សម្រង់សុភាសិតរបស់ទីបេចំនួន ១១ ដែលអ្នកគួរអាននិងសិក្សាស្វែងយល់
ជនជាតិទីបេមានសុភាសិតមួយលើកឡើងដូច្នេះថា «មនុស្សមានបញ្ញាស្វែងរកគតិបណ្ឌិត រីឯមនុស្សល្ងង់ដើរតាមជំនឿងងឹតងងល់។» មនុស្សយើងតែងមើលឃើញថាអ្វីដែលគេធ្វើច្រើនស្មើនឹងជាទង្វើដែលត្រឹមត្រូវ។ យ៉ាងណាមិញ ផ្លូវដែលមានមនុស្សដើរច្រើនមិនទៀងថាជាផ្លូវដែលត្រឹមត្រូវនោះទេ។ មនុស្សមានបញ្ញាស្វែងរកគតិបណ្ឌិត ស្វែងរកការពិតនៃជីវិត ស្វែងយល់ពីភាពមិនទៀងទាត់នៃជីវិតនេះ ស្វែងយល់ពីអារម្មណ៍និងការគិតរបស់ខ្លួនឯងដែលជាមូលហេតុនៃសេចក្ដីទុក្ខនិងសេចក្ដីសុខនៅក្នុងជីវិតរបស់ពួកគេ ស្វែងយល់ថាតើអ្វីទៅទើបជារឿងសំខាន់ពិតប្រាកដ មិនមែនចេះតែដើរស្វែងរកភាពមានបាននិងកេរ្តិ៍ឈ្មោះល្បីល្បាញតាមគេតាមឯងទាំងងងឹតងងល់នោះឡើយ។
ខាងក្រោមនេះគឺជាសម្រង់សុភាសិតរបស់ទីបេចំនួន១១ ដែលអ្នកគួរអាននិងសិក្សាស្វែងយល់៖
១) «ញ៉ាំរបស់ផ្អែមច្រើនពេក អ្នកនឹងមិនអាចដឹងថាតើវាផ្អែមទៀតឬអត់។»
២) «គ្រូដ៏ល្អបំផុតគឺជាគ្រូដែលធ្វើឲ្យយើងរងទុក្ខវេទនាខ្លាំងបំផុត។»
៣) «កុំសង្កេតឃើញតែចៃដ៏តូចមួយនៅលើសក់ក្បាលអ្នកដទៃ ហើយមើលរំលងសត្វចាមរីនៅលើច្រមុះរបស់ខ្លួនឯង។»
៤) «កុំជាប់ជំពាក់នឹងបទពិសោធន៍ណាមួយ ក៏ដោយសារតែវាមិននៅឋិតថេរនោះឡើយ។»
៥) «ថ្ងៃថ្មីនឹងមកដល់បើទោះជាគ្មានមាន់ស្រែកប្រកាសក៏ដោយ។»
៦) «នៅក្នុងជីវិតនេះ ផ្ដោតទៅលើសម្រេចឲ្យបាននូវអ្វីដែលមានអត្ថន័យបំផុត។»
៧) «ដាក់ស្បែកសត្វនៅខាងក្រោមបាតជើងងាយស្រួលជាងក្រាលពិភពលោកជាមួយស្បែកសត្វ។»
៨) «សត្វខ្មូតត្រូវបានសម្លាប់ដោយអណ្ដាតភ្លើង រីឯមនុស្សលោភលន់ត្រូវបានសម្លាប់ដោយភាពលោភលន់របស់ពួកគេ។»
៩) «មនុស្សមានបញ្ញាស្វែងរកគតិបណ្ឌិត រីឯមនុស្សល្ងង់ដើរតាមជំនឿងងឹតងងល់។»
១០) «នៅពេលមានស្ដេចមិនល្អ មនុស្សល្ងង់ដែលមានអំនួត និងប្រពន្ធដែលអាក្រក់ពិសពុល សន្តិភាពអាចទទួលបានតែពីការចាកចេញពីទីកន្លែងនោះតែប៉ុណ្ណោះ។»
១១) «តើមាននរណាម្នាក់ដែលអាចនិយាយយ៉ាងប្រាកដបានថានឹងអាចរស់នៅមើលឃើញថ្ងៃស្អែក?»
ដោយ៖ ស្រីពៅ
