ឱកាសល្អ! សិង្ហបុរីកំពុងសម្លឹងឃើញកម្ពុជាជាទីផ្សារមានសក្ដានុពល
ក្រុមហ៊ុនជាច្រើនរបស់ប្រទេសសិង្ហបុរី បានកំពុងសម្លឹងមើលទីផ្សារប្រទេសកម្ពុជាមិនដាក់ភ្នែក។ លោក Yeoh Choon Jin អនុប្រធានក្រុមហ៊ុនអាស៊ីអាគ្នេយ៍ប្រចាំតំបន់អាស៊ីអាគ្នេយ៍ (Cambodia) បានកំណត់ពីវិស័យនានាដែលរំពឹងថានឹងមានការរីកចម្រើននៅក្នុងប្រទេសកម្ពុជា និងធ្វើឱ្យហេតុផលថាហេតុអ្វីបានជាក្រុមហ៊ុនសិង្ហបុរីគួរតែពិចារណាលើទីផ្សារដែលកំពុងរីកលូតលាស់នេះ។
១) តើមានការវិវត្តថ្មីៗអ្វីខ្លះសម្រាប់កម្ពុជានាពេលបច្ចុប្បន្ន?
តាមរបាយការណ៍របស់ធនាគារពិភពលោក កម្ពុជាជាប្រទេសមានចំណូលមធ្យមកម្រិតទាបគិតត្រឹមក្នុងឆ្នាំ ២០១៥។ ដោយសារមានកំណើនវិស័យទេសចរណ៍ និងវិស័យកាត់ដេរបានជំរុញឲ្យកម្ពុជាមានកំនើនសេដ្ឋកិច្ចក្នុងរង្វង់ ៧.៧% ចន្លោះពីឆ្នាំ ១៩៩៥ ដល់ ២០១៨ ដែលជាកត្តាមួយជំរុញឲ្យកម្ពុជាស្ថិតក្នុងចំណោមប្រទេសដែលមានការរីកចម្រើនសេដ្ឋកិច្ចឆាប់រហ័សលំដាប់ទី ៦ ក្នុងពិភពលោក។ ភាពក្រីក្រក្នុងប្រទេសមានការថយចុះមកនៅត្រឹម ១៣.៥% ក្នុងឆ្នាំ ២០១៤ បើធៀបទៅនឹងឆ្នាំ ២០០៧ មានប្រមាណ ៤៧.៨%។ ដោយហេតុនេះកម្ពុជាមានមហិច្ឆតាធ្វើឲ្យខ្លួនក្លាយជាប្រទេសដែលមានចំនូលមធ្យមកម្រិតខ្ពស់នៅឆ្នាំ ២០៣០។
ដើម្បីបង្កើនផលិតភាពការងារឲ្យបានរឹងម៉ាំខ្លាំងក្លាសម្រាប់ការប្រកួតប្រជែង កម្ពុជាបានវិនិយោគលើការបណ្តុះបណ្តាលធនធានមនុស្ស ដើម្បីទទួលបានធនធានដែលមានជំនាញខ្ពស់ និងជាតម្លៃបន្ថែមសម្រាប់ខ្សែសង្វាក់នៃការផ្គត់ផ្គង់ការងាររបស់សេដ្ឋកិច្ចជាតិ។ ចំនុចសំខាន់ដែលចាត់ទុកជាយុទ្ធសាស្រ្តសម្រាប់ទ្រទ្រង់ផែនការទាំងអស់នេះ គឺប្រជាពលពលរដ្ឋវ័យក្មេងជាអ្នកដែលមានកម្លាំងពេញ និងគំនិតអភិវឌ្ឍន៍ថ្មីៗច្រើន។ ស្ទើរពាក់កណ្តាលនៃប្រជាជនសរុបមានអាយុក្រោម ៣០ឆ្នាំ ដែលជាវ័យមួយឆាប់ទទួលបានការរៀនសូត្រ តាមទាន់ការវិវដ្ដនៃសង្គម និងអាចឈានជើងចូលទៅក្នុងទីផ្សារអន្តរជាតិបានដោយងាយស្រួល។
ដើម្បីឆ្លើយតបនឹងការរួមបញ្ចូលសេដ្ឋកិច្ចតំបន់អាស៊ាន AEC កម្ពុជាបានត្រៀមសម្រាប់ដំណើរសេដ្ឋកិច្ចខ្លួនដូចជា៖
ក) ជំរុញការវិនិយោគតាមរយៈការលើកទឹកចិត្តបន្ថែមនិងការអភិវឌ្ឍតំបន់សេដ្ឋកិច្ចពិសេស
ខ) ធ្វើទំនើបកម្មសហគ្រាសខ្នាតតូចនិងមធ្យមដោយផ្តល់នូវលទ្ធភាពទទួលបានបច្ចេកវិទ្យានិងការលើកទឹកចិត្ត
គ) កែលម្អបរិស្ថាននៃបទប្បញ្ញត្តិនានាតាមរយៈការជួយសម្រួលដល់វិធានការលើកកម្ពស់ពាណិជ្ជកម្ម និងការនាំចេញបន្ថែមលើគោលនយោបាយគាំទ្រផ្សេងៗទៀត។
២) អ្វីទៅដែលជាឱកាសវិនិយោគធំ ហេតុអ្វីសិង្ហបុរីកំពុងពិចារណាទីផ្សារកម្ពុជា?
