ឃើញសញ្ញាណ ១៨ ចំណុចនេះទោះមិនប្រាប់ក៏អាចដឹងថា ចៅហ្វាយមិនចូលចិត្តអ្នកទៅហើយ!
នៅពេលដែលចៅហ្វាយរបស់អ្នកមិនចូលចិត្តអ្នក អ្នកនឹងសង្កេតឃើញថា ចៅហ្វាយរបស់អ្នកនឹងបង្ហាញកាយវិការ ឬទង្វើមួយចំនួនបើកចំហចេញមកឲ្យអ្នកដឹងតែម្តងដែលអាចលើសពីកម្រិតនៅក្នុងបរិស្ថានការងារក៏មាន។ នេះក៏មិនទាន់គ្រប់គ្រាន់នោះដែរពីព្រោះថា មានចៅហ្វាយខ្លះទៀតនៅពេលមិនចូលចិត្តអ្នក អាចមិនបង្ហាញសកម្មភាពបើកចំហចេញមកនោះឡើយ។ ឥឡូវនេះអ្នកអាចសាកសង្កេតដោយខ្លួន ឯង ហើយបើឃើញសញ្ញាណផ្សេងទៀតដូចខាងក្រោមនេះបញ្ជាក់ថា ចៅហ្វាយរបស់អ្នកកំពុងមិនចូលចិត្តអ្នកហើយ។
១.អ្នកមានអារម្មណ៍មិនកក់ក្តៅក្នុងចិត្តនៅពេលណាក៏ដោយដែលអ្នក និងចៅហ្វាយជួបមុខគ្នា
២.ចៅហ្វាយរបស់អ្នកមិនដែលស្នើសុំ ឬចង់ឲ្យអ្នកផ្តល់មតិចូលរួមធ្វើការសម្រេចចិត្តសំខាន់ៗ
៣.ចៅហ្វាយរបស់អ្នកព្យាយាមបង្វែរក្រសែភ្នែកចេញពីនិយាយជាមួយអ្នក
៤.ចៅហ្វាយរបស់អ្នកតែងតែមិនសូវសប្បាយចិត្តនៅពេលនៅជាមួយអ្នក
៥.ចៅហ្វាយរបស់អ្នកព្យាយាមគ្រប់គ្រង និងឃ្លាំមើលសកម្មភាពរបស់អ្នកជាងបុគ្គលិកផ្សេងទៀត
៦.វត្តមានរបស់អ្នកមិនសូវសំខាន់សម្រាប់ចៅហ្វាយរបស់អ្នក
៧.ចៅហ្វាយរបស់អ្នកនិយាយពាក្យខ្លីៗ កម្បុតៗ គំរោះគំរើយ ដាក់អ្នក
៨.ចៅហ្វាយរបស់អ្នកប្រើកាយវិការឆ្គាំឆ្គងពេលនិយាយជាមួយអ្នក
៩.ចៅហ្វាយរបស់អ្នកព្យាយាមទំនាក់ទំនងអ្នកតាមអ៊ីមែលជាជាងជួបមុខផ្ទាល់
១០.ចៅហ្វាយរបស់អ្នកកម្រឲ្យអ្នកចូលរួមកិច្ចប្រជុំ ឬគម្រោងការងារសំខាន់ៗនៅក្នុងក្រុមហ៊ុន
១១.ចៅហ្វាយរបស់អ្នកជារឿយៗតែងមិនយល់ស្របទស្សនៈរបស់អ្នក
១២.ចៅហ្វាយរបស់អ្នកកម្រសាកសួរជីវប្រវត្តិ ឬជីវិតឯកជនរបស់អ្នកណាស់ ហើយចូលចិត្តយកភាសាការងារមកនិយាយទៅវិញ
១៣.ចៅហ្វាយរបស់អ្នកដាក់ការងារមួយឲ្យអ្នកធ្វើដែលការងារនោះគ្មានអ្នកណាចង់ធ្វើឡើយ
១៤.អ្នកកម្រទទួលបានមតិកែលំអអ្នកដូចបុគ្គលិកផ្សេងៗទៀតពីចៅហ្វាយរបស់អ្នកឡើយ
១៥.ឬក៏អ្នកតែងទទួលបានមតិរិះគន់ជានិច្ចពីចៅហ្វាយ និងជាពិសេសនៅមុខគេមុខឯងតែម្តង
១៦.វត្តមានរបស់អ្នកនៅក្នុងការិយាល័យធ្វើការរបស់ចៅហ្វាយអ្នក គឺមានតិចតួចប៉ុណ្ណោះខុសពីបុគ្គលិកផ្សេងទៀត
១៧.ចៅហ្វាយរបស់អ្នកព្យាយាមយកមុខយកមាត់នៅពេលទទួលបានគំនិតពីអ្នក
១៨.រាល់ពេលដែលអ្នកមានជំនួបជាមួយចៅហ្វាយរបស់អ្នក គឺមានពេលខ្លីជាងបុគ្គលិកផ្សេងទៀត៕
ប្រភព៖ Businessinsider
