សាទរកម្ពុជា ឬ (Celebrating Cambodia) ជាព្រឹត្តការណ៍ដ៏ធំអស្ចារ្យនៅប្រទេសកម្ពុជា ដែលពុំធ្លាប់មានពីមុនមក ត្រូវគ្រោងរៀបចំឡើងនៅចុងឆ្នាំនេះដែលជាឆ្នាំដំបូង។ សាទរកម្ពុជា ជាការរៀបចំកម្មវិធីឆ្លងឆ្នាំសកល ឆ្នាំចាស់២០២៤ ឆ្លងចូលឆ្នាំ ២០២៥ សម្រាប់ប្រជាជនកម្ពុជាទាំងអស់ ដែលរៀបចំ នៅទីតាំង សួនច្បារមុខព្រះបរមរាជវាំង ។ 

ព្រឹត្តិការណ៍ «សាទរកម្ពុជា» នឹងប្រព្រឹត្តទៅនៅថ្ងៃទី៣១ ខែធ្នូ ឆ្នាំ២០២៤ ដែលមានកម្មវិធីជាច្រើនដូចជា ក្បួនដង្ហែយ៉ាងធំ  ដោយមានអ្នកចូលរួមប្រមាណជាង ៣០០០នាក់ មានក្បួនដង្ហែ និង កាចូលរួម តុបតែង តែងខ្លួន បែបបុរាណ ឆ្លុះបញ្ចាំងអត្តសញ្ញាណខ្មែរ  និង សហសម័យ ទម្រង់ផ្សេងៗគ្នា ផ្សព្វផ្សាយពី កេរ្តិ៍មរតកដូនតា  ល្ខោនបាសាក់ ក្នុងនោះគ្រោងមានតួអង្គជាយក្ស ២០០នាក់ ដោយមានហយុទ្ធនាការ​​«យក្សចូលក្រុង» យុទ្ធគុណខ្មែរទាំង៨ ទីងម៉ោងយក្ស(ចំនួន ៨៥) ស្គរធំ ទម្ងន់៣តោន   តុកតុក ស៊ីក្លូ និង ល្បែងប្រជាប្រិយ  រៀបចំ កន្លែងថតរូបស្អាតៗ រៀបចំកន្លែងលេងដែលរម្លឹកអនុស្សាវរីយ៍កាលពីក្មេង ។

ការដង្ហែ និង បង្ហូតទង់ជាតិ ផ្សារភ្ជាប់មនោសច្ចេតនាជាមួយទង់ជាតិ (Feel Flag)  ។ 

 ការប្រគុំតន្រ្តី សម្ដែងសិល្បៈទស្សនីយភាពចម្រុះ ការរចនាតុបតែងដ៏ស្រស់ស្អាតជាច្រើនដែលផ្សារភ្ជាប់គំនិតច្នៃប្រឌិត ល្បែងកំសាន្តទស្សវត្សរ៍ទី៨០ ស្តង់ម្ហូបអាហារ បែបខ្មែរ ការរាប់ថយក្រោយឆ្លងឆ្នាំសកល ជាមួយនឹងការបាញ់កាំជ្រួច រួមទាំងទស្សនីយ៍ភាពកម្សាន្តផ្សេងៗជាច្រើនទៀតផងដែរ។

សូមចូលរួមឲ្យបានច្រើនកុះករក្នុងព្រឹត្តិការណ៍ «សាទរកម្ពុជា» និង អបអរការឆ្លងឆ្នាំសកល ២០២៤ ចូល ២០២៥ ជាមួយមនុស្សជាទីស្រលាញ់របស់អ្នក និងទាំងអស់គ្នាជាមហាគ្រួសារខ្មែរតែមួយ។