កម្ពុជាកំពុងធ្វើនគររូបនីយកកម្មយ៉ាងសកម្ម ដែលជាហេតុនាំឲ្យមានការផ្តល់ឱកាសសម្រាប់ក្រុមហ៊ុន និងសហគ្រាសនានាមកវិនិយោគក៏ដូចជាមានកំណែទម្រង់នានាជាច្រើនទៀត។
ក) ថាមពលអគ្គិសនី
៥០% នៃថាមពលអគ្គិសនីប្រើប្រាស់បច្ចុប្បន្នបានមកពីថាមពលវារីអគ្គិសនី ដែលវានាំឲ្យកម្ពុជានៅតែបញ្ហាដាច់ចរន្តអគ្គិសនីក្នុងរដូវប្រាំង។ ទំនប់វារីអគ្គិសនីទាំង 7 របស់ប្រទេសមិនអាចផលិតថាមពលបានគ្រប់គ្រាន់ដោយសារតែខ្វះទឹកភ្លៀង ជាហេតុតម្រូវឲ្យមានការទិញអគ្គិសនីពីបណ្តាប្រទេសជិតខាងដូចជា វៀតណាម ថៃ និងឡាវ។
|
ខ) ដំណោះស្រាយក្នុងទីក្រុង
នៅពេលដែលប្រទេសនេះមានការរីកចម្រើន រដ្ឋាភិបាលកំពុងផ្តោតទៅលើការកាត់បន្ថយកាកសំណល់ប្លាស្ទិក ការប្រមូលនិងការចោលកាកសំណល់និងការគ្រប់គ្រងទឹកកខ្វក់នៅតាមទីក្រុង។ ក្រសួងបរិស្ថាននឹងធ្វើការសាកល្បងគម្រោងបំលែងកាកសំណល់ទៅជាថាមពលនៅក្នុងទីក្រុងដូចជាភ្នំពេញនិងសៀមរាប។ ជាមួយនឹងការរីកចម្រើននៃគម្រោងខ្នាតតូចដែលពាក់ព័ន្ធនឹងការកែច្នៃឡើងវិញ និងការបំផ្លាញកាកសំណល់ឧស្សាហកម្មដូចជាប្រេងឥន្ធនៈជាដើម ដើម្បីរក្សាបរិស្ថាន។
គ) ការតភ្ជាប់
យើងឃើញថា បច្ចុប្បន្នកម្ពុជាកំពុងមានភាពរីកចម្រើនផ្នែកភស្តុភារកម្ម (Logistic) ការដឹកជញ្ជូន ហើយក៏រំំពឹងថាតម្រូវការកាន់តែកើនឡើងថែមទៀត។ នាពេលថ្មីៗនេះប្រទេសកម្ពុជាបានបញ្ចប់ការរៀបចំផែនការមេលើការអភិវឌ្ឍភស្តុភារកម្ម (Logistics Master Plan Development) ដែលមានគោលបំណងដោះស្រាយការទាមទាររបស់ប្រទេសសម្រាប់សមត្ថភាពផ្នែកភស្តុភារកម្មនេះ។ ផែនការនេះផ្តោតសំខាន់លើច្រកព្រំដែនអន្តរជាតិបីសំខាន់គឺ ក្រុងព្រះសីហនុ ច្រកបាវិត និងប៉ោយប៉ែត ដែលសម្របសម្រួលដល់ការតភ្ជាប់យ៉ាងសំខាន់ និងសកម្មភាពសេដ្ឋកិច្ចពាក់ព័ន្ធនឹងការនាំចេញនាំចូលប្រមាណ ៩០% ក្នុងប្រទេស។
គម្រោងអភិវឌ្ឍន៍កុងតឺន័រថ្មីមួយនៅខេត្តព្រះសីហនុ ដើម្បីបង្កើនជម្រៅរបស់កំពង់ផែ បានអនុញ្ញាតឱ្យនាវាផ្ទុកកុងតឺន័រធុនចូលបាន ចំនួន ៥,០០០ TEUs ទៅកាន់ទីនោះ។
