កម្រងសម្ដីដែលមានតម្លៃចំនួន ១០ឃ្លា ដែលនិយាយអំពីបណ្ឌិត
Paulo Coelho បាននិយាយថា «មានតែរបស់ដែលសាមញ្ញបំផុតនៅក្នុងជីវិតទើបជារបស់ដែលអស្ចារ្យបំផុត ហើយមានតែបណ្ឌិតប៉ុណ្ណោះដែលយល់ពីរបស់ទាំងនេះ។» អ្វីៗនៅក្នុងលោកនេះសុទ្ធតែមានតម្លៃរបស់វាទាំងអស់។ អ្វីដែលនៅកាន់តែខ្ពស់ តម្លៃរបស់វាកាន់តែថ្លៃ ឯតម្លៃនៃអ្វីដែលនៅខ្ពស់នេះគឺជាការជាប់ជំពាក់ចិត្តនេះឯង។ អ្នកប្រហែលជាគិតថាមនុស្សដែលកាន់តែមានអំណាច កាន់តែមានទ្រព្យសម្បត្តិច្រើន គឺជាមនុស្សដែលមានសេចក្ដីសុខជាងគេ។ តាមពិតទៅសេចក្ដីសុខរបស់ពួកគេដែលអ្នកបានឃើញ គ្រាន់តែជារូបភាពខាងក្រៅរបស់ពួកគេប៉ុណ្ណោះ។
នៅខាងក្នុងទីជម្រៅចិត្តរបស់ពួកគេគឺពោរពេញទៅដោយភាពភ័យខ្លាច ជាពិសេសគឺភាពភ័យខ្លាចក្នុងការបាត់បង់អ្វីដែលកំពុងតែជាកម្មសិទ្ធិរបស់ខ្លួន។ កម្មសិទ្ធិកាន់តែច្រើន ដូច្នេះហើយដោយធម្មជាតិភាពភ័យខ្លាចក៏មានកាន់តែជ្រៅដែរ។ ចិត្តរបស់ពួកគេគ្មានសេរីភាពពិតប្រាកដនោះទេ។ អ្វីៗសុទ្ធតែជាចំណង។ នៅពេលអ្នកមើលធ្លុះពីការពិតនេះ អ្នកនឹងចាប់ផ្ដើមឲ្យតម្លៃនិងមើលឃើញពីភាពអស្ចារ្យនៅក្នុងភាពសាមញ្ញៗក្នុងជីវិត។ ថ្ងៃនេះយើងបានដកស្រង់នូវសម្ដីចំនួន១០ឃ្លា ដែលនិយាយអំពីបណ្ឌិត៖
១) «អាជ្ញាធរ អំណាច និងភាពមានបានមិនបានផ្លាស់ប្ដូរមនុស្សនោះទេ ប៉ុន្តែវាគ្រាន់តែលាតត្រដាងពីរបស់ក្រៅខ្លួនរបស់មនុស្សប៉ុណ្ណោះ។» Ali ibn Abi Talib
២) «តាមរយៈកំហុសរបស់អ្នកដទៃ បណ្ឌិតកែកំហុសរបស់ខ្លួនឯង។» Publilius Syrus
៣) «ភាពលោភលន់គឺជាទាសករដែលនៅឋិតថេរជារៀងរហូត។» Ali ibn Abi Talib
៤) «បេះដូងរបស់មនុស្សល្ងង់ស្ថិតនៅក្នុងមាត់របស់ពួកគេ រីឯមាត់របស់បណ្ឌិតស្ថិតនៅក្នុងបេះដូងរបស់ពួកគេ។» Benjamin Franklin
៥) «មានតែរបស់ដែលសាមញ្ញបំផុតនៅក្នុងជីវិតទើបជារបស់ដែលអស្ចារ្យបំផុត ហើយមានតែបណ្ឌិតប៉ុណ្ណោះដែលយល់ពីរបស់ទាំងនេះ។» Paulo Coelho
៦) «មនុស្សជំទង់ដឹងពីច្បាប់ទម្លាប់ តែមនុស្សចាស់ដឹងពីករណីលើកលែង។» Oliver Wendell Holmes
៧) «ប្រវត្តិសាស្ត្របានបង្រៀនយើងថា មនុស្សនិងសង្គមជាតិធ្វើទង្វើដែលប្រកបដោយបញ្ញាបន្ទាប់ពីពួកគេបានប្រើប្រាស់អស់គ្រប់មធ្យោបាយទាំងអស់រួចហើយ។» Abba Eban
៨) «ភាពក្រអឺតក្រទមធ្វើឲ្យបញ្ញាចុះខ្សោយ។» សុភាសិតអារ៉ាប
៩) «វាមិនមែនជាបញ្ញានឹងមានភាពប្រាកដប្រជាខ្លាំងពេកទៅលើបញ្ញារបស់ខ្លួនឯងនោះទេ។ វាគឺជារឿងល្អក្នុងការរំលឹកខ្លួនឯងថាអ្នកដែលខ្លាំងបំផុតអាចក្លាយជាខ្សោយ ឯអ្នកដែលមានបញ្ញាបំផុតអាចសាងកំហុសបាន។» មហាត្មៈគន្ធី
១០) «ភាពវៃឆ្លាតមិនមែនជាបញ្ញានោះទេ។» Euripides
ដោយ៖ ស្រីពៅ
