កំហុស៥យ៉ាងដែលមិនគួរធ្វើ ពេលអ្នករកស៊ីតាមប្រព័ន្ធអនឡាញ ជៀសវាងបរាជ័យដោយមិនដឹងខ្លួន
វាអាចត្រូវការដើមទុនច្រើនក្នុងការចាប់ផ្ដើមរកស៊ីជាលក្ខណៈក្រុមហ៊ុន ហេតុនេះទើបការរកស៊ីតាមប្រព័ន្ធអនឡ៉ាញកាន់តែមានការពេញនិយម។ ទន្ទឹមនឹងការពេញនិយមនោះក៏មានខ្លះទៅជោគជ័យហើយខ្លះទៀតក៏បរាជ័យ។ នេះជាកំហុសដែលអ្នកគួរជៀសវាង៖
១) គ្មានផែនការក្នុងការយកឈ្នះអ្នកដទៃ៖ ប្រសិនបើអ្នកគិតថាការរកស៊ីគឺគ្មានការចង់ឈ្នះចង់ចាញ់អ្នកនឹងទទួលបរាជ័យ។ តើអ្នកអាចយកឈ្នះដៃគូរបស់អ្នកទេប្រសិនបើអ្នកគ្មានមហិច្ឆតា ក្នុងការប្រកួតប្រជែងផងនោះ។
២) មិនគិតពីថវិកាដែលអ្នកមាន៖ តើអ្នកអាចដំណើរការការរកស៊ីដោយមិនបានគិតគូរពីថវិកាដែលអ្នកកំពុងមានបានទេ? អ្នកត្រូវមានផែនការច្បាស់លាស់ពីវា ហើយធ្វើយ៉ាងណាសម្រេចអ្វីៗអោយបានជោគជ័យមុននឹងថវិកាត្រូវបានអស់។
៣) ការដាក់តម្លៃលក់ទាបពេក៖ នៅពេលអ្នកដាក់លក់ផលិតផលឬផ្ដល់សេវាកម្មអ្វីមួយ អ្នកត្រូវ ដាក់លក់ដោយតម្លៃមួយសមរម្យ ហើយអ្នកក៏ស្ម័គ្រចិត្តនឹងទទួលប្រាក់ចំណេញនោះផងដែរ។
៤) ការមិនយកចិត្តទុកដាក់ចំពោះអតិថិជន៖ ការរកស៊ីតាមប្រព័ន្ធអនឡ៉ាញគឺអាចងាយបាត់បង់ភ្ញៀវណាស់។ អ្នកត្រូវចេះរក្សាទំនាក់ទំនងរវាងអ្នកនឹងអតិថិជន តាមរយៈ ការផ្ញើសារអេឡិចត្រូនិក ឬ ការទាក់ទងតាមទូរស័ព្ទក៏បាន។
៥) ការគិតថាជោគជ័យទីមួយក៏អាចធ្វើអោយមានការជោគជ័យទីពីរ៖ ការគិតបែបនេះគឺខុសទាំងស្រុង។ អ្នកមិនអាចមានអំនួតដោយសារតែការជោគជ័យលើកទីមួយរបស់អ្នកនោះទេ។ ពេលខ្លះអ្វីដែលអាចអោយអ្នកជោគជ័យនោះ ក៏មិនអាចធ្វើអោយកិច្ចការទីពីរដើរបានស្រួលដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ www.entrepreneur.com
