លោក លី សៀនឡុង៖ ភាពរឹងម៉ាំនៃកំលាំងពលកម្មនៅតែជារឿងសំខាន់សម្រាប់សិង្ហបុរី
ក្នុងសារមួយនៅថ្ងៃទី ៣០ មេសា ២០១៩ នាយករដ្ឋមន្រ្តីសិង្ហបុរី លោក លី សៀនឡុង (Lee Hsien Loong) បានថ្លែងក្នុង ទិវាពលកម្មអន្តរជាតិ ថា “វាជារឿងដ៏ល្អមួយ ដែលចលនាពលកម្មនៅតែជាភាពរឹងម៉ាំដែលនាំឲ្យសិង្ហបុរីអាចដំណើរការបានល្អសម្រាប់ពេល ៥០ឆ្នាំ មកនេះ”។
ក្នុងសារថ្លែងក្នុងថ្ងៃដដែលនោះដែរ លោកលីបានកត់សម្គាល់ថាប្រទេសអភិវឌ្ឍន៍ជាច្រើន សមាជិកភាពសហជីពកំពុងធ្លាក់ចុះហើយការរៀបចំការងារត្រូវបានគេរារាំង។ កង្វល់របស់កម្មករនិយោជិតមិនត្រូវបានដោះស្រាយទេ ហើយពួកគេមានអារម្មណ៍ខ្មាស់អៀនគ្មានអ្នកដឹកនាំ និងគ្មានសង្ឃឹម។ វាគ្មានអ្វីគួរឱ្យភ្ញាក់ផ្អើលទេដែលពួកគេប្រែទៅជាធ្វើចលនាតស៊ូខាងនយោបាយ បង្កជាការភ័យខ្លាចនិងអសន្ដិសុខដល់សង្គម ប៉ុន្តែមិនផ្តល់ដំណោះស្រាយប្រាកដប្រជាមួយ ឬផ្តល់ភាពជាអ្នកដឹកត្រឹមត្រូវដើម្បីធ្វើឱ្យជីវិតរបស់ពួកគេប្រសើរឡើង។
លោកក៏បានបន្ថែមដែរថា “ចលនារបស់កម្មករមានភាពល្អប្រសើរដែលអាចឲ្យសិង្ហបុរីបំបែកកំណត់ត្រាបានលក្នុងរយៈពេល ៥០ឆ្នាំ មកនេះ។ សហជីពនិងកម្មករបានធ្វើការជាមួយគ្នាយ៉ាងល្អ រួមជាមួយការគាំទ្រពីរដ្ឋាភិបាលនាជំរុញឲ្យមានការបែងចែកប្រាក់ចំណូលដល់កម្មករបានច្រើនជាងមុន ក៏ជាហេតុនាំឲ្យមានស្ថិរភាពនៃកំណើនសេដ្ឋកិច្ចជាតិដូចគ្នា”។ ឆ្លៀតក្នុងឱកាសនោះ លោកក៏បានផ្តល់ជាអនុសាសន៍ថា “យើងត្រូវតែបន្តតម្រង់ទិញនៅលើផ្លូវដ៏ត្រឹមត្រូវមួយនេះ ពង្រឹងលើការជឿទុកចិត្តគ្នា និងកិច្ចសហប្រតិបត្តិការរវាងត្រីភាគីបន្តទៀត ទោះបីជាពិភពលោកជួបប្រទះបញ្ហាអស្ថិរភាពផ្នែកសេដ្ឋកិច្ចយ៉ាងណា ក៏សិង្ហបុរីអាចបន្តដំណើរការបានប្រកបដោយភាព រីកចម្រើនលូតលាស់រួមគ្នាជាជាតិមួយ៕
ដោយ៖ យ៉ាយ៉ា
