លោកលន់​ បូរី នាយកប្រតិបត្តិរបស់ក្រុមហ៊ុន 3G Agent Co., Ltd ទទួលបានពាន​រង្វាន់មាសផ្នែកគុណភាព វប្បធម៌ ពីស្ថាប័ន BID​ ​ប្រទេសអង់គ្លេស កាល​ពី​ថ្ងៃ​ទី១៨ វិច្ឆិកា​ កន្លង​ទៅ។ ​គួរ​កត់​សម្គាល់​ថា​ ស្ថាប័ន​ BID ជាស្ថាប័ន​ឯករាជ្យ និងឈានមុខគេក្នុងការផ្សព្វផ្សាយ អំពីគុណភាព និងវប្បធម៌ នៅលើពិភពលោក។ ​សកម្មភាពចម្បងរបស់ស្ថាប័​ន​នេះ គឺ​ការទំនាក់ទំនងជាមួយអាជីវកម្ម ជួយតម្រង់ទិសឆ្ពោះពួកគេ​ឱ្យ​ទៅរកការគ្រប់គ្រងតាមរយៈគុណសម្បត្តិ ឧត្តមភាព និងការច្នៃប្រឌិតខ្ពស់។ ​ ​​ក្រុមហ៊ុន 3G Agent ​​​ត្រូវបានជ្រើសរើសសម្រាប់ពានរង្វាន់​មាស​ផ្នែក​គុណភាព និង​វប្បធម៌​​ ដោយ​ផ្អែកលើលទ្ធផលនៃការបោះឆ្នោតនិងព័ត៌មានសំខាន់ជាច្រើនៗដែលទទួលបានពីគណៈ​គ្រប់គ្រងវាយតំលៃរបស់ BID Quality Assurance និងការចូលរួចចំណែកជាវិជ្ជមានរបស់ 3G Agent ក្នុងការអភិវឌ្ឍ ជួយធើ្វ​ឱ្យ​ប្រសើរឡើងនូវអតិថិជនរបស់ខ្លួនជាង 100 ដែលគិតចាប់ពី SME រហូតទៅដល់កម្រិតសាជីវកម្ម ដោយផ្តោតលើការ លើកកម្ពស់ផលិតភាពអាជីវកម្ម និងធនធានមនុស្ស។ ក្នុងរយៈពេល ​៣២​ឆ្នាំចុងក្រោយនេះស្ថាប័​ន BID បានទទួលស្គាល់ក្រុមហ៊ុន និងអង្គភាពជាច្រើនដែលដឹកនាំសកម្មភាពសំខាន់ៗនៅក្នុងពិភពជំនួញ ហើយត្រូវបានចាត់ទុកថាជាស្ថាប័n ដំបូងគេ ដែលបានអនុវត្តការផ្សព្វផ្សាយនៃគុណភាព​ វប្បធម៌ ឧត្តមភាព និងការច្នៃប្រឌិតនៅក្នុង ១៧៩​ប្រទេសរួចមកហើយនៅលើពិភពលោក។ ពានរង្វាន់មាស ផ្នែកគុណភាព និងវប្បធម៌​ មិនមានន័យសម្រាប់តែលោក លន់ បូរី ​ក្រុមហ៊ុនលោក ក្រុមការងារ​ និងក្រុមគ្រួសាររបស់លោកទេ​ប៉ុណ្ណោះ​ទេ ប៉ុន្តែក៏សម្រាប់ប្រទេស​កម្ពុជា​យើង​ផងដែរ ក្នុងការលើកកម្ពស់ គុណភាព វប្បធម៌​ សេវាកម្ម និងផលិតផល ដែលមានសារៈសំខាន់សំរាប់ការរីកចម្រើនប្រកបដោយនិរន្តភាព។ ប្រសិនបើលោកអ្នកកំពុងស្វែងរកដៃគូអាជីវកម្មដែលមានសមត្ថភាព និងបទពិសោធន៍ខ្ពស់ក្នុងការអភិវឌ្ឍធនធានមនុស្ស និងអាជីវកម្មរបស់អ្នក ក្រុមហ៊ុន 3G Agent គឺជាជម្រើស ដ៏​សក្ដិសកម​សម្រាប់​លោក​អ្នក៕