វិធីជួយឲ្យអ្នកអាច«ការរកស៊ី»អ្វីមួយដែលខ្លួនចង់ ដោយមិនចាំបាច់ឈប់ធ្វើការឲ្យគេក៏បាន
ចង់បង្កើតការរកស៊ីមួយ គឺមិនហត់ទេ តែអ្នកត្រូវតែឆ្លាតខ្លាំងក្នុងការរកស៊ីនោះ។ ដូចនេះអ្នកអាចបង្កើតការរកស៊ីដែលអ្នកចង់បាន ដោយមិនចាំបាច់ឈប់ធ្វើការឲ្យគេក៏បាន។ អ្នកអាចបានប្រាក់ចំណូលពីការរកស៊ីខ្លួនឯងផង និងការធ្វើការឲ្យគេផង។ តើត្រូវធ្វើយ៉ាងណាទៅ?
១) យកអ្វីដែលអ្នកចូលចិត្តមករកស៊ី៖ ចាប់ផ្ដើមការរកស៊ីមួយគឺទាមទារពេលវេលាពីអ្នកច្រើនណាស់។ ហេតុនេះអ្នកត្រូវតែធ្វើអ្វីដែលអ្នកចង់ធ្វើ។ ដូចនេះអ្នកត្រូវគិតមើលថាតើអ្នកចូលចិត្តអ្វី? ចូលចិត្តចម្អិនម្ហូបឬ? អ្នកអាចបង្កើតជា គេហទំព័រណាមួយ ដែលនិយាយរៀបរាប់ទាក់ទងនឹងវិធី និងមុខម្ហូបទៅ។ ពេលនោះអ្នកអាចនឹងរកប្រាក់ចំណូលបានច្រើនពី អ្នកមើលផងដែរ។
២) ជ្រើសរើសបុគ្គលិកណាដែលអ្នកពូកែហើយអាចទុកចិត្តបាន៖ តាមពិតទៅ បើអ្នកដឹងថាអ្នកចង់រកស៊ីអ្វី អ្នកមិនចាំបាច់បង្ហាញខ្លួននៅកន្លែងរកស៊ីក៏បានដែរ។ អ្នកគ្រាន់តែជួលបុគ្គលិកនិងអ្នកជំនាញណាដែលអាចទុកចិត្តហើយមានសមត្ថភាពស័ក្ដិសមនឹងទទួលរ៉ាប់រងការងារទាងនោះក៏បាន។
៣) បង្កើតកាលវិភាគការងារឲ្យត្រឹមត្រូវ៖ ការដោះសាជាច្រើនគឺថា ពួកគេមិនរកស៊ីដោយសារគ្មានពេលវេលាគ្រប់គ្រាន់។ ចុះហេតុអ្វីអ្នកមិនកំណត់ពេលវេលាឲ្យបានច្បាស់លាស់ទៅ។ មិនជឿថា ពេល២៤ម៉ោង ហើយអ្នកចែកមិនដាច់ថាពេលណាអ្នករកស៊ី និងពេលណាអ្នកធ្វើការនោះទេ។
៤) ប្រើប្រាស់ប្រព័ន្ធTechnologyដើម្បីពន្លឿនការងារ៖ ពេលខ្លះបច្ចេកវិទ្យា ទំនើបៗ ជាច្រើនដែលផ្ដល់កម្មវិធីនានា ជួយសម្រួលដល់ការងាររបស់លោកអ្នក។ ហេតុនេះដោយគ្រាន់តែទិញយកកម្មវិធីណាដែលអ្នកត្រូវការទៅ វាអាចជួយពាំនាំព័ត៌មាន និងឯកសារការងាររបស់អ្នកផ្ទាល់តែម្ដង តាមរយៈទូរស័ព្ទនិង កុំព្យូទ័រ ដូចនេះអ្នកមិនបាច់ហត់ច្រើន ទៅដល់ហាងទេ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ richdad
