ប្រយោគចំនួន ៩ឃ្លា របស់កវីនិពន្ធនិងរដ្ឋបុរសដ៏អស្ចារ្យបំផុតមួយរូបរបស់អាល្លឺម៉ង់គឺលោក Johann Wolfgang von Goethe
ថ្ងៃនេះយើងបានចងក្រងនូវប្រយោគចំនួន ៩ឃ្លា ដែលត្រូវបានដកស្រង់ចេញពីកវីនិពន្ធនិងជារដ្ឋបុរសដ៏អស្ចារ្យបំផុតមួយរូបរបស់អាល្លឺម៉ង់គឺលោក Johann Wolfgang von Goethe:
១) «តើនរណាទៅដែលជាបុគ្គលដែលមានសុភវិនិច្ឆ័យជាងគេបំផុត ? គឺជាបុគ្គលណាដែលអាចស្វែងរកឃើញអ្វីដែលមានប្រយោជន៍សម្រាប់ពួកគេនៅក្នុងរាល់អ្វីដែលបានកើតឡើងចំពោះពួកគេ។»
២) «ជឿជាក់លើខ្លួនឯងហើយអ្នកនឹងដឹងពីរបៀបក្នុងការរស់នៅ។»
៣) «ជីវិតគឺជាកម្មសិទ្ធិទៅលើអ្នកដែលមានជីវិតរស់នៅ ហើយបុគ្គលដែលរស់នៅត្រូវតែរៀបចំរួចជាស្រេចសម្រាប់ការផ្លាស់ប្ដូរ។»
៤) «ពួកគេបង្រៀននៅក្នុងសាលានូវរឿងដ៏ច្រើនលើសលប់ ហើយរឿងជាច្រើនលើសលប់ដែលឥតបានការ។»
៥) «ពួកយើងមិនដែលត្រូវបានបោកប្រាស់នោះទេ។ មានតែយើងប៉ុណ្ណោះដែលបោកប្រាស់ខ្លួនឯង។»
៦) «យើងមិនចាំបាច់ទៅស្ថាប័នថែទាំមនុស្សមានបញ្ហាផ្លូវចិត្តដើម្បីស្វែងរកមើលការគិតដែលមិនប្រក្រតីនោះឡើយ ព្រោះថាភពរបស់យើងគឺជាស្ថាប័នផ្លូវចិត្តនៃចក្រវាលនេះឯង។»
៧) «ខ្ញុំអាចប្រាប់អ្នកនូវអ្វីដែលគួរជឿជាក់: ចូរជឿជាក់ជីវិត ព្រោះវាបង្រៀនអ្នកបានប្រសើរជាងសៀវភៅឬអ្នកថ្លែងសុន្ទរកថាណាៗទៅទៀត។»
៨) «តើបុគ្គលដែលមានភាពខ្លាំងក្លាក្នុងការធ្វើជាបុគ្គលដែលពិតប្រាកដម្នាក់ និងបង្ហាញខ្លួនឯងទៅតាមអ្វីដែលជាខ្លួនឯងពិតប្រាកដមាននៅទីណា ?»
៩) «មនុស្សគឺជាសភាវៈដែលច្របូកច្របល់មួយ គាត់មិនដឹងថាតើគាត់មកពីណាឬថាតើគាត់នឹងត្រូវទៅទីណា គាត់ដឹងតិចតួចអំពីលោក ហើយលើសពីនេះទៅទៀត គឺគាត់ដឹងតិចតួចអំពីខ្លួនឯង។»
ដោយ៖ ស្រីពៅ
អត្ថបទទាក់ទង៖ សម្ដី៩ឃ្លារបស់តារាហូលីវូដ Marilyn Monroe ដែលបង្ហាញពីការគិតឯកជនរបស់គាត់
