លោកអាល់ប៊ឺត អាញ់ស្ដាញ់ (Albert Einstein) កើតក្នុងឆ្នាំ ១៨៧៩ ក្នុងប្រទេសអាឡឺម៉ង។ លោកអាល់ប៊ឺត អាញ់ស្ដាញ់ ត្រូវបានគេស្គាល់ថាជាបិតាអ្នកប្រាជ្ញវិទ្យាសាស្រ្តសម័យទំនើបដ៏ល្បីល្បាញមួយរូបក្នុងសវត្សទី ២១។

លោកមិនត្រឹមជាអ្នកវិទ្យាសាស្រ្តដែលរកឃើញនូវទ្រឹស្ដីសំខាន់ៗនោះទេ តែទស្សនៈរបស់លោកជាច្រើនត្រូវបានគេយកទៅប្រើប្រាស់យ៉ាងច្រើនផងដែរ។ ដូចនេះ BizKhmer សូមលើកយកកម្រងទស្សនៈទាំង ១០ឃ្លារបស់ អាល់ប៊ឺត អាញ់ស្ដាញ់ កំពូលអ្នកប្រាជ្ញសម័យទំនើប មកចែកជូនមិត្តអ្នកអានក្នុងថ្ងៃនេះ៖

១) «ពេលដែលអ្នកឈប់រៀន អ្នកកំពុងតែឈានដល់ការស្លាប់បន្ដិចម្ដងៗ»។

២) «ខ្ញុំមិនឆ្លាតនោះទេ តែខ្ញុំគ្រាន់តែអាចស៊ូជាមួយនឹងបញ្ហាបានយូរជាងអ្នកប៉ុណ្ណោះ»។

៣) «មនុស្សអន់សងសឹក មនុស្សខ្លាំងលើកលេង មនុស្សឆ្លាតមិនអើពើ»។

៤) «ការអប់រំមិនមែនជាការរៀនអំពីការពិតនោះទេ តែជាការហ្វឹកហាត់ខួរក្បាលឲ្យចេះគិត»។

៥) «មានតុ កៅអី ផ្លែឈើមួយចាន និងវីយូឡុងហើយ តើមានអ្វីទៀតដែលមនុស្សត្រូវការដើម្បីបំពេញតណ្ហារបស់គេ?»។

៦) «ជីវិតប្រៀបដូចជាការជិះកង់អ៊ីចឹង ប្រសិនបើចង់ទៅមុខ អ្នកត្រូវតែប្រឹងធាក់បន្តទៀត»។

៧) «ភាពខុសគ្នារវាងមនុស្សឆ្កួត និងមនុស្សឆ្លាត គឺថាមនុស្សឆ្លាតមានដែនកំណត់»។

៨) «ដាក់ក្បាលអ្នកក្នុងចង្ក្រានមួយនាទីប្រៀបដូចមួយម៉ោងអ៊ីចឹង។ អង្គុយជិតស្រីស្អាតមួយម៉ោង ប្រៀបដូចមួយនាទី»។

៩) «សំនួរមួយដែលខ្ញុំពិបាកឆ្លើយជាងគេ៖ តើខ្ញុំឆ្កួត ឬអ្នកដ៏ទៃឆ្កួត?»

១០) «ប្រសិនបើ «ក» គឺជាភាពជោគជ័យក្នុងជិវិតអ្នក អ៊ីចឹង«ក»ស្មើនឹង «ខ» បូក «គ» បូក «ឃ»។ «ខ» គឺការខិតខំប្រឹងប្រែងធ្វើការងារ «គ» គឺភាពរីករាយ «ឃ» គឺបិតមាត់របស់អ្នកឲ្យជិត»៕

ចុចអាន៖ គតិបណ្ឌិតទាំង១០របស់អ្នកប្រាជ្ញចិន ខុងជឺ ដោយ៖ លង់ វណ្ណៈ