គោលគំនិតចំនួន ៨ របស់មហាសេដ្ឋី Li Ka-shing ដែលអ្នកជំនាន់ក្រោយគួរដឹង!
លោក Li Ka-shing ត្រូវបានមនុស្សជាច្រើននៅទ្វីបអាស៊ីក៏ដូចជានៅជុំវិញពិភពលោកលើកឡើងពីភាពគំរូរបស់លោកក្នុងនាមជាមហាសេដ្ឋីដ៏ជោគជ័យមួយរូបនៅពេលបច្ចុប្បន្ននេះ។ ស្ថិតនៅក្នុងវ័យ ៩០ឆ្នាំ ទៅហើយ លោកបានប្រែក្លាយជីវិតពីភាពក្រីក្រកម្សត់រហូតក្លាយជាមហាសេដ្ឋីអចលនទ្រព្យដ៏ល្បីល្បាញ និងសប្បុរសបំផុតមួយរូប។
ដោយសារតែលោកសំបូរគំនិត និងទស្សនៈល្អៗសម្រាប់មនុស្សជំនាន់ក្រោយៗ នៅថ្ងៃនេះ អ្នកទាំងអស់នឹងបានស្វែងយល់ពីគោលគំនិតរបស់លោកចំនួន ៨ សម្រាប់យកមកអនុវត្តនៅក្នុងដំណើរជីវិតរបស់អ្នក។ គោលគំនិតទាំង ៨ របស់លោកមានដូចខាងក្រោម៖
១.ក្នុងនាមជាអ្នកដឹកនាំម្នាក់ អ្នកគួរចំណាយពេលឲ្យបានច្រើនជាងអ្នកដទៃលើគម្រោងផែនការដែលត្រូវធ្វើសម្រាប់ពេលអនាគត។
២.ខ្ញុំមិនមានសុទិដ្ឋិនិយមខ្លាំងពេកទេនៅពេលទីផ្សារស្ថិតនៅក្នុងស្ថានភាពល្អប្រសើរ ហើយខ្ញុំក៏មិនមានទុទ្ទិដ្ឋិនិយមខ្លាំងពេកដែរនៅពេលទីផ្សារធ្លាក់ចុះ។
៣.កេរ្តិ៍ឈ្មោះដ៏ល្អសម្រាប់អ្នក និងក្រុមហ៊ុនរបស់អ្នកគឺជាទ្រព្យសម្បត្តិដ៏មានតម្លៃដែលមិនត្រូវបានវាស់ស្ទង់តាមរយៈតារាងប្រាក់ចំណូលច្រើនឬតិចនោះទេ។
៤.វាមិនសំខាន់ថា អ្នករឹងមាំ ឬមានសមត្ថភាពខ្លាំងប៉ុណ្ណានោះទេ ប្រសិនបើអ្នកមិនបើកបេះដូងឲ្យទូលាយ អ្នកនឹងមិនទទួលបានភាពជោគជ័យទេ។
៥.ដើម្បីក្លាយជាអ្នកគ្រប់គ្រងដ៏ជោគជ័យម្នាក់ អត្តចរិត និងសមត្ថភាពគឺជាគ្រឿងផ្សំដ៏សំខាន់ដូចគ្នា។ អ្នកដឹកនាំជំរុញអ្នកដទៃកាន់តែអស្ចារ្យ។ ចំណែកឯចរិតចៅហ្វាយនាយ គឺជាអ្នកគ្រប់គ្រងត្រួតត្រាលើកូនចៅ ហើយត្រឹមតែធ្វើឲ្យពួកគេមានអារម្មណ៍តូចចង្អៀតតែប៉ុណ្ណោះ។
៦.ទោះបីជារូបមន្តជោគជ័យនៅលើលោកពិបាកហែលឆ្លងកាត់ក៏ដោយ ក៏សញ្ញាណព្រមានចំពោះភាពបរាជ័យត្រូវបានគេបង្ហោះផ្សព្វផ្សាយព្រោងព្រាតគ្រប់ទីកន្លែង។ ក៏ប៉ុន្តែការបង្កើតរចនាសម្ព័ន្ធមួយដើម្បីកាត់បន្ថយភាពបរាជ័យ នឹងក្លាយជាផ្លូវកាត់ដើម្បីទទួលបានជោគជ័យ។
៧.អ្នកគ្រប់គ្រងដែលជោគជ័យគួរតែមានចំណាប់អារម្មណ៍លើមនុស្សដែលមានទេពកោសល្យ។ ពួកគេមិនត្រឹមតែជ្រើសរើសមនុស្សដែលឆ្លាតជាងខ្លួនប៉ុណ្ណោះទេ ប៉ុន្តែក៏គួរជៀសវាងជ្រើសរើសកំពូលមនុស្សដែលកេរ្តិ៍ឈ្មោះរបស់ពួកគេល្បីជាងសមត្ថភាពរបស់ពួកគេដែរ។
៨.សិល្បៈនៃការគ្រប់គ្រងដ៏ល្អស្ថិតនៅលើសមត្ថភាពក្នុងការទទួលយកការផ្លាស់ប្ដូរ និងសមត្ថភាពក្នុងការប្រមូលផ្ដុំគំនិតថ្មីៗ និងគំនិតពីបរមបូរាណ៕
ប្រភព៖ Addic2success
