បើ​អ្នក​ធ្លាប់​បាន​អាន​សៀវភៅ The 7 Habits of Highly Effective People នោះ​អ្នក​នឹង​ស្គាល់​ថា​អ្នក​និពន្ធ​សៀវភៅ​ដ៏​ល្បី​ឈ្មោះ​នេះ​គឺជា​លោក Stephen Covey។ គាត់​កើត​នៅ​ឆ្នាំ​១៩៣២​និង​ទទួល​អនិច្ចកម្ម​នៅ​ឆ្នាំ​២០១២។ គាត់​គឺជា​អ្នក​និពន្ធ​ជនជាតិ​អាមេរិក ជា​វាគ្មិន​ដ៏​សំខាន់​មួយ​រូប ជា​អ្នក​ជំនួញ និង​ជា​គ្រូ​បង្រៀន។ ក្នុង​ឆ្នាំ​១៩៩៦ គាត់​ត្រូវ​បាន​ទស្សនាវដ្ដីTime ដាក់​គាត់​ចូល​ក្នុង​បញ្ជី​ជា​បុគ្គល​២៥​នាក់​ដែល​មាន​ឥទ្ធិពល​បំផុត។ ថ្ងៃនេះ​យើង​បាន​ដកស្រង់​នូវ​សម្ដី​របស់​គាត់​ចំនួន​១០​ឃ្លា ដែល​អ្នក​អាច​យក​ទៅ​ដឹកនាំ​ជីវិត៖

១) «នៅ​ពេល​អ្នក​លើក​ចុង​ម្ខាង​នៃ​គល់​ឈើ អ្នក​ក៏​បាន​លើក​ចុង​ម្ខាង​ទៀត​របស់​វា​ដែរ។»

២) «អ្នក​អាច​ទិញ​ដៃ​របស់​មនុស្ស​ម្នាក់​បាន តែ​អ្នក​មិន​អាច​ទិញ​បេះដូង​របស់​ម្នាក់ហ្នឹងបាន​នោះ​ទេ។»

៣) «កុំ​ឈ្លោះ​ប្រកែក​អំពី​ចំណុច​ខ្សោយ​របស់​អ្នកដទៃ។ កុំ​ឈ្លោះ​ប្រកែក​ដើម្បី​ខ្លួនឯង។ នៅ​ពេល​អ្នក​ធ្វើ​ខុស សារភាព​វា កែ​តម្រូវ​វា រួច​ហើយ​រៀន​ពី​វា​ក្នុង​ពេល​ភ្លាមៗ​នោះ។»

៤) «ភាព​អស្ចារ្យ​ដ៏​ចម្បង​បំផុត​គឺ​នៅ​ខាងក្នុង ​គឺជា​អត្តចរិត។»

៥) «បុគ្គល​ដែល​ដាក់​ខ្លួន ផ្ដល់​ភាព​សំខាន់​ទៅលើ​អ្វី​ដែល​ត្រូវ​ជា​ជាង​ខ្លួនឯង​ត្រឹមត្រូវ។»

៦) «ឫសគល់​នៃ​បញ្ហា​ដែល​យើង​ប្រឈម​មុខ​នៅ​ក្នុង​ពិភពលោក ជីវិត​ក្នុង​សង្គមជាតិ​របស់​យើង ក្រុម​គ្រួសារ​របស់​យើង និង​បញ្ហា​ផ្ទាល់ខ្លួន គឺជា​វិញ្ញាណ។»

៧) «នៅ​ក្នុង​ទំនាក់ទំនង រឿង​តិចតួច​គឺជា​រឿង​ធំដុំ។»

៨) «រឿង​ដ៏​អស្ចារ្យ​បំផុត​ដែល​អ្នក​អាច​ធ្វើ​ដើម្បី​កូនៗ​របស់​អ្នក​គឺ​ស្រឡាញ់​គូ​ជីវិត​របស់​អ្នក។»

៩) «ស្ដាប់​ជាមួយ​នឹង​គោលបំណង​ក្នុង​ការ​យល់ មិនមែន​ការ​ឆ្លើយតប​នោះ​ទេ។»

១០) «ការ​បរាជ័យ​គឺជា​រឿង​ដែល​មិន​អាច​ចៀស​បាន តែ​ការ​ឈឺចាប់​វេទនា​គឺជា​ជម្រើស។»

ដោយ៖ ស្រីពៅ