សុភាសិតប្រកបដោយគតិបណ្ឌិតចំនួន១២ឃ្លា ដែលមានដើមកំណើតចេញពីប្រជាជនស្រីលង្កា
ស្រីលង្កាមានសុភាសិតមួយឃ្លាដែលមានសេចក្ដីដូច្នេះថា «អ្នកមិនអាចលេបថ្នាំបានដោយមិនឲ្យបំពង់កដឹងនោះទេ។» ពោលគឺសុភាសិតនេះចង់បង្កប់អត្ថន័យថារឿងអ្វីក៏ដោយអ្នកអាចកុហកអ្នកដទៃបាន តែអ្នកមិនអាចកុហកខ្លួនឯងបាននោះទេ។ ការពិតនៅតែជាការពិត អ្វីដែលជាការពិត មុននិងក្រោយអ្នកគង់តែត្រូវទទួលស្គាល់វាប៉ុណ្ណោះ។ ថ្ងៃនេះយើងបានដកស្រង់មកនូវសុភាសិតប្រកបដោយគតិបណ្ឌិតចំនួន១២ឃ្លា ដែលមានដើមកំណើតចេញពីប្រជាជនស្រីលង្កាដូចមាននៅខាងក្រោមនេះ៖
១) «ជនដែលបានសិក្សាអំពីខ្លួនឯងគឺជាម្ចាស់របស់ខ្លួនឯង។»
២) «ជំនឿទៅលើថ្នាំនាំឲ្យវាមានប្រសិទ្ធភាព។»
៣) «ស្រមោលរបស់យើងនឹងអន្ទោលតាមយើង។»
៤) «ប្រើប្រាស់ត្រីតូចធ្វើជានុយដើម្បីចាប់ត្រីធំ។»
៥) «ទុក្ខលំបាកធ្វើឲ្យមនុស្សមានបញ្ញាមិនមែនក្លាយជាអ្នកមាននោះទេ។»
៦) «បើកាលណាមនុស្សមានច្រើនប៉ុណ្ណា ពួកគេចង់បានកាន់តែច្រើនប៉ុននោះ។»
៧) «ចំណង់មិនចេះឈប់នោះឡើយ វាកើនឡើងបើទោះជាបានឆ្អែតហើយក៏ដោយ។»
៨) «ថូទឹកដែលពោរពេញដោយទឹកមិនបញ្ចេញសំឡេងនោះទេនៅពេលត្រូវបានគេក្រឡុក។»
៩) «អ្នកមិនអាចលេបថ្នាំបានដោយមិនឲ្យបំពង់កដឹងនោះទេ។»
១០) «អ្វីដែលត្រូវបានឡើងលើខ្ពស់ នឹងត្រូវចុះមកក្រោមវិញ។»
១១) «ភាពសរបស់សត្វក្រៀលអាចមើលឃើញបានតែពេលវាហោះទៅបាត់ប៉ុណ្ណោះ។»
១២) «នៅពេលស្ថិតនៅក្នុងភាពប្រញាប់ប្រញាល់ មនុស្សមិនអាចដាក់ដៃរបស់ពួកគេបានសូម្បីតែនៅក្នុងឆ្នាំងដាំបាយ។»
ដោយ៖ ស្រីពៅ
