ប្រយោគចំនួន ៦ឃ្លា ដែលត្រូវបានដកស្រង់ចេញពីសៀវភៅ The Kybalion: Hermetic Philosophy ដោយអ្នកនិពន្ធ The Three Initiates
ថ្ងៃនេះយើងបានចងក្រងនូវប្រយោគចំនួន ៦ឃ្លា ដែលត្រូវបានដកស្រង់ចេញពីសៀវភៅ The Kybalion: A Study of Hermetic Philosophy of Ancient Egypt and Greece នៅក្រោមឈ្មោះអ្នកនិពន្ធក្លែងក្លាយ The Three Initiates:
១) «រំញ័រនៃវិញ្ញាណគឺស្ថិតនៅក្នុងអត្រានៃអាំងតង់ស៊ីតេនិងល្បឿនដែលឥតមានដែនកំណត់ដែលវាស្ទើរតែដូចនៅនឹងថ្កល់ ប្រៀបដូចជាកង់ដែលវិលយ៉ាងរហ័សដែលមើលទៅហាក់ដូចជាមិនមានចលនាដូច្នោះដែរ។»
២) «គ្មានអ្វីមួយដែលនៅឈរនឹងថ្កល់នោះឡើយ គ្រប់យ៉ាងកើត លូតលាស់ និងស្លាប់ ខណៈពេលមួយដែលអ្វីមួយឈានទៅដល់កំពូលរបស់វា វាចាប់ផ្ដើមធ្លាក់ចុះមកវិញ ច្បាប់នៃចង្វាក់គឺស្ថិតនៅក្នុងដំណើរការជានិច្ច។»
៣) «កុំយល់ច្រឡំថាពិភពលោកតូចមួយដែលអ្នកមើលឃើញជុំវិញអ្នក ដែលជាផែនដី ដែលគ្រាន់តែជាកម្ទេចធូលីនៅក្នុងចក្រវាលនេះ គឺជាចក្រវាលខ្លួនវាឲ្យសោះ។ វាមានរាប់លានពីលើរាប់លាននៃពិភពលោកបែបនេះ និងធំជាងនេះ។ ហើយមានរាប់លានពីលើរាប់លាននៃចក្រវាលបែបនេះនៅក្នុងអត្ថិភាពនៅក្នុងចិត្តដែលឥតមានដែនកំណត់នៃអ្វីៗទាំងអស់។»
៤) «ច្បាប់គឺថាសមត្ថភាពសម្រាប់ការឈឺចាប់និងការសប្បាយរីករាយនៅក្នុងបុគ្គលម្នាក់ៗ គឺមានតុល្យភាព។ ច្បាប់នៃការសងសំណងគឺនៅក្នុងដំណើរការយ៉ាងពេញលេញ។»
៥) «គ្រប់យ៉ាងគឺទ្វេ។ គ្រប់យ៉ាងមានប៉ូល។ គ្រប់យ៉ាងមានដៃគូដែលផ្ទុយរបស់វា។ ចូលចិត្តនិងមិនចូលចិត្តគឺដូចគ្នា។ ភាពផ្ទុយគ្នាគឺដូចគ្នានៅក្នុងធម្មជាតិ ប៉ុន្តែខុសគ្នានៅក្នុងកម្រិត។ ភាពផ្ទុយគ្នាជួបគ្នា។ រាល់ការពិតទាំងអស់គ្រាន់តែជាការពិតដែលពាក់កណ្ដាល។ រាល់អ្វីដែលមិនស្របតាមឡូហ្សិកទាំងអស់អាចសម្រុះសម្រួលគ្នាបាន។»
៦) «មនុស្សមួយក្រុមធំត្រូវបានអូសទាញនាំយកទៅ ស្ដាប់បង្គាប់មជ្ឈដ្ឋាន ឥទ្ធិពលពីខាងក្រៅ និងអារម្មណ៍ ចំណង់ពីខាងក្នុងជាដើម។ មិននិយាយអំពីចំណង់និងការប៉ងប្រាថ្នារបស់អ្នកដទៃដែលខ្លាំងជាងរបស់ពួកគេនោះទេ តំណពូជ មជ្ឈដ្ឋាន និងការណែនាំ ក៏បានអូសទាញនាំយកពួកគេទៅដោយមិនមានការប្រឆាំងតបតពីពួកគេឬការអនុវត្តទៅលើសេរីភាពក្នុងការជ្រើសរើសនោះឡើយ។ ធ្វើចលនាប្រៀបដូចជាកូនអុកនៅលើក្ដារអុកនៃជីវិត ពួកគេលេងសាច់រឿងរបស់ពួកគេ និងត្រូវបានទុកចោលនៅពេលល្បែងបានបញ្ចប់។ ប៉ុន្តែមនុស្សមានបញ្ញាដឹងពីច្បាប់នៃល្បែង ឡើងខ្ពស់ផុតពីស្រទាប់នៃជីវិតដែលផ្ដោតទៅលើរូបធាតុ ហើយដាក់ខ្លួនឯងឲ្យជិតស្និទ្ធជាមួយអំណាចដែលខ្ពស់ជាងនៃធម្មជាតិរបស់ពួកគេ គ្រប់គ្រងទៅលើអារម្មណ៍ បុគ្គលិកលក្ខណៈ ចរិត និងអំណាចរបស់ពួកគេ ព្រមទាំងមជ្ឈដ្ឋានជុំវិញពួកគេ ហើយក្លាយជាអ្នកធ្វើចលនាជាជាងកូនអុក។»
ដោយ៖ ស្រីពៅ
អត្ថបទទាក់ទង៖ សុភាសិតរបស់អង់គ្លេសចំនួន១៣ឃ្លា ដែលអ្នកគួរអានដើម្បីបានស្រង់យកគតិបណ្ឌិតរបស់ជាតិសាសន៍នេះ
