អានសម្រង់សម្ភី ៨នេះ ដើម្បីលើកទឹកចិត្តខ្លួនអ្នកបន្ដដំណើរតទៅមុខទៀត
ពេលបរាជ័យ អ្នកនឹងបាក់ទឹកចិត្ត អស់សង្ឃឹម។ ប៉ុន្តែដើម្បីភាពជោគជ័យវិញ មនុស្សត្រូវការពេលច្រើន ការលះបង់ ព្យាយាម ជួបឧបសគ្គ និងបរាជ័យរាប់មិនអស់នេះក៏ដោយសារតែរឿងបរាជ័យងាយជាងរឿងជោគជ័យ។
សូមលើកទឹកចិត្តខ្លួនឯង ហើយយកសម្រង់សម្ដីរបស់បុគ្គលល្បីៗចំនួន ៨ ខាងក្រោមនេះទៅពិចារណាដើម្បីដាស់តឿនខ្លួនឯងឲ្យកាន់តែខិតខំ ប្រឹងប្រែងដើរបន្តទៅមុខទៀត។
១.មនុស្សម្នាក់ៗមានរយៈពេល ២៤ ម៉ោងដូចគ្នា «កុំនិយាយថា អ្នកមិនមានពេលគ្រប់គ្រាន់។ អ្នកមានពេល ២៤ ម៉ោងក្នុងមួយថ្ងៃដូចលោកស្រី Helen Keller លោក Louis Pasteur លោកស្រី Mother Teresa លោក Thomas Jefferson និងលោក Albert Einstein»។ - H. Jackson Brown Jr.
២.ពេលវេលាគឺជាដៃគូជីវិតដ៏មានតម្លៃបំផុត «មានគេប្រាប់ខ្ញុំថា “ពេលវេលា” ប្រៀបដូចជាសត្វដ៏គ្រោះថ្នាក់បំផុតសម្លាប់មនុស្សយើងម្នាក់ៗដោយមិនដឹងខ្លួន។ ប៉ុន្តែខ្ញុំជឿជាក់ថា ពេលវេលាគឺជាដៃគូជីវិតដ៏មានតម្លៃបំផុតដែលរំឭកយើងឲ្យចេះស្រឡាញ់វាគ្រប់ពេល ហើយវាប្រាប់យើងថា វានឹងមិនត្រឡប់មករកយើងម្តងទៀតនោះទេ»។ - Jean-Luc Picard
៣.មានតែអ្នកផ្លាស់ប្ដូរគឺជាអ្នកឈ្នះ «អ្នកខ្លាំងបំផុតអ្នកឆ្លាតបំផុតមិនមែនជាអ្នកដែលឈ្នះរហូតនោះឡើយ។ ប៉ុន្តែវាគឺជាអ្នកដែលត្រៀមខ្លួនដើម្បីផ្លាស់ប្ដូរ»។ - Charles Darwin
៤.ការខិតខំប្រឹងប្រែងគឺជារង្វាន់ដ៏មានតម្លៃដែលជីវិតបានផ្តល់ឲ្យ «រង្វាន់ដ៏មានតម្លៃបំផុតដែលជីវិតផ្តល់ឲ្យគឺឱកាសដើម្បីខិតខំប្រឹងប្រែងធ្វើការមួយដែលមានតម្លៃសម្រាប់អ្នក»។ - Theodore Roosevelt
៥.ជីវិតរបស់អ្នក គឺអ្នកជាអ្នកកំណត់ «នៅពេលអ្នកកាន់ប៊ិចចាប់ផ្តើមសរសេរទំព័រជីវិតរបស់អ្នក សូមកុំឲ្យអ្នកណាម្នាក់មកកាន់ចុងប៊ិចសរសេរជំនួសអ្នក»។ - Harley Davidson
៦.កុំធ្វើការដើម្បីលុយ «ប្រសិនបើអ្នកធ្វើការដើម្បីលុយ អ្នកមិនអាចរកលុយបានច្រើននោះឡើយ។ ប៉ុន្តែបើអ្នកស្រលាញ់អ្វីដែលអ្នកកំពុងធ្វើ ហើយយកអតិថិជនជាធំ ជោគជ័យនឹងធ្លាក់ទៅលើដៃអ្នក»។ - Ray Kroc
៧.បរាជ័យធ្វើឲ្យអ្នកជោគជ័យ «ខ្ញុំបានបរាជ័យបោះបាល់មិនចូលប្រអប់ ៩ ០០០ ដងពេញមួយអាជីពរបស់ខ្ញុំ។ ខ្ញុំបានបរាជ័យ ៣០០ ប្រកួត។ មាន ២៦ ប្រកួតដែលខ្ញុំជឿជាក់ថា ខ្ញុំនឹងឈ្នះការប្រកួត ប៉ុន្តែខ្ញុំបែរជាចាញ់ទៅវិញ។ ខ្ញុំបានបរាជ័យហើយបរាជ័យទៀតនៅក្នុងឆាកជីវិតរបស់ខ្ញុំ។ ហើយនេះជាមូលហេតុដែលខ្ញុំជោគជ័យ»។ - Michael Jordan
៨.ជីវិតត្រូវមានការផ្លាស់ប្ដូរ «មានជម្រើសសំខាន់ៗចំនួន ២នៅក្នុងជីវិតរបស់អ្នកគឺ ១ ទទួលយកស្ថានភាពដែលកើតមានឡើង ឬទទួលយកការទទួលខុសត្រូវដើម្បីត្រៀមខ្លួនផ្លាស់ប្ដូរ»។
Denis Waitley
ប្រភព៖ Entrepreneur
