្តទុកដាក់នោះឡើយ៕
ដោយ៖ រតនា វិចិត្រ
