ចេះតែបរាជ័យគ្រប់រឿងមែនទេ? តើធ្វើយ៉ាងណាដើម្បីជឿជាក់លើខ្លួនឯងបន្តទៀត?
ការជឿជាក់លើខ្លួនឯងគឺទាមទារពេលវេលាយូរ, ការខិតខំនិង ការទាក់ទងគ្នាតៅវិញទៅមក។ ការជឿជាក់លើខ្លួនឯងនិងបង្រៀនឲ្យអ្នក ទុកចិត្តនិងមិនខ្លាចខ្លួន ហើយមិនចាំបាច់ពឹងផ្អែកខ្លួនឯងទៅលើអ្នកដទៃទៀត។ តើគួរធ្វើយ៉ាងណាដើម្បីបន្ថែមការជឿជាក់ខ្លួនឯងឲ្យកាន់តែខ្លាំងថែមទៀត?
១) ចិត្តល្អដាក់ខ្លួនឯង
ការស្រឡាញ់ និងចិត្តល្អដាក់ខ្លួនឯង គឺកំពុងតែបង្កើតភាពវិជ្ជមានដាក់ខ្លួនឯង។ វាប្រៀបបានទៅនឹងផ្កាដែលជិតងាប់ ហើយអ្នកយកទឹកទៅស្រោចវាអីចឹង ពេលនោះជីវិតនឹងមានទឹកដមឡើងវិញ។
២)បង្កើតភាពខ្លាំងឲ្យខ្លួនឲ្យច្រើន៖
គ្មាននរណាម្នាក់ដែលចង់រស់នៅនៅក្រោមគេទេ គឺមានតែចង់ខ្លាំងជាងគេ និងលេចធ្លោជាងគេ។ ដូចនេះបើសិនជាគិតថាអ្នកគឺត្រឹមតែជាមនុស្យធម្មតានោះ អ្នកនឹងលែងជឿជាក់លើខ្លួនឯង ហើយតែងតែគិតថាគេល្អ និងត្រូវលើអ្នករហូត។ តែបើអ្នកបង្កើតភាពខ្លាំងឲ្យលើសគេ នោះហើយអ្នកនឹងកាន់តែស្គាល់ខ្លួនលើសមុននឹង វាគឺជារឿងប្រសើរណាស់។
៣) ឈប់ក្លាយជាមនុស្សរវល់
កាលដែលធ្វើឲ្យខ្លួនរវល់ពេកគឺមានន័យថា អ្នកកំពុងតែដាក់ទោសលើខ្លួន។ ចុះហេតុអីមិនផ្ដល់ពេលគ្រប់គ្រាន់សម្រាប់ខ្លួនឯងទៅ? ចុះហេតុ អីមិនធ្វើការងារធម្មតា ៗ ដូចអ្នកដទៃ ទៅ? ហេតុ អីត្រូវចាំបាច់បង្ខំខ្លួនឯងឲ្យមានសម្ពាធធ្វើអី? កាលដែលអ្នកដាក់សម្ពាធលើខ្លួនឯងពេក គឺមានន័យថាអ្នកមិនបានទុកចិត្តលើខ្លួនឯងបន្តិចទាល់តែសោះ។
៤) ត្រូវគិតថាជឿលើខ្លួនឯងជាងនរណា ៗ ទាំងអស់
បើខ្លួនឯងមិនជឿខ្លួនឯងផង តើចង់ឲ្យនរណាមកជឿ? កើតមកមួយជីវិតនេះ ចូរកុំឲ្យតម្លៃអ្នកដទៃច្រើនជាងខ្លួនឯងពេកអី ព្រោះថាអ្នកអាចនឹងស្ដាយក្រោយអស់មួយជីវិតដោយមិនបានជឿជាក់លើខ្លួនឯងនោះ៕
ដោយ៖ ព្រំ សុវណ្ណកណ្ណិកា
