សម្ដីដកស្រង់ចំនួន ១០ឃ្លា ពីអ្នកនិពន្ធសៀវភៅ លោក Wayne Dyer
ខាងក្រោមនេះគឺជាសម្ដីដកស្រង់ចំនួន ១០ឃ្លា ពីលោក Wayne Dyer ដែលជាអ្នកនិពន្ធសៀវភៅប្រភេទជួយខ្លួនឯង និងជាអ្នកនិយាយលើកទឹកចិត្តមួយរូបរបស់អាមេរិក៖
១) «ជម្លោះមិនអាចរស់រានមានជីវិតដោយមិនមានការចូលរួមពីអ្នកបានឡើយ។»
២) «អ្នកមិនអាចចេះតែគ្រប់គ្រងអ្វីដែលកើតឡើងនៅខាងក្រៅឡើយ។ តែអ្នកតែងតែអាចគ្រប់គ្រងអ្វីដែលកើតឡើងនៅខាងក្នុង។»
៣) «របៀបដែលអ្នកដទៃធ្វើមកលើអ្នកគឺជាកម្មរបស់ពួកគេ។ របៀបដែលអ្នកឆ្លើយតបគឺជាកម្មរបស់អ្នក។»
៤) «នៅពេលអ្នកវាយតម្លៃអ្នកដទៃ អ្នកមិនមែនរៀបរាប់អំពីគេនោះទេ ផ្ទុយទៅវិញគឺអ្នកបានរៀបរាប់អំពីខ្លួនឯង។»
៥) «អ្នកមិនអាចឯកានោះទេបើសិនជាអ្នកចូលចិត្តមនុស្សដែលអ្នកឯកាជាមួយ។»
៦) «ខ្ញុំអរគុណដល់អ្នកដែលបាននិយាយថាទេ។ គឺព្រោះតែពួកគេ ខ្ញុំបានធ្វើវាដោយខ្លួនឯង។»
៧) «ខ្ញុំសុខចិត្តត្រូវបានគេស្អប់ដោយសារអ្វីដែលជាខ្ញុំជាជាងត្រូវបានគេស្រឡាញ់ដោយសារអ្វីដែលមិនមែនជាខ្ញុំ។»
៨) «សភាពនៃជីវិតរបស់អ្នកមិនលើសអ្វីពីចំណាំងផ្លាតនៃសភាពនៃចិត្តរបស់អ្នកឡើយ។»
៩) «ធ្វើអ្វីដែលអ្នកស្រឡាញ់គឺជាមូលដ្ឋានគ្រឹះនៃការមានភាពសម្បូរហូរហៀរនៅក្នុងជីវិតរបស់អ្នក។»
១០) «ឋានសួគ៌គឺជាសភាពនៃចិត្ត មិនមែនជាទីកន្លែងណាមួយឡើយ។»
ដោយ៖ ស្រីពៅ
