គតិដ៏មានតម្លៃខ្ពង់ខ្ពស់ចំនួន ១០ ដែលអ្នកគួរយកទៅអប់រំចិត្តរបស់អ្នក
Mark Twain បាននិយាយថា «មនុស្សភាគច្រើនបានស្លាប់តាំងពីអាយុ២៧ឆ្នាំ រហូតទាល់តែអាយុ៧២ឆ្នាំទើបត្រូវគេយកទៅបូជា។» សម្ដីមួយឃ្លានេះរបស់Mark Twain ពិតជាបង្កប់ដោយអត្ថន័យជ្រាលជ្រៅណាស់។ អ្វីដែលស្លាប់គឺជាវិញ្ញាណខាងក្នុងរបស់ពួកគេ។ ជីវិតពោរពេញទៅដោយទុក្ខគ្រប់សព្វបែបយ៉ាង បើសិនជាបុគ្គលនោះមើលមិនធ្លុះពីការពិតនៃជីវិតនេះ ហើយមិនប្រញាប់ងាកមកដើរផ្លូវត្រូវវិញទេ នោះពួកគេនឹងរស់នៅយ៉ាងវេទនាផ្លូវចិត្តមិនខាន។ ក្នុងជីវិត អ្វីៗសុទ្ធតែជាមេរៀនសម្រាប់អ្នក ហើយអ្នកមិនគួរជាប់ជំពាក់ចិត្តទៅនឹងការឡើងចុះនៅក្នុងជីវិតអ្នកឡើយ។ ថ្ងៃនេះយើងបានដកស្រង់នូវគតិដ៏មានតម្លៃខ្ពង់ខ្ពស់ចំនួន ១០ ដែលអ្នកគួរយកទៅអប់រំចិត្តរបស់អ្នក៖
១) «ភាពវៃឆ្លាត មិនមែនដោយសារតែអ្នកដឹងគ្រប់យ៉ាងដោយមិនចោទសួរនោះទេ ប៉ុន្តែគឺដោយសារតែអ្នកចោទសួរនូវអ្វីគ្រប់យ៉ាងដែលអ្នកគិតថាអ្នកដឹង។» អនាមិក
២) «ផ្លុំភ្លើងទៀនអ្នកដទៃឲ្យរលត់មិនធ្វើឲ្យភ្លើងទៀនរបស់អ្នកភ្លឺជាងមុនឡើយ។» អនាមិក
៣) «អ្នកប្រហែលជាមិនធ្លាប់បរាជ័យក្នុងទំហំមួយដូចខ្ញុំនោះទេ ប៉ុន្តែការបរាជ័យមួយចំនួននៅក្នុងជីវិតគឺមិនអាចគេចវេះបានឡើយ។ វាជារឿងមិនអាចទៅរួចនោះឡើយក្នុងការរស់នៅដោយមិនធ្លាប់មានការបរាជ័យលើអ្វីមួយសោះ ទាល់តែអ្នករស់នៅយ៉ាងប្រុងប្រយ័ត្នបំផុតរហូតដល់កម្រិតមួយដែលអ្នកស្ទើរតែមិនរស់នៅអ្វីទាល់តែសោះ ហើយបើបែបនេះ នោះអ្នកនឹងបរាជ័យដោយស្វ័យប្រវត្តិ។» J.K Rowling
៤) «មនុស្សភាគច្រើនបានស្លាប់តាំងពីអាយុ២៧ឆ្នាំ រហូតទាល់តែអាយុ៧២ឆ្នាំទើបត្រូវគេយកទៅបូជា។» Mark Twain
៥) «អភ័យទោសគឺជាការធ្វើឲ្យឧក្រិដ្ឋជនមានសេរីភាព ហើយរកឃើញថាឧក្រិដ្ឋជននោះគឺជាអ្នក។» Lewis B. Smedes
៦) «អ្នកនឹងមិនដឹងទេថាតើអ្នករឹងមាំប៉ុណ្ណារហូតទាល់តែការធ្វើជាមនុស្សរឹងមាំគឺជាជម្រើសតែមួយគត់សម្រាប់អ្នក។» Bob Marley
៧) «ការបោកបញ្ឆោតដ៏ធំបំផុតដែលមនុស្សរងទុក្ខគឺចេញមកពីការយល់ឃើញរបស់ពួកគេ។» Leonardo Da Vinci
៨) «បើអ្នកមិនធ្វើអ្វីដែលអ្នកស្រឡាញ់ អ្នកកំពុងតែខ្ជះខ្ជាយជីវិតរបស់អ្នកហើយ។» Bill Joel
៩) «អ្នកមានអំណាចទៅលើការគិតរបស់អ្នក មិនមែនរឿងរ៉ាវខាងក្រៅឡើយ។ យល់ពីវា ហើយអ្នកនឹងរកឃើញកម្លាំងខ្លាំងក្លា។» Marcus Aurelius
១០) «មានចំណេះដឹង តែដាក់ខ្លួន។ មានបញ្ញា ធ្វើជាមនុស្សសាមញ្ញ។» Debasish Mridha
ដោយ៖ ស្រីពៅ
