សុភាសិតចំនួន១១ ដែលមានដើមកំណើតពីជនជាតិហ្វីលីពីន ជួយដាស់សតិរបស់អ្នក
ហ្វីលីពីន ដែលមានឈ្មោះជាផ្លូវការថាសាធារណរដ្ឋហ្វីលីពីន គឺជាប្រទេសមួយនៃប៉ែកអាស៊ីអាគ្នេយ៍ដែលប្រជុំទៅដោយកោះ។ ប្រទេសនេះមានកោះរហូតដល់ទៅ៧៦៤១កោះ និងមានទីក្រុងម៉ានីលជារដ្ឋធានី។ បើទោះជាទឹកដីនេះស្ថិតនៅក្នុងចំណោមតំបន់ចម្បងៗមួយនៃសមុទ្រប៉ាស៊ីហ្វិកដែលឧស្សាហ៍មានរញ្ជួយផែនដីនិងងាយរងគ្រោះពីការបន្ទុះភ្នំភ្លើងក៏ដោយ ប៉ុន្តែហ្វីលីពីនអំណោយផលទៅដោយធនធានធម្មជាតិជាច្រើន ព្រមទាំងបានជាប់ចំណាត់ថ្នាក់ទី៨ជាប្រទេសដែលមានប្រជាជនច្រើនជាងគេក្នុងអាស៊ី និងទី១២ក្នុងពិភពលោកគិតត្រឹមឆ្នាំ២០១៨។ លើសពីនេះ ហ្វីលីពីនត្រូវបានគេចាត់ទុកជាទីផ្សារមួយដែលកំពុងរីកលូតលាស់ និងជាប្រទេសឧស្សាហកម្មដែលថ្មីថ្មោងមួយ។
ថ្ងៃនេះយើងបានចងក្រងនូវសុភាសិតចំនួន១១ ដែលមានដើមកំណើតពីជនជាតិហ្វីលីពីន៖
១) «បើមាននរណាម្នាក់គប់ដុំថ្មដាក់អ្នក គប់នំប៉័ងដាក់គេវិញ។»
២) «សតិសម្បជញ្ញៈដែលស្អាតបាតមានតម្លៃលើសទ្រព្យសម្បត្តិទៅទៀត។»
៣) «ពាក្យសម្ដីគឺជាប្រាក់ តែភាពស្ងប់ស្ងាត់គឺជាមាស។»
៤) «ស្វាដែលស្លៀកសំលៀកបំពាក់នៅតែជាស្វាដដែល។»
៥) «គ្មានអ្វីមួយដែលអាចបំផ្លាញដែកបាននោះទេក្រៅពីការច្រេះរបស់វាខ្លួនឯង។»
៦) «ជនណាដែលមិនចាំដើមកំណើតរបស់ខ្លួនឯងនោះទេ មិនអាចទៅដល់គោលដៅដែលខ្លួនចង់ទៅដល់នោះឡើយ។»
៧) «ជីវិតប្រៀបបាននឹងកង់វិល។ មានពេលខ្លះអ្នកឡើងខ្ពស់ មានពេលខ្លះអ្នកធ្លាក់ចុះមកវិញ។»
៨) «ការឈឺចាប់របស់កូនដៃដ៏តូចមួយអាចទទួលដឹងឈឺពេញមួយរាងកាយ។»
៩) «ទោះជាគល់អូសដែលត្រូវបានជ្រលក់ទឹកក៏អាចឆេះបានដែរ បើវាត្រូវបានដាក់នៅក្បែរភ្លើង។»
១០) «សុខភាពគឺជាភាពមានបាន។»
១១) «វាគ្មានប្រយោជន៍អ្វីនឹងត្រូវយំនៅពេលដែលទឹកដោះគោបានកំពប់រួចហើយនោះទេ។»
ដោយ៖ ស្រីពៅ
