សម្រាប់យុវវ័យ! មូលហេតុទាំងនេះហើយធ្វើឲ្យ «មុខកើតមុន»មិនឈប់
សម្រាប់យុវវ័យ គ្មានអ្វីដែលគួរឲ្យពិបាកចិត្តជាងការកើតមុននោះទេ។ ភាពតប់ប្រមល់ក្នុងខ្លួនគឺជាកត្តាមួយនាំឲ្យកើតមុន តែក៏នៅមានកត្តាផ្សេងទៀតដែរ ដែលអ្នកមិនដែលដឹង ហើយធ្វេសប្រហែសលើវា។ ខាងក្រោមនេះជាអ្វីដែលអ្នកគួរដឹង៖
១) កុំព្យាយាមញេចមុន៖
ពេលអ្នកលេចចេញនូវពន្លកមុនមកហើយ អ្នកមិនគួរណាទៅខំញេចវាចេញនោះទេ។ កាលដែលធ្វើបែបនេះ អ្នកកំពុងតែឲ្យមេរោគកាន់តែជ្រាបចូលទៅក្នុងស្បែកអ្នកជ្រៅថែមទៀត។ មិនត្រឹមតែប៉ុណ្ណោះ វានឹងបង្កឲ្យស្បែកមុខអ្នកឡើងក្រហម និងមានស្លាកស្នាមជាប់តែម្ដង។
២) កុំព្យាមបិទបាំងវាជាមួយនឹងម្សៅផាត់មុខ៖
កាលដែលអ្នកលាបម្សៅផាត់មុខកាន់តែក្រាស់នោះ វាប្រៀបបាននឹងអ្នកកំពុងតែទប់បាក់តេរី, ស្បែកងាប់ៗ, និងខ្លាញ់មុខពីខាងក្រៅចូលក្នុងស្បែកអីចឹង។ ម្ល៉ោះហើយអ្នកត្រូវលាងសម្អាតមុខឲ្យបានស្អាត រួចទុកវាឲ្យដកដង្ហើមឲ្យស្រួលសិន។
៣) ប៉ះពាល់មុខញឹកញាប់ពេក៖
ដៃរបស់អ្នកគឺបណ្ដុំទៅដោយបាក់តេរី និងមេរោគគ្រប់ប្រភេទជាងគេបំផុត ដែលអ្នកមើលមិនឃើញនឹងភ្នែកទទេឡើយ។ ដូច្នេះ បើអ្នកព្យាយាមមិនប៉ះពាល់ស្បែកមុខបានច្រើនកាលណានោះ មុននឹងឆាប់អស់ពីមុខកាលនោះហើយ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ wikihow
