កម្រងសម្ដីដកស្រង់ចំនួន៧ឃ្លា ជាមួយនឹងគតិដំបូន្មានល្អៗអំពីការរស់នៅក្នុងជីវិត
សម្ដីដកស្រង់គឺជាពាក្យសម្ដីដែលត្រូវបានចងក្រងឡើងដោយបុគ្គលដែលបានឆ្លងកាត់រឿងរ៉ាវណាមួយក្នុងជីវិតរបស់ពួកគេរួចហើយមកនិយាយឬសរសេរទុកសម្រាប់ចែករំលែកដល់មនុស្សដទៃទៀត។ ថ្វីត្បិតថាមនុស្សយើងម្នាក់ៗជួបបទពិសោធន៍ជីវិតមិនដូចគ្នាក៏ដោយ ប៉ុន្តែមានរឿងមួយចំនួននៅក្នុងជីវិតក៏យើងអាចរកឃើញទីប្រសព្វគ្នាបានដែរ។ ខាងក្រោមនេះគឺជាកម្រងសម្ដីដកស្រង់ចំនួន៧ឃ្លា ដែលអាចឲ្យអ្នកសិក្សាពីបទពិសោធន៍របស់បុគ្គលម្នាក់ៗដែលបានលើកឡើងសម្ដីរបស់ពួកគេ និងស្វែងរកគតិល្អៗចេញពីពាក្យសម្ដីរបស់ពួកគេផងដែរ៖
១) «និយាយចំពោះស្ទាយ ហែលព្រមគ្នាជាមួយនឹងចរន្តទឹក។ និយាយចំពោះគោលការណ៍ ឈរឲ្យដូចជាដុំថ្ម។» ថូម៉ាស់ ជេហ្វឺសាន់
២) «យើងមិនអាចបង្រៀននរណាម្នាក់អំពីអ្វីមួយបាននោះទេ យើងគ្រាន់តែអាចជួយពួកគេឲ្យស្វែងរកវានៅក្នុងខ្លួនពួកគេប៉ុណ្ណោះ»។ ហ្កាលីលេ
៣) «មិនមែនដោយសារតែភ្នំនៅខាងមុខដែលធ្វើឲ្យអ្នកហត់នឿយនោះទេ តែគឺដោយសារតែដីខ្សាច់នៅក្នុងស្បែកជើងរបស់អ្នកទៅវិញទេ។» Robert W.Service
៤) «មនុស្សមិនមែនត្រូវបានរំខានដោយសាររឿងអ្វីមួយនោះទេ តែគឺដោយសារតែទស្សនដែលពួកគេមានចំពោះរឿងទាំងនោះទៅវិញទេ។» Epictetus
៥) «ទីកន្លែងដែលធ្វើឲ្យពិភពលោកប្រសើរជាងមុនគឺដំបូងត្រូវនៅក្នុងបេះដូង ក្បាលនិងដៃរបស់មនុស្សម្នាក់ៗ។» Robert M.Pirsig
៦) «យើងគឺជាអ្វីដែលយើងជឿជាក់ថាបែបនោះ។» C.S.Lewis
៧) «សេចក្ដីសុខគឺជាមេអំបៅ ដែលនៅពេលដែលយើងរត់ដេញចាប់ វាតែងតែនៅហួសរំលងកណ្ដាប់ដៃរបស់យើង ប៉ុន្តែនៅពេលយើងអង្គុយយ៉ាងស្ងប់ស្ងៀម វានឹងរត់មករកអ្នក។» Nathaniel Hawthorne
ដោយ៖ ស្រីពៅ
