សម្រង់សម្ដីខ្លឹមៗទាំង ១៥ឃ្លា របស់លោករ៉ូបឺត គីយ៉ូសាគី
ថ្ងៃមុន BizKhmer បានលើកយកសម្រង់សម្ដី ១០ឃ្លារបស់លោក រ៉ូបឺត គីយូសាគី មកចែកជូនមិត្តអ្នកអានម្ដងរួចមកហើយ។ ប៉ុន្តែដោយមើលឃើញពីសម្ដីដែលជាគតិបណ្ឌិតរបស់លោក BizKhmer សូមដកស្រង់សម្រង់សម្ដី ១៥ឃ្លាបន្ថែមទៀតសម្រាប់ជាការត្រឹះរិះពិចារណា ដើម្បីរីកចម្រើនរបស់លោកអ្នក។ គួរបញ្ចាក់ផងដែរ លោក រ៉ូបឺត គីយូសាគី គឺជាជនជាតិអាមេរិកកាត់ជប៉ុន ហើយគាត់គឺជាមហាសេដ្ឋីផ្នែកហិរញ្ញវត្ថុដ៏ល្បីល្បាញម្នាក់លើពិភពលោក។ លោកគឺជាអ្នកអ្នកនិពន្ធសៀវភៅដ៏ល្បីល្បាញគឺ ឪពុកអ្នកមាន ឪពុកអ្នកក្រ ដែលលក់ដាច់បំផុតទូទាំងពិភពលោក។ ខាងក្រោមនេះគឺជាសម្រង់សម្ដីល្អៗទាំង ១៥ឃ្លា របស់លោករ៉ូបឺត គីយូសាគី៖
១) «អ្នកត្រូវស្ដាប់ដោយប្រើភ្នែកទាំងគូរបស់អ្នក។ សកម្មភាពមានឥទ្ធិពលជាពាក្យសម្ដី។ ដូចនេះមើលលើទង្វើរបស់មនុស្សជាជាងស្ដាប់ការនិយាយព្រោគប្រាជ្ញរបស់គេ។»
២) «នៅពេលដែលអ្នកដឹងថាអ្នកគឺជាបញ្ហា នោះអ្នកនឹងផ្លាស់ប្ដូរខ្លួនរបស់អ្នក រៀនសូត្រ និងរីកចម្រើនលូតលាស់។ កុំបន្ទោសអ្នកដទៃ ដោយសារកំហុសរបស់អ្នក។»
៣) «អ្នកខិតខំធ្វើការដើម្បីមិនចង់ឲ្យគេដកចេញពីការងារ ចៅហ្វាយបង់ប្រាក់ខែឲ្យអ្នកគ្រប់គ្រាន់ដោយមិនចង់ឲ្យអ្នកចាកចេញ។»
៤) «ទ្រព្យដ៏មានសក្ដានុពលរបស់អ្នកគឺខួរក្បាល។ ប្រសិនបើអ្នកបានបង្វឹកខួរក្បាលអ្នកឲ្យល្អ វាអាចជួយបង្កើតទ្រព្យសម្បត្តិឲ្យអ្នកត្រឹមមួយប៉ប្រិកភ្នែក។»
៥) «ភាពឆ្លាតវៃជួយដោះស្រាយបញ្ហានិងបង្កើតលុយ ប៉ុន្តែមានលុយ តែមិនមានភាពវ័យឆ្លាតហិរញ្ញវត្ថុ លុយនឹងរលាយបាត់ជាមិនខាន។»
៦) «ចាប់ផ្ដើមពីតូច សុបិនឲ្យធំ។»
៧) «ទស្សនៈដែលធ្វើឲ្យអ្នកមានឬក្រគឺ អ្នកមានវិនិយោគលុយ ហើយចំណាយលើអ្វីដែលនៅសេសសល់ ខណៈអ្នកក្រចំណាយសិន ទើបយកទៅវិនិយោគ។»
៨) «កុំនិយាយថាអ្នកមិនមិនលទ្ធភាពធ្វើអ្វីមួយ ពីព្រោះនេះគឺជាគំនិតមនុស្សក្រនោះទេ។ អ្នកគួរសួរថាតើយកវាដោយរបៀបណា។»
៩) «អនាគតរបស់អ្នកគឺកើតពីអ្វីដែលអ្នកធ្វើថ្ងៃនេះ មិនមែនអ្វីដែលអ្នកធ្វើថ្ងៃស្អែកនោះទេ។»
១០) «រឿងដ៏ឆ្កួតឡប់គឺការធ្វើដូចជាមនុស្សឆ្លាត។ នៅពេលអ្នកធ្វើខ្លួនដូចជាមនុស្សឆ្លាត អ្នកស្ថិតនៅលើភាពល្ងីល្ងើហើយ។»
១១) «មនុស្សដែលមានក្ដីសិបិនតូច និងបន្តជាមនុស្សតូចតាច។»
១២) «មនុស្សលើលោកនេះមាន៣ប្រភេទ៖ ទីមួយមនុស្សដែលបង្កើតសមិទ្ធផល ទីពីរមនុស្សដែលរង់ចាំលទ្ធផល និងទីបីមនុស្សដែលនិយាយថា នរណាបង្កើតលទ្ធផលនេះឡើង។»
១៣) «មនុស្សជាច្រើនខ្ចិលគិត ដូចនេះពួកគេគិតដដែលៗរៀងរាល់ថ្ងៃ ដោយមិនព្យាយាមគិតអ្វីដែលថ្មី។»
១៤) «ការអប់រំមានតម្លៃថោក បទពិសោធន៍មានតម្លៃថ្លៃ។»
១៥) «ការស្រលាញ់លុយមិនមែនជាឬសគល់នៃអំពើអាក្រក់នោះទេ តែការអត់លុយទើបជាឬសគល់នៃអំពើអាក្រក់។»
ដោយ៖ លង់ វណ្ណៈ
