សាកល្បងចំណុចទាំង៣នេះ ដើម្បីកែលម្អបញ្ហាហិរញ្ញវត្ថុរបស់អ្នក
ការផ្លាស់ប្ដូរផ្នត់គំនិតរបស់អ្នកគឺជាជំហានដំបូងដើម្បីឈានទៅរកការផ្លាស់ប្ដូរជីវិត។ ជាការពិតណាស់ ទ្រព្យសម្បត្តិដែលយើងបានមកនេះគឺវាមិនសំខាន់ទៅលើចំនួនទឹកប្រាក់ដែលយើងរកបានប៉ុន្មានទេតែសំខាន់នោះគឺពេលដែលយើងបានលុយទាំងនោះហើយតើយើងនឹងយកវាទៅធ្វើអ្វីនិងដោយរបៀបណា។ នេះជាចំណុចទាំង៣ដែលអ្នកគប្បីពិចារណា៖
១) ប្រាក់ដុល្លារគ្រាន់តែជាគ្រាប់អុក៖ លុយវាគឺជាវត្ថុមួយដែលយើងអាចបញ្ជាវាអោយទៅកន្លែងផ្សេងគ្នាឬក៏នៅជាមួយគ្នាទៅតាមការសម្រេចចិត្តរបស់បុគ្គលម្នាក់ៗ។ ប្រើប្រាស់ចំនួនទឹកលុយដែលអ្នកមានសម្រាប់ការបណ្ដាក់ទុននិងសន្សំសំចៃក៏បាន។ ដូច្នេះហើយ ត្រូវចេះប្រើប្រាស់លុយដែលអ្នកមាន ដើម្បីជាធ្នាក់ស្វែងរកដុល្លារបន្ថែមទៀតទើបជាការល្អ។
២) ខ្ជះខ្ជាយលុយបន្តិចបន្តួចក៏ជាបញ្ហា៖ ពេលខ្លះអ្នកតែងតែគិតថាទឹកប្រាក់មួយចំនួនតូច ទោះបីចាយខ្ជះខ្ជាយបន្តិចក៏វាគ្មានបញ្ហានោះ តែអ្នកអាចនឹងយល់ច្រឡំក៏ថាបាន។ អ្នកនឹងមិនអាចសម្រេចបំណង ឬ ឆន្ទៈក្នុងការសន្សំប្រាក់បានទេប្រសិនបើអ្នកតែងតែចាយវាយខ្ជះខ្ជាយមិនថាលុយនោះតិចឫច្រើន។
៣) កុំចំណាយពេលទាំងអស់ ដើម្បីតែលុយខ្លាំងពេក៖ មនុស្សមួយចំនួន គិតថា លុយសំខាន់ខ្លាំងណាស់ រហូតហ៊ានលះបង់គ្រប់យ៉ាងដើម្បីបានលុយ។ ថ្វីបើលុយវាសំខាន់ក៏ពិតមែនដែលបដិសេធមិនបានក្ដី ប៉ុន្តែវាមានព្រំដែន។
ក្នុងន័យនេះ អ្នកត្រូវចាំថា លុយជាផ្នែកមួយដែលនាំអ្នកទៅរកសុភមង្គល ប៉ុន្តែលុយមិនមែនជាសុភមង្គលនោះទេ ហើយបើអ្នកគិតថា លុយជាសុភមង្គលនោះ អ្នកនឹងបាត់បង់អ្វីៗគ្រប់យ៉ាងទៅវិញ ជាពិសេសមនុស្សជាទីស្រលាញ់ គ្រួសារដ៏សែនកក់ក្ដៅ និង មិត្តភាពរាប់ឆ្នាំរបស់អ្នក។ ដូច្នេះហើយ អ្នកត្រូវមានពេលសមរម្យដើម្បីខ្លួនឯង ក្នុងការបង្កើនសេចក្ដីសុខជាមួយគ្រួសារ ឬ មិត្តភ័ក្ដិ និង ធ្វើអ្វីល្អសម្រាប់សុខភាព៕
ប្រែសម្រួល៖ ព្រំ សុវណ្ណកណ្ណិកា ប្រភព៖ ziglarvault.com
