មានទ្រព្យសម្បត្តិ៧៤ពាន់លានដុល្លារ លោក Warren Buffett ចំណាយមិនលើសពី៣,១៧ដុល្លារសម្រាប់អាហារពេលព្រឹក
លោក Warren Buffett គឺជាមហាសេដ្ឋីលំដាប់ទី៣នៅលើពិភពលោក ដោយ មានទ្រព្យសម្បត្តិសរុបចំនួន ៧៤ពាន់លានដុល្លារអាមេរិក។ ប៉ុន្តែអ្វីជាការកត់សម្គាល់នោះ ការរស់នៅរបស់លោក គឺមានលក្ខណៈសាមញ្ញបំផុត។
ចំពោះការទទួលទានអាហារពេលព្រឹកវិញគឺ លោក ចំណាយមិនលើសពី៣,១៧ដុល្លារអាមេរិកនោះទេ។ លោកតែងចំណាយពេល៥នាទីក្នុងការបើករថយន្តទៅធ្វើការ ហើយតែងឈប់នៅហាងMcDonald ហើយទិញអាហារពេលព្រឹកនៅទីនោះ។ «ពេលខ្លះខ្ញុំចំណាយ ២,៦១ ឬ ២,៩៥ ហើយពេលខ្លះ៣,១៧ដុល្លារអាមេរិកសម្រាប់អាហារពេលព្រឹក»។ នេះបើតាមការបញ្ជាក់របស់លោកWarren Buffett ប្រាប់ទៅកាន់សារព័ត៌មានCNBC។ បើតាមឯកសារជាច្រើនបញ្ជាក់ថា មហាសេដ្ឋីអាមេរិកវ័យ៨៦ឆ្នាំរួបនេះ មានទម្លាប់បែបនេះអស់រយៈពេល៥៤ឆ្នាំមកហើយ៕
ដោយ៖ រតនា វិចិត្រ
