បើ​ធ្វើ​បាន​ចំណុច​ ៣ ​យ៉ាង​នេះ គេ​នឹង​ទទួល​ស្គាល់​អ្នក​ថា​ ជា​មនុស្ស​កាន់​តែ​ឆ្លាត​ហើយ​​​



អ្នក​អាច​នឹង​ធុញថប់​ តប់ប្រមល់​ ​ កាលណា​លទ្ធផល​ដំបូង​បង្អស់​របស់​អ្នក​ចេញ​មក​គឺ​មិន​បាន​ដូច​ចិត្ត​។ ប៉ុន្តែ​នេះ​គឺ​ជា​អ្វី​ដែល​មនុស្ស​ទូទៅ​ ទទួល​បាន​ចំពោះ​កិច្ច ការងារ​​ដំបូង​របស់​ពួក​គេ។ គ្មាន​អ្នកណា​ដែល​ជីក​រក​បាន​មាស​នៅ​ពេល​ទើប​តែ​ជីក​ដំបូង​ភ្លាម​នោះ​ទេ​។ អ្នក​អាច​រៀន​សូត្រ​បន្ថែម​ទៀត​ពី​អ្នក​ដទៃ​សិន​ក៏​បាន​ ​ ​ហើយ​​ថ្ងៃ​បន្ទាប់​អ្នក​នឹង​សម្រេច​អ្វី​ដែល​ចង់​បាន​ហើយ​។ ដើម្បី​ឲ្យ​​ក្លាយ​ជា​មនុស្ស​ឆ្លាត​វៃ​ជាង​នេះ​តើ​អ្នក​ត្រូវ​ធ្វើ​ដូចម្ដេច?

១) បោះ​បង់​សេចក្ដី​ត្រូវ​ការ​របស់​អ្នក​ដើម្បី​​ទទួល​លទ្ធផល​​ល្អ​ប្រសើរ៖ អ្នក​អាច​នឹង​បោះ​បង់​​ពេល​វេលា​ កម្លាំង​កាយ​​និង​ចិត្ត​ជា​ដើម​ ​ដើម្បី​ទទួល​បាន​ភាព​ល្អ​ប្រសើរ​ដែល​អ្នក​ប្រាថ្នា​​មក​វិញ​។ ពេល​ខ្លះ​ទាល់​តែ​​អ្នក​ហ៊ាន​លះបង់​ខ្លះ​ ទើប​ទទួល​បាន​អ្វី​ដែល​អ្នក​ប៉ង​ប្រាថ្នា​​។ ហើយ​នេះ​ជា​រឿង​ធម្មតា​ទៅ​ហើយ​ដើម្បី​បាន​ជោគជ័យ​ អ្នក​គប្បី​​លះ​បង់​សេចក្ដី​ត្រូវ​ការ​របស់​អ្នក​ផង​ដែរ។​

២) ផ្ដល់​អ្វី​មួយ​ដល់​អ្នក​ដទៃ​ទោះ​បី​​មិន​ទទួល​បាន​ប្រយោជន៍​វិញ​៖ វា​ជា​រឿង​មួយ​ដ៏​ល្អ​ណាស់​ប្រសិន​បើ​អ្នក​តែង​តែ​​ជួយ​ជ្រោមជ្រែង​អ្នក​ដទៃ ​ដោយ​មិន​គិត​ពី​ប្រយោជន៍​ផ្ទាល់​ខ្លួន​នោះ។ តាម​រយៈ​ការ​ធ្វើ​បែប​នេះ វា​ស្ដែង​​ថា​អ្នក​ជា​មនុស្ស​ឆ្លាត​វៃ​ ចេះ​គិត​ និង​ចេះ​ខ្វាយ​ខ្វល់​ពី​ប្រយោជន៍​រួម​ ដោយ​មិន​ងប់ងុល​​​នឹង​ប្រយោជន៍​​របស់​ខ្លួន​ឯង​។​

៣) ​ចូលចិត្ត​ការ​អាន​៖ ការ​អាន​​នេះ​អាច​ធ្វើ​ឲ្យ​​គំនិត​របស់​អ្នក​មាន​សក្ដានុពល​ខ្លាំង​ក្នុង​ការ​​ធ្វើ​អ្វី​មួយ។ ការ​អាន​​ជួយ​ឲ្យ​​អ្នក​មាន​គំនិត​ល្អ​​និង​អច្ឆរិយ ​ក្នុង​ការ​សម្រេច​ចិត្ត​ធ្វើ​អ្វី​មួយ ។ លើស​ពី​នេះ​វា​មក​ដុសខាត់​ និង​សំលៀង​ការ​គិត​របស់​អ្នក​ ឲ្យ​ដូច​គំនិត​អ្នក​និពន្ធ​ និង​គំនិត​អ្នក​ប្រាជ្ញ​ដែល​អ្នក​បាន​អាន​ក្នុង​សៀវភៅ​នោះ​ដែរ។​ ដូច​ពាក្យ​គេ​តែង​និយាយ​ថា​ «អាន​ច្រើន​ចេះ​ច្រើន​»​៕ ​​​  

ដោយ៖ ព្រំ​ សុវណ្ណកណ្ណិកា

X
5s