TechStartup ៥ ប្រភេទនៅក្នុងប្រទេសថៃកំពុងពេញនិយមនិងមានអ្នកគាំទ្រច្រើន
បច្ចុប្បន្នការសាងធុរកិច្ច Startup វារាងងាយស្រួលបន្តិចដោយគ្រាន់តែមានដើមទុនសមល្មម មានគំនិតប្លែកៗមិនដូចនរណាតែប៉ុណ្ណឹងជាផ្លូវមួយអាចជួយដល់ការចាប់ផ្តើមអាជីវកម្មដែលថ្មីមួយក្នុងទីផ្សារបានហើយ។ ប្រសិនបើអ្នកជាមនុស្សដែលចូលចិត្តតាមដានព័ត៌មានតិចណូឡូជីថ្មីៗជាប្រចាំនោះ វាកាន់តែមានភាពងាយស្រួលដើម្បីឲ្យមនុសុ្សគ្រប់គ្នាបានស្គាល់ពីអាជីវកម្មរបស់អ្នកដោយមិនចាំបាច់ចំណាយលើការផ្សព្វផ្សាយច្រើន។
ប្រជាជនថៃបច្ចុប្បន្នមានការពេញនិយមលើការប្រើប្រាស់ app ជាខ្លាំងក្នុងជីវភាពរស់នៅប្រចាំថ្ងៃ។ ក្រលែកទៅមើលគំនិតធុរកិច្ចល្អដែលប្រើបច្ចេកវិទ្យាតិចណូឡូជីថ្មីៗ អ្នកប្រាកដជាស្គាល់ Grab ឬក៏ Uber ដែលជា app មួយហៅម៉ូតូ ឬតាក់ស៊ីដែលកំពុងពេញនិយមបំផុតសម្រាប់មនុស្សទូទៅសម័យនេះ ព្រោះអ្នកបង្កើតគាត់បានចាប់យកសេចក្តីត្រូវការរបស់អ្នកប្រើប្រាស់បានដែលមិនទាន់មាននរណាម្នាក់ដឹង។ ពិតណាស់ដែលថាអ្នកមកមុនមានឱកាសមុន ទទួលបានមុន កែប្រែអ្វីមួយឲ្យទៅជាប្រយោជន៍ដូចជាការទាញយកប្រយោជន៍ពីតិចណូឡូជីរបស់ smart phone មួយនេះ។
ហើយពេលនេះគេក៏សង្កេតមើលថាមានការបង្កើត app ថ្មីៗជាច្រើនទៀតដែលបង្កជាលក្ខណៈងាយស្រួលដល់អ្នកប្រើប្រាស់ ចង់ដឹងថាមានអ្វីខ្លះសូមបន្តការអាននៅខាងក្រោម៖
១) Viabus ជា app សម្រាប់ប្រាប់ពីពេលវេលារថយន្តក្រុង Viabus
ជាធុរកិច្ចមួយដែលរៀបចំសម្រាប់តម្រូវការអ្នកប្រើប្រាស់រថយន្តក្រុង ព្រោះនៅទីក្រុងបាងកកមានអ្នកដំណើរតាមរថយន្តក្រុងរាប់លាននាក់ក្នុងមួយថ្ងៃៗ។ ដោយឃើញថាមានមនុស្សមួយចំនួនត្រូវឈរចាំរថយន្តដល់ទៅមួយម៉ោងក៏មានព្រោះមិនដឹងថាខ្សែដែលគាត់ត្រូវដំណើរមកដល់ម៉ោងប៉ុន្មាន វាធ្វើឲ្យខាតពេលវេលាច្រើនណាស់ ពិសេសបើអ្នកមានធុរៈបន្ទាន់គាត់ត្រូវចំណាយប្រាក់ដើម្បីជិះតាក់ស៊ី។ បញ្ហានេះហើយដែលជម្រុញឲ្យគណៈវិស្វករនៃមហាវិទ្យាល័យចុឡាឡុងកន (คณะวิศวกรรมศาสตร์ มหาวิทยาลัยจุฬาลงกรณ์) គិតនិងបង្កើត app មួយនេះឡើងដើម្បីផ្តល់ភាពងាយស្រួលដល់អ្នករស់នៅក្រុងបាងកក។ ទោះជា Viabus មិនអាចបញ្ជាក់ពីម៉ោងមកដល់នៃរថយន្តក្រុងបានជាក់លាក់ ១០០% ក៏ដោយក៏វាបានផ្តល់ភាពងាយស្រួលមួយភាគធំ។
២) Fixzy ជា app មួយដែលផ្ដល់សេវាកម្មជួសជុលគ្រប់យ៉ាង Fixzy
ជាធុរកិច្ចដែលជួយស្វែងរកការជួសជុលដំបូងបន្ទាប់មានដូចជា ការជួសជុលប្រព័ន្ធទឹក ប្រព័ន្ធភ្លើង គ្រឿងអេឡិចត្រូនិច ឬអ្វីៗផ្សេងទៀតដែល Fixzy អាចស្វែងរកជួយលោកអ្នកបាន។ ជាមួយនឹងការបញ្ជាក់ពីស្តង់ដារសេវាកម្មចំនួន ៤ រួមមានដូចជា៖
ក) Fixzy Recommended ផ្នែកដែលធ្វើការបង្ហាញពីប្រវត្តិការងារល្អៗរបស់ជាងជួសជុល។
