បើក្រុមមួយ មានគំនិតដូចគ្នាទាំងស្រុង នោះលទ្ធផលការងារមិនទាន់អស្ចារ្យខ្លាំងនោះទេ ហេតុអ្វីទៅ?
វប្បធម៌នៃការសហការគ្នារបស់មនុស្សនៅក្នុងក្រុមការងារជាទូទៅ តែងយល់ថាការសហការគ្នាដ៏ល្អបំផុត គឺជាការព្យាយាមឲ្យបានចៀសវាងនូវការខ្វែងគំនិតគ្នា ភាពមិនចុះសម្រុងគ្នានៃទស្សនយល់ឃើញរបស់សមាជិកក្នុងក្រុមម្នាក់ៗ ហើយព្យាយាមវិញនូវការសម្របទៅតាមគំនិតរបស់មនុស្សក្នុងក្រុមទើបជាការប្រសើរសម្រាប់បង្កើតសមិទ្ធផលដ៏អស្ចារ្យ។ អ្នករួមការងារជាមួយគ្នាតម្រង់រកទិសដៅតែមួយ តែងចូលចិត្តប្រកាន់យកគំនិតបែបនេះថា ពួកយើងកំពុងជិះទូកតែមួយហើយ។
ប្រាកដណាស់ថា ផ្នត់គំនិតដូចនេះចំពោះការសហការគ្នា នឹងនាំមកនូវភាពសុខស្រួលផ្លូវចិត្ត និងអារម្មណ៍ចំពោះគ្នា ក៏ដូចជាទំនាក់ទំនងផងដែរ ប៉ុន្តែឥទ្ធិពលអវិជ្ជមាននៃការសម្របគំនិតតាមគ្នាក្នុងក្រុម គឺជារឿងគ្រោះថ្នាក់បំផុតមួយ គ្មានខ្លឹមសារ និងគួរឲ្យធុញទ្រាន់ដែលអ្នករួមសហការគ្នាភាគច្រើនមិនយកចិត្តទុកដាក់។ គំនិតដូចគ្នា នឹងមិនផលិតបាននូវការងារដែលប្រកបដោយប្រសិទ្ធភាពខ្ពស់បាននោះឡើយ ផ្ទុយទៅវិញគំនិតដូចគ្នានឹងធ្វើឲ្យរួមតូចនូវភាពច្នៃប្រឌិតរបស់មនុស្ស និងធ្វើឲ្យសក្ដានុពលរបស់បុគ្គលម្នាក់ៗកប់ទៅក្នុងជម្រៅដ៏ជ្រៅ មិនត្រូវបានគាស់ចេញមកប្រើប្រាស់នោះឡើយ។
ត្រង់នេះមិនមែនណែនាំឲ្យអ្នកព្យាយាមបង្កើតជម្លោះឈ្លោះគ្នាជាមួយមនុស្សក្នុងក្រុមនោះឡើយ តែជាការលើកទឹកចិត្តឲ្យអ្នកព្យាយាមបំផុសនូវបរិយាកាសនៃជម្លោះដែលប្រកបដោយប្រសិទ្ធភាពក្នុងក្រុម ដើម្បីគាស់រំលើងនូវភាពច្នៃប្រឌិត និងលក្ខណៈពិសេសរបស់បុគ្គលក្នុងសមាជិកក្រុមយកមកប្រើជាប្រយោជន៍បាន។ បើអ្នកចង់ឆ្លាក់ច្នៃសមិទ្ធផលដែលឆ្លុះបញ្ចាំងនូវភាពអស្ចារ្យរបស់ស្នាដៃអ្នកបាន លុះត្រាណាតែអ្នកត្រូវជិះទូកតាមទិសដៅផ្ទុយគ្នាសិន មុននឹងឈានដល់ការព្រមព្រៀងគ្នាជិះលើទូកតែមួយបាន។
