ខាងក្រោម​នេះ​គឺជា​ប្រយោគ​ចំនួន​ ៨ឃ្លា ដែល​នាំ​អ្នក​ចូល​ទៅ​កាន់​ពិភពលោក​របស់​សិល្បករ:

១) «អ្វី​ដែល​ខ្ញុំ​មាន​នៅ​ក្នុង​បេះដូង​និង​វិញ្ញាណ​របស់​ខ្ញុំ ត្រូវតែ​ស្វែងរក​ផ្លូវ​មួយ​ដើម្បី​ចេញ។ នោះ​គឺជា​មូលហេតុ​សម្រាប់​តន្ត្រី។» Ludwig van Beethoven

២) «ខ្ញុំ​ស្រឡាញ់​ដើមឈើ​ជាង​មនុស្ស​ទៅ​ទៀត។» Ludwig van Beethoven

៣) «តន្ត្រី​មិនមែន​នៅ​ក្នុង​ណោត​ភ្លេង​ឡើយ ប៉ុន្តែ​គឺ​នៅ​ក្នុង​ភាព​ស្ងប់ស្ងាត់​ដែល​នៅ​ចន្លោះ​នោះ។» Mozart

៤) «សេចក្ដីស្លាប់ នៅ​ពេល​ដែល​យើង​យក​វា​មក​គិត​ឲ្យ​បាន​ដិតដល់ គឺជា​គោលដៅ​ពិតប្រាកដ​នៃ​អត្ថិភាព​របស់​យើង។ ខ្ញុំ​បាន​បង្កើត​នូវ​ទំនាក់ទំនង​ដែល​ស្និទ្ធស្នាល​បែបនេះ​ក្នុង​អំឡុង​ពេល​ប៉ុន្មាន​ឆ្នាំ​មុន​ជាមួយ​នឹង​មិត្តភ័ក្ដិ​ដែល​ល្អ​បំផុត​និង​ពិតប្រាកដ​បំផុត​របស់​មនុស្សជាតិ​មួយ​នេះ​ រហូត​ទាល់តែ​រូបភាព​នៃ​សេចក្ដីស្លាប់​មិនត្រឹមតែ​លែង​ធ្វើឲ្យ​ខ្ញុំ​ភ័យខ្លាច​តទៅទៀត​នោះ​ទេ ប៉ុន្តែ​ពិតជា​ធ្វើឲ្យ​ខ្ញុំ​ធូរស្រាល​អារម្មណ៍​និង​ផ្ដល់​ភាព​កក់ក្ដៅ​ពិត​មែន។» Mozart

៥) «នៅ​ពេល​ដែល​អ្នក​លេងតន្រ្តី​ កុំ​ខ្វាយខ្វល់​ពី​នរណា​ដែល​ស្ដាប់​អ្នក។» Robert Schumann

៦) «បញ្ជូន​ពន្លឺ​ទៅ​កាន់​បេះដូង​ដែល​ងងឹត​របស់​មនុស្ស នេះ​គឺជា​កាតព្វកិច្ច​របស់​សិល្បករ។» Robert Schumann

៧) «បើ​ខ្ញុំ​បាន​ស្គាល់​បញ្ហា​ជាច្រើន​នៅ​ក្នុង​ភាពយុវវ័យ​របស់​ខ្ញុំ ខ្ញុំ​ក៏​បាន​ស្គាល់​ភាព​រីករាយ​ជាច្រើន​ដែរ។» Clara Schumann

៨) «សុខភាព​របស់​ខ្ញុំ​អាច​នឹង​ប្រសើរ​ជាងមុន​បើ​ខ្ញុំ​ធ្វើឲ្យ​ខ្លួនឯង​ខិតខំ​ប្រឹងប្រែង​តិច​ជាងមុន ប៉ុន្តែ​នៅ​ចុង​បញ្ចប់​គ្រប់​មនុស្ស​ម្នាក់ៗ​មិនមែន​សុទ្ធតែ​ផ្ដល់​ជីវិត​របស់​គាត់​សម្រាប់​ឲ្យ​សំឡេង​ដែល​កោះ​ហៅ​ចេញ​ពី​ខាងក្នុង​មក​ទេ​ឬ ?» Clara Schumann

ដោយ៖ ស្រីពៅ

អត្ថបទទាក់ទង៖ គតិ​ចំនួន​១០ឃ្លា​របស់​ទស្សនវិទូ​ចិន​បុរាណ ជ័ងជឺ នាំ​អ្នក​ឲ្យ​ឃើញ​ពិភពលោក​ខុស​ប្លែក​ពី​មុន​