ខ) ID Card Verified ជាឯកសារសំគាល់ខ្លួនដែលឲ្យអតិថិជនត្រួតពិនិត្យសព្វគ្រប់ដើម្បីឲ្យមានការទុកចិត្ត កក់ក្តៅក្នុងចិត្តក្នុងការប្រើប្រាស់សេវាកម្មរបស់ក្រុមហ៊ុន។
គ) Police Verified ជាការបញ្ជាក់នូវប្រវត្តិឧក្រិដ្ឋកម្មទៅប៉ូលិស
ឃ) Home Care Insurance ជាការធានានូវទ្រព្យសម្បត្តិដែលខូចខាតបណ្តាលមកពីសេវាកម្មរបស់ក្រុមហ៊ុន។ អតិថិជនអាចទទួលបានសេវាកម្មពី ក្រុមហ៊ុនយ៉ាងងាយស្រួលដោយគ្រាន់តែចូលទៅ ដោនឡូត app និងចុះឈ្មោះក្នុងប្រព័ន្ធតាមការណែនាំជាការស្រេច។
៣) Take Me Tour នរណាក៏ត្រូវការមគ្គុទេសក៍ទេសចរណ៍ដែរ Take Me Tour ជាអាជីវកម្មមួយដែលជួយល់អ្នកធ្វើដំណើរកំសាន្តឲ្យទទួលបានបទពិសោធន៍វប្បធម៌ក្នុងតំបន់តាមកន្លែងនីមួយៗ បានយ៉ាងជ្រាលជ្រៅបំផុត និងផ្តល់ឱកាសឲ្យអ្នកនៅក្នុងស្រុកក្នុងតំបន់ដែលមិនមែនជាមគ្គុទេសក៍អាជីពអាចនាំអ្នកដំណើរទៅកំសាន្តកន្លែងស្អាតៗក្នុងតំបន់ និងទទួលបានកម្រៃបន្តិចប្តួចដែលជាសមានចិត្តរបស់អ្នកដំណើរ ក៏ដូចជាការហាត់រៀនពីភាសាបានទៀតផង។ វាជាធុរកិច្ចមួយដែលកំពុងមានការពេញនិយមជាខ្លាំងនិងផ្តល់ជាប្រយោជន៍ដល់សង្គមបានច្រើន។
៤) FlowAccount ជាការធ្វើរៀបចំបញ្ជីងាយៗត្រឹមតែប៉ុន្មាន click FlowAccount ជាប្រភេទធុរកិច្ចជយចាត់ចែងបញ្ជីស្នាមតាមអនឡាញសម្រាប់ Startup ដែលទើបនឹងចាប់ដំណើរការក៏កំពុងពេញនិយមណាស់ដែរបច្ចុប្បន្នអាចថាជាប់លំដាប់លេខ ១ តែម្តង។ គ្រាន់តែចុះឈ្មោះលើគេហទំព័រ ក្រុមហ៊ុននឹងរៀបចំប្រព័ន្ធបញ្ជីសមស្របមួយតាមសណ្ឋាននៃធុរិកិច្ចរបស់អតិថិជន ។ កម្មវិធីនេះមានមុខងារឲ្យអតិថិជនរើសបានចំនួន ៥ មានដូចខាងក្រោម៖ ក) ប្រព័ន្ធដែលជួយក្នុងការបើកវិក័យបត្រដែលមានរបៀបដែលបានគ្រប់គ្រងរួច ខ) ប្រព័ន្ធគ្រប់គ្រងលើចំណូលចំណាយរបស់ក្រុមហ៊ុនភ្ជាប់ទៅដោយរូបភាពអាចងាយស្រួលយល់ គ) ប្រព័ន្ធរបាយការណ៍ប្រាក់ចំនេញ ឬខាតក្នុងក្រុមហ៊ុន ឃ) ទម្រង់សម្រាប់ពន្ធកាត់ទុក ង) ប្រព័ន្ធ online stock
៥) WishBeer បង្ហាញពីប្រភពស្រាបៀរទូទាំងពិភពលោក WishBeer ជាធុរកិច្ចដែលដំណើរការក្រោមនិយមន័យមួយ ‘We strive to make your beer wishes come true!’ ដែលមានន័យជាភាសាថៃថា ‘เราตั้งใจทำให้ความฝันเรื่องเบียร์ของคุณเป็นความจริง’ យើងតាំងចិត្តធ្វើឲ្យក្តីសុបិនរឿងស្រាបៀររបស់អ្នកក្លាយជាការពិត។ តែនៅក្នុងគេហទំព័រមិនត្រឹមតែមានលក់បៀរប៉ុណ្ណោះទេ វាមានបន្ថែមនូវ cider ស្រា វីស្គី និងល្បីៗដទៃជាច្រើនទៀតពីគ្រប់កន្លែងទូទាំងពិភពលោក។ វាផ្តល់ជាជម្រើសច្រើនដល់អតិថិជនហើយមានភាពងាយស្រួលក្នុងការទូទាត់ច្រើនជម្រើសដូចគ្នាដូចជា ប្រាក់សុទ្ធ ក្រេឌីតកាត និងភ្នាក់ងារផ្សេងៗទៀត។
ដោយ៖ យ៉ាយ៉ា