ថ្វីដ្បិតតែការជំទាស់ប្រកបដោយប្រសិទ្ធភាព លាយឡំនឹងភាពតានតឹង និងការខ្វែងគំនិតគ្នា មានគុណសម្បត្តិរួមចំណែកដល់ភាពច្នៃប្រឌិតសម្រាប់ក្រុមការងាររបស់អ្នកពិតមែន ប៉ុន្តែការបង្កើតនូវបរិយាកាសដែលបំផុសឲ្យមានការជំទាស់បែបនេះឡើង គឺជារឿងដែលទាមទារនូវការព្យាយាមកម្រិតខ្ពស់មួយ ដូច្នេះតាមរយៈគន្លឹះដោះស្រាយដ៏មានប្រសិទ្ធភាពខាងក្រោមនេះ អាចនឹងនាំអ្នកឲ្យសម្រេចដល់ចំណុចកំពូលនោះបានជាទីពេញចិត្ត។
- នៅក្នុងក្រុមការងារមួយ សមាជិកម្នាក់ៗត្រូវចែកតួនាទីដោយឡែកៗពីគ្នារបស់ខ្លួន ព្រមទាំងមានការទទួលខុសត្រូវទៅលើកាតព្វកិច្ចចំពោះតួនាទីរបស់ខ្លួនក្នុងក្រុមផងដែរ។ ឧទាហរណ៍ថា ក្នុងក្រុមការងារមួយ អ្នកមានតួនាទីផ្ដោតអាទិភាពទៅលើសេវាកម្មបម្រើដ៏អស់ពីចិត្តចំពោះអតិថិជន ឯមិត្តអ្នកម្នាក់ទៀតមានតួនាទីផ្ដោតអាទិភាពទៅលើគុណភាពផលិតផល និងតម្លៃដ៏សមរម្យសម្រាប់ផលិតផល។ នៅពេលអ្នកទាំងពីរជួបគ្នាលើកឡើងពីគម្រោងផែនការសម្រាប់ផលិតផលនាពេលអនាគតណាមួយ អ្នកទាំងពីរត្រូវជជែកវែកញែកគ្នាអំពីគម្រោងការនោះដោយផ្អែកទៅលើភាពខុសគ្នានៃអាទិភាពក្នុងតួនាទីបុគ្គលរបស់ខ្លួន រហូតឈានដល់ការព្រមព្រៀងជាឯកច្ឆន្ទមួយ។
- កូនសោដំណោះស្រាយបន្ទាប់ គឺជាការជ្រើសរើសសមាជិកក្រុមការងារដែលមានបុគ្គលិកលក្ខណៈពិសេសខុសប្លែកពីគ្នា។ មនុស្សម្នាក់ៗតែងមានលក្ខណៈពិសេសរៀងៗខ្លួន ដែលនាំឲ្យពួកគេមានការយល់ឃើញចេញពីជ្រុងនៃបញ្ហាក៏មានភាពខុសៗគ្នាដែរ។ ប្រសិនបើអ្នកសង្កេតឃើញថា គំនិតរួមរបស់ក្រុមនៅមានចន្លោះប្រហោង មិនទាន់ល្អឥតខ្ចោះនៅឡើយ នោះអ្នកត្រូវជំរុញលើកទឹកចិត្តឲ្យបុគ្គលដែលមានការគិតខុសប្លែកពីគ្រប់គ្នា លើកឡើងពីការយល់ឃើញរបស់ខ្លួនទៅលើដំណោះស្រាយចំពោះបញ្ហានោះ ថាមិនត្រូវនោះទេដែលគំនិតរបស់ពួកគេគឺជាពន្លឺភ្លើងដ៏ភ្លឺចិញ្ចាចបំភ្លឺនូវភាពអាប់អួក្នុងបរិយាកាសក្រុមការងារបាន។
- ចំណុចសំខាន់មួយទៀតសម្រាប់បំផុសនូវការជំទាស់ប្រកបដោយប្រសិទ្ធភាព គឺជាដែនកំណត់សម្រាប់ការជំទាស់។ ទោះជានៅជ្រុងម្ខាងនៃការខ្វែងគំនិតគ្នាផ្ដល់ភាពវិជ្ជមាននិងភាពច?
