គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី​



ដើម្បី​ក្លាយ​ជា​សេដ្ឋី​បាន​អ្នក​ត្រូវ​ឆ្លង​កាត់​ការ​តស៊ូ​និង​ការ​លំបាក​នានា​ជា​ច្រើន​ក្នុង​ជីវិត។ វា​ទាមទារ​អោយ​អ្នក​មាន​ភាព​អំណត់​​អត់ធន់​និង​ហ៊ាន​ជម្នះ​គ្រប់​ឧបសគ្គ។ នេះ​ជា​អាថ៌កំបាំង​ក្នុង​ការ​ដឹង​នាំ​អ្នក​អោយ​ទទួល​បាន​​ជោគជ័យ​ក្នុង​ជំនួញ​ហើយ​ក្លាយ​ជា​សេដ្ឋី​អោយ​បាន​ឆាប់៖ ១) ត្រូវ​គិត​អោយ​លើស​ពី​អ្វី​ដែល​អ្នក​ចង់​បាន៖​ មនុស្ស​ជា​ច្រើន​ចង់​ទទួល​បាន​ជោគជ័យ​សម្រាប់​តែ​ខ្លួន​ឯង​ ហើយ​ព្យាយាម​ធ្វើ​អ្វី​សម្រាប់​តែ​បំពេញ​បំណង​ខ្លួន​ឯង។​ ចុះ​ហេតុ​អ្វី​ក៏​មិន​​បើក​គំនិត​អោយ​ទូលំទូលាយ​ជាង​នេះ?​​​ ប្រសិន​បើ​អ្នក​ព្យាយាម​គិត​អោយ​លើស​ពី​អ្វី​ដែល​អ្នក​ចង់​បាន ​អ្នក​នឹង​អាច​វាស់​ស្ទង់​ថា​សមត្ថភាព​ខ្លួន​ឯង​ខ្លាំង​កម្រិត​ណា។ ២) ដើរ​តាម​អ្នក​ដែល​មាន​ជំនាញ៖​ ​សេដ្ឋី​​​ដែល​ជោគជ័យ​ជា​ច្រើន​តែង​មាន​អ្នក​ជំនាញ​ សម្រាប់​ធ្វើ​ការ​ពិភាក្សា​ក្នុង​ការ​ស្វែង​រក​យុទ្ធសាស្ត្រ​​របស់​ពួក​គេ​។ ហើយ​អ្នក​ក៏​ដូច្នេះ​ដែរ​ ការ​ដើរ​តាម​​និង​ការ​រៀន​ទទួល​យក​ចំណេះ​ដឹង​ពី​អ្នក​ជំនាញ​ទាំង​នោះ នឹង​​​ផ្ដល់​ជា​គំនិត​ដែល​ជា​បង្អែក​ដ៏​សំខាន់​សម្រាប់​អ្នក។ ៣) បង្កើត​ការងារ​ជា​ប្រព័ន្ធ​​​ដើម្បី​បង្កើន​អានុភាព៖​ អ្នក​មិន​អាច​ធ្វើ​ការងារ​អ្វី​មួយ​បាន​ដោយ​មាន​តែ​ខ្លួន​តែ​ម្នាក់​នោះ​ទេ។ អ្នក​ត្រូវ​បង្កើត​ការងារ​ជា​ប្រព័ន្ធ​មួយ​ សម្រាប់​បង្កើន​អានុភាព​ការងារ​ទាំង​នោះ។ វា​ជួយ​អោយ​អ្នក​​ទទួល​បាន​ផល​ចំណេញ​ទាំង​ពេល​វេលា​ ទាំង​កម្លាំង និង​គុណភាព។ ៤) ត្រូវ​​មាន​ជំនាញ​ទីផ្សារ​និង​ការ​លក់​ដូរ៖ ជំនាញ​ទាំង​ពីរ​នេះ​នឹង​កាន់​តែ​ធ្វើ​អោយ​អ្នក​កាន់​តែ​ខ្លាំង​​ព្រោះ​ ការ​ជំនាញ​ទីផ្សារ​នេះ​អាច​ជា​ផ្នែក​ជួយ​ផ្សព្វផ្សាយ​ផលិតផល​របស់​អ្នក​ទៅ​គ្រប់​កន្លែង។ រី​ឯ​ជំនាញ​លក់​ដូរ​នេះ​​គឺ​​ការ​​នាំ​យក​អតិថិជន​អោយ​មក​ជាវ​ផលិតផល​របស់​អ្នក។ ៥) ធ្វើ​ការ​សម្រេច​ចិត្ត​អោយ​បាន​លឿន៖ ជា​រៀង​រាល់​ថ្ងៃ មនុស្ស​ម្នាក់​ៗ មាន​គំនិត​ច្រើន​រាប់​មិន​អស់ ដែល​ជា​ហេតុ​ធ្វើ​អោយ​គេ​ពិបាក​​ក្នុង​ការ​សម្រេច​ចិត្ត។ ប៉ុន្តែ​មនុស្ស​ដែល​មាន​ៗ​ជា​ច្រើន​​តែង​ធ្វើ​ការ​សម្រេច​ចិត្ត​លឿន ​ព្រោះ​ពួក​គេ​​ដឹង​ពី​ខ្លួន​ឯង​ច្បាស់​បំផុត។ ៦) ត្រូវ​ចេះ​រៀប​ចំ​អ្វី​ដែល​សំខាន់​សម្រាប់​អ្នក​៖ អ្វី​ដែល​សំខាន់​អ្នក​ត្រូវ​គិត​និង​ចាប់​ផ្ដើម​ធ្វើ​វា​អោយ​បាន​មុន​គេ។ អ្នក​ត្រូវ​ចេះ​លៃ​​លក​​ធ្វើ​​យ៉ាង​ណា​បំពេញ​ការងារ​ដែល​សំខាន់​អោយ​បាន​មុន​​ដោយ​មិន​​ត្រូវ​អោយ​ខាត​បង់​ពេលវេលា ​កម្លាំង​ និង​ថវិកា​។ ៧) ចំណាយ​ពេល​វេលា​អោយ​មាន​ប្រយោជន៍​ច្រើន៖​ ៩៨​ភាគរយ​នៃ​ប្រជាជន​ទូទៅ​ក្នុង​សកល​លោក​នេះ​ចំណាយ​ពេល​វេលា​ចុង​សប្ដាហ៍​និង​ថ្ងៃ​សម្រាក​សម្រាប់​ដើរ​កម្សាន្ត។ តែ​​ដើម្បី​ក្លាយ​ជា​សេដ្ឋី​អ្នក​ត្រូវ​ហ៊ាន​​លះបង់​​ការ​ពេល​ខ្លះ​​សម្រាប់​ធ្វើ​អ្វី​ដែល​មាន​ប្រយោជន៍។ ៨) ត្រូវ​ចេះ​គិត​ពី​អ្នក​ដទៃ៖ សេដ្ឋី​ជា​ច្រើន​តែង​ធ្វើ​កិច្ចការ​ដោយ​មិន​គិត​ពី​លុយ ព្រោះ​បើ​ពួក​គេ​គិត​ពី​លុយ​ម្ល៉ោះ ​ពួក​គេ​នឹង​ឈប់​ធ្វើ​ការ​ហើយ​ដេក​ចាយ​លុយ​ដែល​ពួក​គេ​នៅ​សល់​បាត់​ទៅ​ហើយ។​ តែ​នេះ​ដោយ​សារ​តែ​​ពួក​គេ​តែង​គិត​ពី​មនុស្ស​ជុំវិញ​ខ្លួន។ ៩) ធ្វើ​ការងារ​អោយ​កាន់​តែ​ប្រសើរ៖ ប្រសិន​បើ​អ្នក​ចង់​ធ្វើ​អោយ​ពិភពលោក​នេះ​កាន់​តែ​ប្រសើរ​អ្នក​ត្រូវ​ ទទួល​យក​ចំណេះ​ដឹង​អោយ​បាន​ច្រើន ​ហើយ​ព្យាយាម​អភិវឌ្ឍ​ខ្លួន​ឯង​អោយ​កាន់​តែ​ប្រសើរ​ឡើង។ ១០) ត្រូវ​ទទួល​យក​មតិ​ពី​អ្នក​ដទៃ៖ ការ​ទទួល​យក​មតិ​អ្នក​​ដទៃ​ នឹង​​ជួយ​អោយ​អ្នក​កាន់​តែ​រីក​ចម្រើន​ក្នុង​ការ​ធ្វើ​អ្វី​មួយ៕ ប្រែ​សម្រួល៖ ព្រំ សុវណ្ណកណ្ណិកា ប្រភព៖www.entrepreneur.com