លើសពីនេះកម្ពុជាក៏កំពុងផ្តោតលើការភ្ជាប់ទំនាក់ទំនងផ្នែកឌីជីថល ដើម្បីឆ្ពោះទៅកាន់សេដ្ឋកិច្ចឌីជីថលមួយ ហើយក្នុងនោះអ្នកផ្តល់សេវាបច្ចេកវិទ្យាឌីជីថលក៏នឹងងាយស្រួលស្វែងរកអ្នកប្រើប្រាស់ដូចគ្នា។ អ្វីដែលគួរឲ្យកត់សម្គាល់គឺ ហេដ្ឋារចនាសម្ព័ន្ធឌីជីថលក្នុងប្រទេសកម្ពុជាកំពុងមានការរីកចម្រើន ហើយមានកម្រិតកើនឡើងខ្ពស់ទៀតផង។ រយពេលពីរទសវត្សរ៍កន្លងមកនេះ ចំនួនប្រតិបត្តិករទូរស័ព្ទចល័តមានរីកសាយភាពដល់តំបន់ជនបទ បើគិតជាភាគរយស្មើប្រមាណ ៥៧% ដែលបាននិងកំពុងប្រើប្រាស់តិចណូឡូជីកម្រិត 4G ក្នុងនោះ ១២.៥លាននាក់ ជាអ្នកប្រើប្រាស់អ៊ីនធឺណេត (២០១៨) គិតជាមធ្យមមានការកើនឡើង ១៥.៧% ក្នុងមួយឆ្នាំ។ ជាក់ស្តែងកម្មវិធី Digital Cambodia ២០១៩ បានរៀបចំឡើងដើម្បីឲ្យអាជីវកម្មនិងឯកជនបានស្វែងយល់ពីការប្រើប្រាស់បច្ចេកវិទ្យា និងដំណោះស្រាយលើបញ្ហាឌីជីថល។ កម្មវិធីនេះបានជំរុញទឹកចិត្តឲ្យអាជីវកម្មពិសេស ជំរុញដល់ការបង្កើត Tech-Startup និងធ្វើយ៉ាងណាឲ្យអាជីវកម្មទាំងអស់ប្រើប្រាស់ការគ្រប់គ្រងអាជីវកម្មដោយប្រព័ន្ធឌីជីថល ការប្រើប្រាស់ប្រព័ន្ធទូទាត់អេឡិចត្រូនិក ភ្ជាប់ជាមួយផ្លេតហ្វមនៃបណ្តាញសង្គមនានា។
គណៈកម្មការមូលបត្រកម្ពុជាបានធ្វើការអភិវឌ្ឍបទបញ្ញាត្តិ ដើម្បីជួយសម្រួលដល់ការឈានជើងចូលទៅក្នុងទីផ្សារតិចណូឡូជីរបស់អាជីវកម្ម។ នេះមានន័យថាវាជាឱកាសមួយដើម្បីដោះស្រាយបញ្ហា Fintech សម្រាប់ការផ្សព្វផ្សាយពាណិជ្ជកម្ម ទីផ្សារឌីជីថល និងការអភិវឌ្ឍសេវាកម្មផ្សេងៗទៀត។ បច្ចុប្បន្ន ប្រជាជនសរុបប្រមាណ ៨០% មិនទាន់ប្រើប្រាស់ការទូទាត់តាមអេឡិចត្រូនិចឲ្យមានប្រសិទ្ធិភាពនៅឡើយទេ ដែលនៅតែជាបញ្ហាចោទមួយរបស់ធនាគារ ឬស្ថាប័នហិរញ្ញវត្ថុ។
៣) អ្វីទៅដែលជាការប្រកួតប្រែងធំបំផុតដែលអាជីវកម្មនឹងត្រូវប្រឈមមុខ ហើយពួកគេនឹងអាចយកឈ្នះបានដោយវិធីណា?
ផ្សងព្រេងចូលមក្នុងទីផ្សារកម្ពុជា វាមិនខុសពីបណ្តាប្រទេសនានាទេជាចពិសេសទីផ្សារដែលនឹងមានការផ្ទុះឡើងខ្លាំង ដូច្នេះក្រុមហ៊ុនត្រូវប្រុងជើងព្រួលជានិច្ចចំពោះភាពមិនប្រាកដប្រជានេះ។ កម្ពុជាកំពុងឈរលើឆាកនៃការអភិវឌ្ឍដ៏ថ្មីសន្លាងមួយ និងបន្តពង្រឹងគុណភាពទិន្នន័យ បញ្ហាច្បាប់និងការអនុវត្ត។ ប្រទេសដែលជាទីផ្សារថ្មីថ្មោងបែបនេះមានការប្រកួតប្រជែងខ្ពស់ ដែលក្រុមហ៊ុនសិង្ហបុរីគួរសម្របខ្លួនតាមទីផ្សារមួយនេះ ក៏ដូចជាមានកិច្ចសហប្រតិបត្តិការដ៏ល្អជាមួយអ្នកនៅក្នុងតំបន់ដើម្បីភាពរីកចម្រើនទាំងអស់គ្នា៕
ដោយ៖ យ៉ាយ៉ា
