ផ្លែផ្កាសំខាន់ៗដែលសិស្សនិស្សិតនឹងទទួលបាន ប្រសិនបើរៀនបណ្ដើរហើយឆ្លៀតធ្វើការបណ្ដើរ
ធ្វើការផងរៀនផងគឺផ្ដល់អត្ថប្រយោជន៍ដល់អ្នកច្រើនណាស់។ តែសិស្សមួយចំនួននៅតែគិតថា ការធ្វើការងារគឺបំបែកអារម្មណ៍សិក្សារបស់ពួកគេ។ វាមើលទៅពិបាកដូចគេថាមែន តែបើអ្នកតស៊ូ គឺគ្មានអ្វីដែលធ្វើមិនបានឡើយ។
ហេតុផលទាំងនេះហើយ ដែលស័ក្ដិសមសម្រាប់សិស្សចង់ធ្វើការនោះ៖
១) ផ្ដល់ថវិកាសម្រាប់អ្នកប្រសិនបើអ្នកខ្វះខាត
សិស្សក្រីក្រខ្លះសុខចិត្តបញ្ឈប់ការសិក្សាដោយសារតែគ្មានលទ្ធភាព។ តែបើអ្នកអាចធ្វើការខ្លះដើម្បី យកថវិកាមកផ្គត់ផ្គង់ នោះវាអាចក្លាយជាឱកាសមួយនាំឲ្យអ្នកបានទទួលសញ្ញាប័ត្រផងដែរ។
២) ផ្ដល់បទពិសោធន៍ការងារ
ពេលអ្នករៀនចប់ អ្នកនឹងស្វែងរកការងារណាដែលស៊ីនឹងអ្វីដែលអ្នកបានរៀន។ ហើយបើអ្នកមានបទពិសោធន៍ជាក់ស្ដែងពីវាទៀត វារឹតតែល្អសម្រាប់អនាគត ដោយសារតែអ្នកច្បាស់ពីវា។
៣) បង្រៀនអ្នកពីជំនាញរៀបចំពេលវេលាបានល្អ
ធ្វើការគឺខុសគ្នាពីរៀន។ នេះដោយសារតែអ្នកធ្វើការ អ្នកមានការងារច្រើនត្រូវធ្វើ ដូចនេះអ្នកនឹងកាន់តែចេះលៃលកពេលវេលាធ្វើកិច្ចការបានត្រឹមត្រូវនិងទៀងម៉ោងទៀត៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ thebalance
