ប្រយោគ​ចំនួន​៥ឃ្លា​ពី​​បញ្ញវន្ត​ដែល​សិក្សា​ពី​ការ​ប្រៀបធៀប​រវាង​សាសនានិងអ្នក​និពន្ធ​​​ជាតិ​អាមេរិកមួយ​រូប​ លោក Thomas Merton​



ថ្ងៃនេះ​យើង​បាន​ចងក្រង​នូវ​ប្រយោគ​ចំនួន​៥ឃ្លា​ពី​អ្នក​និពន្ធ​ជាតិ​អាមេរិក​មួយ​រូប​គឺ លោក Thomas Merton ដែល​លោក​ក៏​ជា​សង្ឃ​មួយ​អង្គ ទេវវិទូ កវី​កំណាព្យ សកម្មជន​សង្គម និង​បញ្ញវន្ត​ដែល​សិក្សា​ពី​ការ​ប្រៀបធៀប​រវាង​សាសនា​មួយ​រូប​ផង​ដែរ:

 

១) «នៅ​ក្នុង​ភាព​ស្ងៀមស្ងាត់ ព្រះ​លែង​ជា​វត្ថុ​វិស័យ​តទៅទៀត​ហើយ​ក្លាយ​មក​ជា​បទពិសោធន៍​មួយ​វិញ។»

 

២) «មនុស្ស​អាច​នឹង​ចំណាយ​ពេល​ពេញ​មួយ​ជីវិត​របស់​ពួកគេ​ឡើង​លើ​ជណ្ដើរ​នៃ​ភាព​ជោគជ័យ​គ្រាន់តែ​ដើម្បី​ឲ្យ​រក​ឃើញ​ថា ពេល​ណា​ដែល​ពួកគេ​បាន​ឈាន​ទៅ​ដល់​កំពូល តាមពិតទៅ​ជណ្ដើរ​នោះ​បាន​ផ្អែក​ទៅលើ​ជញ្ជាំង​ដែល​ខុស​សោះ។»

 

៣) «បើ​អ្នក​កាន់តែ​ព្យាយាម​គេចវេះ​ពី​សេចក្ដីទុក្ខ​ច្រើន​ប៉ុណ្ណា អ្នក​នឹង​កាន់តែ​រងទុក្ខ​ប៉ុននោះ ព្រោះ​ថា​អ្វី​ដែល​តូចតាច​ជាងមុន​និង​មិន​សំខាន់​ជាងមុន​ចាប់ផ្ដើម​ធ្វើ​ទារុណកម្ម​លើ​អ្នក សមាមាត្រ​ទៅ​នឹង​ភាព​ភ័យខ្លាច​របស់​អ្នក​ទៅលើ​ការ​ដែល​ត្រូវ​បាន​ធ្វើឲ្យ​ឈឺចាប់។ បុគ្គល​ណា​ដែល​ធ្វើ​ខ្លាំង​បំផុត​ដើម្បី​គេចវេះ​ពី​សេចក្ដីទុក្ខ នៅ​ចុងបញ្ចប់ គឺជា​បុគ្គល​ដែល​រងទុក្ខ​ជាងគេ​បំផុត។»

 

៤) «ការ​ចាប់ផ្ដើម​នៃ​ក្ដី​ស្រឡាញ់​គឺជា​ការ​ព្រម​ឲ្យ​មនុស្ស​ដែល​យើង​ស្រឡាញ់​ធ្វើ​ជា​ខ្លួនឯង​យ៉ាង​ពេញលេញ​ឥតខ្ចោះ គឺជា​ការ​ប្ដេជ្ញាចិត្ត​ក្នុង​ការ​ដែល​មិន​កាច់​ពត់​ពួកគេ​ដើម្បី​ឲ្យ​ស្រប​ទៅ​តាម​រូបភាព​របស់​យើង​ខ្លួនឯង​នោះ​ឡើយ។ បើ​នៅ​ក្នុង​ការ​ស្រឡាញ់​ពួកគេ យើង​មិន​បាន​ស្រឡាញ់​នូវ​អ្វី​ដែល​ជា​ពួកគេ ប៉ុន្តែ​គ្រាន់តែ​ភាព​ស្រដៀង​គ្នា​របស់​ពួកគេ​ទៅ​នឹង​យើង នោះ​យើង​មិន​បាន​ស្រឡាញ់​ពួកគេ​ឡើយ យើង​គ្រាន់តែ​ស្រឡាញ់​ចំណាំងផ្លាត​របស់​យើង​ដែល​យើង​បាន​រក​ឃើញ​នៅ​ក្នុង​ពួកគេ​ប៉ុណ្ណោះ។»

 

៥) «កុំ​ពឹងផ្អែក​ទៅលើ​ក្ដី​សង្ឃឹម​នៃ​លទ្ធផល។ អ្នក​អាច​នឹង​ត្រូវ​ប្រឈមមុខ​នឹង​ការ​ពិត​ដែល​ការងារ​របស់​អ្នក​អាច​នឹង​មិន​មាន​តម្លៃ​និង​មិន​បាន​សម្រេច​នូវ​លទ្ធផល​សូម្បីតែ​បន្តិច​អ្វី​ឡើយ។ នៅ​ពេល​ដែល​អ្នក​សាំុ​នឹង​ទស្សន​បែបនេះ អ្នក​ចាប់ផ្ដើម​កាន់តែ​ខ្លាំង​ទៅៗ​ក្នុង​ការ​ដែល​លែង​ផ្ចង់​អារម្មណ៍​របស់​អ្នក​ទៅលើ​លទ្ធផល​ទៀត​ហើយ ផ្ទុយទៅវិញ​គឺ​ទៅលើ​តម្លៃ ភាព​ត្រឹមត្រូវ ការ​ពិត​នៃ​ការងារ​ខ្លួនវា។ នៅ​ចុងបញ្ចប់ វា​គឺជា​ការ​ពិត​នៃ​ទំនាក់ទំនង​ផ្ទាល់ខ្លួន​ដែល​សង្គ្រោះ​អ្វីៗ​ទាំងអស់។»

ដោយ៖ ស្រីពៅ

អត្ថបទទាក់ទង៖ ទស្សន​ចំនួន​១០ ដែល​អាច​បំបែក​ការ​គិត​ក្លែងក្លាយ​របស់​អ្នក​ចំពោះ​ខ្លួនឯង​ចោល​បាន

X
5s