ទស្សនចំនួន ៩ឃ្លា របស់ Rene Descartes ទស្សនវិទូក្នុងសតវត្សទី១៧របស់បារាំង
ថ្ងៃនេះ BizKhmer បានចងក្រងនូវទស្សនទានចំនួន ៩ឃ្លា របស់ទស្សនវិទូ គណិតវិទូ និងអ្នកវិទ្យាសាស្ត្រក្នុងសតវត្សទី១៧ មួយរូបរបស់បារាំងគឺលោក Rene Descartes មកចែករំលែកដល់មិត្តអ្នកអាន៖
១) «បើអ្នកចង់ធ្វើជាអ្នកតាមស្វែងរកពីក្រោយការពិតពិតប្រាកដ វាជាការចាំបាច់ដែលយ៉ាងហោចណាស់ម្ដងក្នុងជីវិតរបស់អ្នក អ្នកត្រូវហ៊ានឆ្ងល់នូវរាល់រឿងរ៉ាវគ្រប់យ៉ាង។»
២) «តើអ្នកអាចប្រាកដបានយ៉ាងដូចម្ដេចថាជីវិតរបស់អ្នកទាំងមូលមិនមែនជាការសុបិន?»
៣) «មូលហេតុចម្បងនៃភាពខុសឆ្គងរបស់មនុស្សគឺត្រូវបានរកឃើញនៅក្នុងការគិតលម្អៀងដែលអ្នកបានរៀនសូត្រនៅក្នុងវ័យកុមារភាព។»
៤) «វាជារឿងដែលអាចទៅរួចដែលខ្ញុំកំពុងតែសុបិនឥឡូវនេះ ហើយរាល់ការទទួលដឹងដោយញាណទាំងអស់របស់ខ្ញុំគឺសុទ្ធតែក្លែងក្លាយ។»
៥) «រដ្ឋណាដែលមានច្បាប់តិចតួចគ្រប់គ្រងបានល្អប្រសើរ ដោយសារច្បាប់នោះត្រូវបានឃ្លាំមើលនិងសង្កេតយ៉ាងតឹងរ៉ឹង។»
៦) «យើងមិនអាចយល់ពីអ្វីមួយបានច្បាស់និងយកវាមកធ្វើជារបស់ខ្លួនឯងដូចទៅនឹងអ្វីដែលយើងបានរកឃើញវាដោយខ្លួនឯងនោះឡើយ។»
៧) «ជារឿងដែលអាចទៅរួចដែលខ្ញុំគឺជាអ្វីដែលលើសពីអ្វីដែលខ្ញុំគិតថាគឺជាខ្លួនឯង។»
៨) «ខ្ញុំពិតជាភ្ញាក់ផ្អើលពិតមែននៅពេលដែលខ្ញុំគិតថាតើការគិតរបស់ខ្ញុំទន់ខ្សោយប៉ុណ្ណានិងងាយនឹងខុសឆ្គងប៉ុណ្ណា។»
៩) «តើយើងដឹងបានដោយរបៀបណាថាអ្វីមួយពិតជាកើតឡើងមែន ហើយថាអ្វីមួយគឺពិតជារបៀបដែលវាស្ដែងចេញមកយើងតាមរយៈញាណរបស់យើង?»
ដោយ៖ ស្រីពៅ
អត្ថបទទាក់ទង៖ សុភាសិតចម្រុះជាតិសាសន៍ចំនួន១២ឃ្លា ដែលអ្នកគួរក្រេបយកខ្លឹមសាររបស់វា
