អ្វីទៅជា Omni-Channel Marketing?
Omni-Channel Marketing វាបានក្លាយជាគន្លឹះក្នុងការធ្វើទីផ្សារយ៉ាងជោគជ័យ ដូចជាការភ្ជាប់អតិថិជនទៅនឹងក្រុមហ៊ុនក្នុងផ្លូវផ្សេងៗគ្នា រួមមានដូចជាការអញ្ជើញមកហាងផ្ទាល់ ការដែលស្គាល់តាមអនឡាញ គេហទំព័រ តាមទូរស័ព្ទ ឬតាម app ការស្គាល់តាមរយៈកាតាឡុកសម្បនិម្មិត (virtual catalogs) និងតាមរយៈបណ្តាញសង្គមនានាជាដើម។ អតិថិជននឹងប្រើការភ្ជាប់ទំនាក់ទំនងជាមួយក្រុមហ៊ុននានាតាមរយៈការប្រើប្រាស់ស្មាតហ្វូន ឬ tablets ដើម្បីស្វែងរកផលិតផល ចូលទៅប្រើប្រាស់សេវាកម្មដែលក្រុមហ៊ុនមាន និងធ្វើការបញ្ជាទិញ។ ការប្រកួតប្រជែងរបស់ក្រុមហ៊ុន ឬអង្គភាពមួយគឺធ្វើយ៉ាងណាបង្កើតនូវ Omni-channel marketing ក្នុងការធ្វើអន្តរកម្ម និងបទពិសោធន៍ល្អដែលអតិថិជនអាចទទួលបានយ៉ាងរលូន ក៏ដូចជាមានប្រសិទ្ធិភាពវិជ្ជមានដល់ការបំពេញចិត្តរបស់អតិថិជន។
អង្គភាព ឬក្រុមហ៊ុនមួយគួរតែប្រើប្រាស់វិធីសាស្រ្ត និងយុទ្ធសាស្ត្រ Omni-Channel Marketing ក្នុងគោលបំណងទាញអតិថិជនបានកាន់តែច្រើនក្នុងផ្លូវកាន់តែច្រើនដូចគ្នា។ តាមរយៈឧបរណ៍ប្រើជាគ្រឿងអេឡិចត្រូនិកដែលអតិថិជនមាននៅក្នុងដៃ បណ្តាញសង្គមដែលកំពុងរីកសាយភាយស្ទើរទូទាំងពិភពលោក និងដោយសារភាពមមាញឹកនឹងការងាររបស់មនុស្សបច្ចុប្បន្ននាំឲ្យមនុស្សព្យាយាមស្វែងរកមធ្យោបាយណាដែលអាចទៅដល់ផលិតផលបានងាយ និងមិនចំណាយពេលច្រើនក្នុងការដើររក។ ដូច្នេះអតិថិជនតែងរំពឹងទទួលបានទំនាក់ទំនងជាលក្ខណៈឯកជន និងផ្ទាល់ជាមួយក្រុមហ៊ុន។
ការប្រកួតប្រជែងនៃ Omni-channel marketing
សញ្ញាមួយដែលបង្ហាញពីការប្រកួតប្រជែងនៃអ្នកទីផ្សារ និងការប្រឈមរបស់ក្រុមហ៊ុនគឺនៅពេលដែលមានការផ្លាស់ប្តូរទៅប្រើយុទ្ធសាស្ត្រ Omni-channel ព្រោះមានអាជីវកម្មភាពច្រើនកំពុងព្យាយាមរើខ្លួនចេញពីអាជីវកម្មមួយដែលនៅទ្រឹងមួយកន្លែង លក់តែនៅក្នុងហាង ទៅជាការរត់ទៅរកអតិថិជន អូសទាញទាក់ចិត្តគាត់តាំងពីការបង្ហាញឲ្យស្គាល់ផលិតផលរហូតសម្រេចចិត្តទិញ និងការបន្តទិញនៅពេលក្រោយទៀត។
ការខិតខំបំបែកយុទ្ធសាស្រ្តទីផ្សារបែបបុរាណ បែបប្រពៃណីគឺមានការលំបាកសម្រាប់អង្គភាព ឬអាជីវកម្មមួយចំនួនពេលដែលពួកគេយកយុទ្ធសាស្រ្ត Omni-Channel Marketing មកអនុវត្តជាលើកដំបូង។ ការដែលផ្លាស់ប្តូរទៅ Omni-Channel Marketing តម្រូវឲ្យផ្លាស់ប្តូរពីការដែល អ្នកត្រូវតែមកទិញនៅក្នុងហាង មកពិនិត្យ មកស្វែងរកផលិតផលដែលគេចង់បាន ធ្វើការសួរនាំ រួចសម្រេចចិត្តទិញនោះ មកជាការដែលគាត់អាចស្វែងរកផលិតផលនានាជាមុនតាមតំណភ្ជាប់ដែលជា ស្មាតហ្វូន កុំព្យូទ័រ ឬ tablets នៅក្នុងដៃគាត់ ប្រៀបធៀបតម្លៃ គុណភាពនៃផលិតផលដែលចង់បាន ទីតាំងណាជិតបំផុតក្នុងករណីដែលគាត់ចង់ទៅមើលផ្ទាល់ ឬសេវាកម្មដឹកជញ្ជូលករណីដែលគាត់ចង់ទិញតាមអនឡាញ។
