ទស្សនៈអប់រំដ៏មានតម្លៃចំនួន ៧ ដែលមហាសេដ្ឋី Tony Robbins ថា អ្នកត្រូវដឹងក្នុងមួយឆាកជីវិតនេះ
តើអ្នកមានដឹងទេ? បុគ្គលជោគជ័យបំផុតនៅលើពិភពលោកនេះមានលក្ខណៈពិសេសរួមមួយគឺថា ពួកគេមានភាពយ៉ាងស្ទាត់ជំនាញក្នុងការស្រវាចាប់យកសមិទ្ធផលអ្វីក៏ដោយនៅពេលដែលខ្លួនចង់បាន។ នេះជាអ្វីដែលលោក Tony Robbins ចង់លើកឡើង ហើយវាក៏ជាស្របទៅនឹងទស្សនៈចំនួន ៧ ដែលលោកយល់ថា គឺជាវិថីនៃភាពជោគជ័យ ហើយជាអ្វីដែលអ្នកត្រូវដឹងផងដែរ។
១.អ្វីៗដែលកើតមានឡើងសុទ្ធតែមានហេតុ និងផល ប៉ុន្តែវាហុចលទ្ធផលមួយមកឲ្យយើងឃើញ
មនុស្សជោគជ័យផ្ដោតលើអ្វីដែលអាចធ្វើទៅបាននៅក្នុងស្ថានភាពមួយ បើទោះបីជាមានការរិះគន់បែបជាន់ពន្លិចត្រឡប់មកវិញក៏ដោយ។ លោកសរសេរថា នៅក្នុងលទ្ធផលអាក្រក់មួយ អាចមានគ្រាប់ពូជដែលល្អមួយមានតម្លៃស្មើនឹងអ្វីដែលបានបាត់បង់ ឬមានប្រយោជន៍លើសពីអ្វីដែលយើងរំពឹងទុកទៅទៀត។
២.អ្វីៗទាំងអស់មិនមែនជាការបរាជ័យនោះទេ។ វាគ្រាន់តែជាលទ្ធផលមួយប៉ុណ្ណោះ
សម្រាប់អ្នកជោគជ័យ យល់ថា ការបរាជ័យគ្រាន់តែជាលទ្ធផលមួយប៉ុណ្ណោះ។ ប្រសិនបើលទ្ធផលដែលកើតមានឡើង មិនសមតាមបំណងដែលពួកគេចង់បាន ពួកគេយល់ថា វាជាឱកាសមួយដើម្បីរៀនសូត្រ។ បើយោងតាមការយល់ឃើញរបស់លោក Robbins មនុស្សដែលជឿថា ការបរាជ័យ គឺជាបាត់បង់អ្វីៗគ្រប់យ៉ាង គំនិតរបស់បុគ្គលនោះកំពុងត្រូវថ្នាំពុល។
៣.ទោះមានរឿងអ្វីកើតឡើងក៏ដោយ ត្រូវតែមានទំនួលខុសត្រូវ
បុគ្គលដែលជោគជ័យខ្លាំងជឿថា ពួកគេជាអ្នកបង្កើតពិភពលោក និងការពិតឡើង។ ត្រង់នេះលោក Robbins និយាយថា មេដឹកនាំដ៏អស្ចារ្យបំផុតមានសមត្ថភាពនិយាយដូច្នេះថា៖«វាជាទំនួលខុសត្រូវរបស់ខ្ញុំ។ ទុកឲ្យខ្ញុំជាអ្នកមើលថែរក្សាវា»។
៤.ចង់មានសមត្ថភាពប្រើប្រាស់អ្វីគ្រប់យ៉ាង វាមិនចាំបាច់ទាល់តែចេះគ្រប់យ៉ាងនោះទេ
រវាងការប្រើប្រាស់ និងចំណេះដឹង គឺមានចំណុចតុល្យភាពមួយ។ លោក Robbins និយាយថា អ្នកជោគជ័យទាញយកឱកាសពីស្ថានភាពមួយ ចាប់យកអ្វីមួយដែលខ្លួនចង់បានយកមកគ្រប់គ្រង និងមិនដេកពឹងផ្អែកលើព្រេងសំណាង។
៥.មនុស្សគឺជាធនធានដ៏អស្ចារ្យបំផុតរបស់អ្នក
តើអ្នកបានគោរព និងឲ្យតម្លៃមនុស្សនៅជុំវិញខ្លួនអ្នកដែរឬទេ? មនុស្សដែលយល់ពីអ្នកដទៃ ជាមនុស្សដែលចូលចិត្តធ្វើការជាក្រុម ជាមនុស្សមានគោលបំណងដូចគ្នា មានចំណងសាមគ្គីភាព និងសម្ព័ន្ធភាពល្អជាមួយមនុស្សជុំវិញខ្លួន។
៦.ការងារគឺជាកម្សាន្ត
បុគ្គលល្បីៗនៅលើពិភពលោករាប់ចាប់ពីអ្នកចម្រៀង វិស្វករ ស្ថាបនិកក្រុមហ៊ុន សេដ្ឋី និងមហាសេដ្ឋី សុទ្ធតែសប្បាយរីករាយនឹងការងាររបស់ខ្លួនរៀងៗខ្លួន។ មហាសេដ្ឋី Bill Gates ប្រហែលមិនបង្កើតក្រុមហ៊ុន Microsoft ឡើងនោះទេ ប្រសិនបើលោកស្អប់ ឬមិនចូលចិត្តកម្មវិធី Software។ ដូច្នេះលោក Robbins បាននិយាយថា អាថ៌កំបាំងជោគជ័យ គឺធ្វើឲ្យការងាររបស់អ្នក ក្លាយជាការងារដែលជាចំណង់ចំណូលចិត្តរបស់អ្នក។
៧.គ្មានឡើយភាពជោគជ័យ បើគ្មានការប្ដេជ្ញាចិត្ត
ប្រសិនបើអ្នកគ្រាន់តែព្យាយាម ហើយគ្មានការប្ដេជ្ញាចិត្ត នោះអ្នកក៏មិនទទួលបានលទ្ធផលល្អបំផុត គួរឲ្យពេញចិត្តបំផុត លឿនបំផុត ឬខ្លាំងបំផុតនោះឡើយ។ អ្នកត្រូវធ្វើជាមនុស្សម្នាក់ក្នុងចំណោមមនុស្សផ្សេងៗទៀតដែលមានការប្ដេជ្ញាចិត្តខ្លាំងក្លាបំផុតក្នុងលោក៕
ប្រភព៖ cnbc
