ហេតុផលសំខាន់ៗទាំង៥ ដែលអ្នកគួររៀនមហាវិទ្យាល័យឲ្យចប់ចុងចប់ដើមសិន រួចចាំរកស៊ី!
សុខចិត្តចំណាយពេលបន្តថ្នាក់មហាវិទ្យាល័យ ឲ្យចប់ចុងចប់ដើមសិន ក៏ប្រសើរជាងប្រើពេលទាំងអស់រកស៊ីតែមួយមុខដែរ។
មិនថាអ្នកចង់បង្កើតអាជីវកម្មអ្វីមួយដោយខ្លួនឯង នោះទេ វាសំខាន់ណាស់ដែលអ្នកត្រូវមាន សញ្ញាប័ត្រយ៉ាងហោចណាស់ថ្នាក់បរិញ្ញាបត្រសិនដែរ ធ្វើបែបនេះដើម្បីឲ្យអ្នកមានចំណេះដឹងគ្រប់គ្រាន់ និង អាចកាត់បន្ថយហានិភ័យបានច្រើន ជាពិសេសបើរកស៊ីមិនជោគជ័យ ក៏អាចមានឪកាសទៅធ្វើការឲ្យគេ។
១) មានបណ្ដាញច្រើនហើយរៀនយល់ពីរបៀបរកស៊ីខ្លះៗ៖
នរណាទៅដឹងថាថ្ងៃមុខទៅ មិត្តភក្ដិ ក៏ដូចជាសាស្ត្រាចារ្យដែលធ្លាប់រៀនសាលាជាមួយគ្នា អាចជាដៃគូរកស៊ី ក៏ដូចជាអ្នកពិគ្រោះក្នុងការរកស៊ីរបស់អ្នកបាននោះ។ មិនត្រឹមតែប៉ុណ្ណោះការរៀនសូត្រនេះ នឹងបង្រៀនអ្នកឲ្យស្គាល់ពីរបៀបនៃការរកស៊ី ទៅថ្ងៃមុខផងដែរ។
២) រៀនគិតជ្រៅជ្រះ៖
សាកលវិទ្យាល័យគឺជាកន្លែងមួយផ្ដល់ឱកាសឲ្យអ្នកបានរៀន ហើយសូរសំណួរខ្លួនឯងពីអ្វីដែលអ្នកបានរៀនមក។ មិនត្រឹមតែប៉ុណ្ណោះ អ្នកមានឱកាសវែកញែកពីអ្វីដែលអ្នកបានរៀន ព្រមទាំងរៀនពន្យល់ ហើយស្វែងរកចម្លើយឆ្លើយដោយខ្លួនឯងទៀត។
៣) ជាទីកន្លែងដែលអ្នកបានបរាជ័យមុនគេ៖
ពេលអ្នករៀននរណាៗ ក៏ធ្លាប់បរាជ័យដែរ ដូចជាការប្រឡងធ្លាក់ឬបានពិន្ទុតិចជាដើម។ ហើយការបរាជ័យនៅសាលានេះទៀតសោត នឹងជាមេរៀនមួយដ៏ល្អពេលអ្នកចេញរកស៊ី។
៤) អ្នកមានCredit ខ្ពស់៖
ពេលបញ្ចប់ការសិក្សាទៅ អ្នកនឹងទទួលបាន Creditសម្រាប់ខ្លួនឯង។ ពេលអ្នកចេញរកស៊ី ភាគច្រើនបើអ្នកមានCreditខ្ពស់នៅសាលា នោះ ដៃគូរកស៊ីអ្នកនឹងកាន់តែជឿទុកចិត្តលើសមត្ថភាពអ្នកបន្ថែមទៀត។
៥) អ្នកយល់ដឹងពីមុខវិជ្ជាជាច្រើន៖
ពេលអ្នកចេញរកស៊ី អ្នកមិនអាចច្បាស់តែការស៊ីមួយមុខនោះទេ។ ដើម្បីរកស៊ីជោគជ័យបាន អ្នកត្រូវដឹងថាអ្វីទៅជាការគ្រប់គ្រង? ភាពជាអ្នកដឹកនាំ? សេដ្ឋកិច្ច? ទីផ្សារ? និងសហគ្រិនភាពផងដែរ?
ប្រែសម្រួល៖ ព្រំ សុវណ្ណកណ្ណិកា
ប្រភព៖ addicted2success.com
