ជំហានទាំង៣ នាំឲ្យអ្នកក្លាយជាអ្នកជំនួញល្បីល្បាញ មានគេចង់ស្គាល់ច្រើន
បើសិនអ្នករកស៊ីមានកេរ្តិ៍ឈ្មោះ ល្បីហើយអ្នកជុំវិញតែងផ្ដល់តម្លៃឲ្យថាជាមនុស្សគំរូនោះ ភាគច្រើនពួកគេតែងមានភាពជោគជ័យក្នុងមុខជំនួញជាហូរហែ ។ សម្រាប់អ្នកខ្លះទោះបីពួកគេមានឈ្មោះជាអ្នកមានមែន ប៉ុន្តែពួកគេក៏មិនល្បីហើយក៏មិនសូវមានអ្នកណាដែលចង់ដើរតាមប៉ុន្មានដែរ។ នេះអាចមកពីអត្តចរិត របស់ពួកគាត់ដែលធ្វើឲ្យគេឯងមិនសូវជាចាប់អារម្មណ៍។ តែនេះតើមានជំហានអ្វីខ្លះទៅ ដើម្បីក្លាយខ្លួនជាមនុស្សដែលមានកេរ្តិ៍ឈ្មោះក្នុងការធ្វើជំនួញ?
១) មានទំនាក់ទំនងរឹងមាំជាមួយអ្នកមានឥទ្ធិពលខ្លាំង៖ ការធ្វើបែបនេះគឺជាផ្លូវមួយដែលជំរុញអ្នកទៅកាន់កន្លែងខ្ពស់។ ហើយក៏មានកេរ្តិ៍ឈ្មោះទៅតាមពួកគេដែរ។ ដូច្នេះអ្នកត្រូវដឹងថាតើអ្នកគួរដើរជាមួយនរណាគេហើយគួរពង្រឹងចំណងមិត្តភាពជាមួយនរណាគេដែរ? ទំនាក់ទំនងល្អនាំមកនូវការរកស៊ីល្អ។
២) ទទួលយកយោបល់អ្នកដទៃ៖ បើអ្នកចង់ក្លាយជាអ្នករកស៊ី ដែលមានកេរ្តិ៍ឈ្មោះ ហើយជោគជ័យនោះ អ្នកគួរតែស្ដាប់ ឬ ទទួលយក នូវ គំនិត ព្រមទាំងការចង់បានរបស់អតិថិជននិងអ្នកចេះដឹងផ្នែក អាជីវកម្មទាំងឡាយ។ ដូចដែលពាក្យមួយ គេនិយាយថា ៖ « វាគ្មានតម្លៃអ្វីទាំងអស់ ប្រសិនបើអ្នកមិនបានផ្សារភ្ជាប់ទំនាក់ទំនងជាមួយអតិថិជនឲ្យបានត្រឹមត្រូវនោះ។»
៣) ឧស្សាហ៍បង្ហាញមតិអ្នកនៅមុខមហាជន៖ ការបង្ហាញមតិនៅមុខមនុស្សម្នាជាច្រើនក៏ជាឱកាសមួយសម្រាប់បង្ហាញពីខ្លួនឯង បង្ហាញពីមុខដំណែងការងារ អំណាច ចំណេះដឹង ព្រមទាំងការចែករំលែកទៅកាន់អ្នកដទៃ។ តាមរយៈការធ្វើបែបនេះអ្នកនឹងទទួលបានការឲ្យតម្លៃការស្ងើចសរសើរព្រមទាំងទទួលការសាទរនិងការដើរតាមពីសំណាក់អ្នកដទៃតែម្ដង៕
ដោយ៖ព្រំ សុវណ្ណកណ្ណិកា
