ទស្សនស៊ីជម្រៅ ៩ឃ្លា ដែលអ្នកគួរអានឲ្យរកឃើញថាអ្វីជាបញ្ហានៅក្នុងជីវិតអ្នកពិតប្រាកដ!
ថ្ងៃនេះយើងបានចងក្រងនូវទស្សនដ៏ស៊ីជម្រៅចំនួន ៩ឃ្លា ដែលអ្នកគួរអានដើម្បីរកឲ្យឃើញថាអ្វីទៅទើបជាបញ្ហានៅក្នុងជីវិតអ្នកពិតប្រាកដ:
១) «សេចក្ដីអាក្រក់ដែលបរិសុទ្ធនិងសេចក្ដីល្អដែលបរិសុទ្ធមិនមាននោះឡើយ ពីព្រោះគ្រប់រឿងល្អទាំងអស់តែងមានគុណវិបត្តិរបស់វា ឯគ្រប់រឿងអាក្រក់ទាំងអស់ក៏មានគុណសម្បត្តិរបស់វាដែរ។» អនាមិក
២) «អ្នកមិនអាចដោះស្រាយអ្វីមួយបានឡើយរហូតទាល់តែអ្នកគ្រប់គ្រងទៅលើថាតើស្ថានភាពនោះជះឥទ្ធិពលទៅលើអ្នកនៅខាងក្នុងដោយរបៀបណា។» Michael Singer
៣) «ផ្នែកដ៏សំខាន់បំផុតមួយដែលត្រូវការការផ្លាស់ប្ដូរគឺជារបៀបដែលយើងដោះស្រាយបញ្ហាផ្ទាល់ខ្លួនរបស់យើង។ ជាទម្លាប់យើងតែងតែចង់ដោះស្រាយការរំខាននៅខាងក្នុងដោយការពារខ្លួនឯង។ ការផ្លាស់ប្ដូរពិតប្រាកដចាប់ផ្ដើមនៅពេលអ្នកឲ្យតម្លៃទៅលើបញ្ហារបស់អ្នកជាភ្នាក់ងារនៃការអភិវឌ្ឍ។» Michael Singer
៤) «អ្នកអាចគិតអំពីអតីតកាលឬអនាគតកាល ប៉ុន្តែអ្នកមិនអាចចេញពីខណៈពេលបច្ចុប្បន្ននេះបានឡើយ។» អនាមិក
៥) «វាគឺជាពិភពលោកដែលពោរពេញទៅដោយល្បិចកលច្រើន។ អ្នកត្រូវតែធ្វើជាខ្លួនឯង។» Bob Marley
៦) «វាមិនមែនជាកំហឹងពិតប្រាកដនោះឡើយ។ គ្រាន់តែនៅស្រទាប់ខាងលើប៉ុណ្ណោះដែលវាមើលទៅហាក់ដូចជាកំហឹង។ នៅក្នុងជម្រៅនៃអត្ថិភាពរបស់អ្នក អ្នកពោរពេញទៅដោយថាមពលដែលអ្នកមិនដឹងថាត្រូវធ្វើយ៉ាងណាជាមួយវា ហេតុនេះហើយទើបវាជ្រើសយកទម្រង់ជាកំហឹង។ អ្នកមានសក្ដានុពលច្នៃប្រឌិតដ៏អស្ចារ្យ។ វាគឺជាថាមពលច្នៃប្រឌិតដែលមិនត្រូវបានយកមកប្រើប្រាស់ឲ្យបានត្រឹមត្រូវ។ វាក៏បានក្លាយជាមានរសជាតិជូរ។» Osho
៧) «យើងរិះគន់គ្នាទៅវិញទៅមកក៏ព្រោះតែយើងមិនធ្លាប់សិក្សាពីខ្លួនឯង។» អនាមិក
៨) «បុគ្គលម្នាក់ត្រូវតែសាងកំហុស នេះគឺជារបៀបដែលគាត់បានរៀនសូត្រ។» Osho
៩) «ការពិតនៅក្នុងខ្លួនអ្នកអស្ចារ្យជាងព័ត៌មាននៅក្នុងគម្ពីរសក្ការទៅទៀត។» អនាមិក
ដោយ៖ ស្រីពៅ
អត្ថបទទាក់ទង៖ គតិដ៏មានតម្លៃចំនួន១១ឃ្លា ដែលនិយាយពីទំនាក់ទំនងយ៉ាងស៊ីជម្រៅរវាងមនុស្សលោកនិងធម្មជាតិ