ការអនុវត្តដ៏ល្អបំផុតនៃ Omni-Channel Marketing
លោក Stacy Schwartz អ្នកជំនាញផ្នែកទីផ្សារឌីជីថល អ្នកប្រឹក្សាយោបល់ និងជាជំនួយការសាស្រ្តាចារ្យនៅ Rutgers Business School បានបញ្ជាក់ថា “សញ្ញាណនៃ Omni-Channel Marketing ត្រូវតែមានវិធីសាស្រ្តធ្វើទីផ្សារដែលផ្តោតលើអតិថិជនជាធំ (Consumer Centric Marketing) ដែលការអនុវត្តសម្រាប់ Omni-Channel Marketing ដែលល្អបំផុតនោះគឺការប្រើប្រាស់ទូរស័ព្ទដៃ បណ្តាញសង្គម ដែលបើកឲ្យអតិថិជនខិតមកជិតយើងបំផុត ព្រោះគាត់អាចមើលពីការបង្ហាញពីផលិតផលនៅលើទូរស័ព្ទដៃរបស់គាត់គ្រប់ពេលវេលា គ្រប់ទីកន្លែង និងធ្វើការវាយតម្លៃផលិតផលបានងាយជាជាងការមកដល់ហាងត្រូវចំនាយពេលច្រើន”។
ខាងក្រោមនេះជាការបង្ហាញពីវិធីសាស្រ្តនៃការអនុវត្តល្អបំផុតទៅលើ Omni-Channel Marketing៖
១) គណនេយ្យសម្រាប់ផ្លេតហ្វមនីមួយៗ និងតំណភ្ជាប់របស់អតិថិជនប្រើសម្រាប់ធ្វើអន្តរកម្មជាមួយក្រុមហ៊ុន បន្ទាប់មកវាផ្តល់ជាបទពិសោធន៍ ជាសារឆ្លើយតបដែលសមស្របទៅនឹងគោលដៅ កម្មវត្ថុ និងរចនាបទដែលក្រុមហ៊ុនបានរៀបចំនិងរំពឹងទុក។
២) ធ្វើការអភិវឌ្ឍរចនាសម្ព័ន្ធ Omni-Channel ជាមួយការសហការគ្នារវាងនាយកដ្ឋានមួយចំនួនក្នុងក្រុមហ៊ុន។
៣) យកមកប្រើនូវតិចណូឡូជីថ្មី ត្រូវប្រាកដថការផ្តល់ឲ្យរបស់អ្នកទៅដល់អតិថិជនក្នុងការភ្ជាប់ទំនាក់ទំនងតាមទូរស័ព្ទ ឬអ៊ីនធើណេតពិតជាអាចឲ្យអតិថិជនងាយស្រួលក្នុងការទាក់ទងតាមបណ្តាញពិតបា្រកដមែន។
៤) ពិចារណាលើបទពិសោធន៍ដែលអតិថិជនអាចទទួលបានដោយផ្ទាល់ជាលក្ខណៈនិម្បនិម្មិត មានន័យថាការដែលគាត់ប្រើបណ្តាញសង្គមដើម្បីទិញផលិតផលវាមានផលលំបាក ឬងាយស្រួលយ៉ាងណាខ្លះ
៥) សាកល្បងធ្វើការតេស្តពីបទពិសោធន៍នៃការប្រើប្រាស់របស់អតិថិជន ហើយវាស់វែងអ្វីៗគ្រប់យ៉ាង
៦) បែងចែកអតិថិជន (audience)
៧) ស្តាប់ និងឆ្លើយតប ក៏ដូចជាទទួលខុសត្រូវលើការដំណើរការរបស់បណ្តាញ និងតំណភ្ជាប់ទៅកាន់អតិថិជន
៨) បទពិសោធន៍ផ្ទាល់ខ្លួន និងការផ្តល់ជូននូវអន្តរកម្មដែលងាយស្រួលបំផុត
Omni-Channel Marketing គឺកត្តាមួយចាំបាច់ដែលមិនធ្លាប់មានពីមុនមកក្នុងការឈានចូលទៅក្នុងឌីជីថលតិចណូឡូជី និងការតភ្ជាប់បណ្តាញរវាងអ្នកលក់ និងអ្នកទិញ។ នៅពេលដែលអ្នកលក់ប្រើប្រាស់យុទ្ធសាស្រ្ត Omni-Channel Marketing នេះវាជាការជួយសម្រួលដល់អាជីវកម្មរបស់ពួកគេឲ្យឈានទៅរកជោគជ័យ និងអាចឈរជើងលើទីផ្សារបានយូរអង្វែង៕
ដោយ៖ យ៉ាយ៉ា
