កម្រងគំនិតសំខាន់ៗ ដែលអ្នកគួររៀនសូត្រពី សូក្រាត (Socrates) អ្នកប្រាជ្ញរបស់ក្រិក
១) «មនុស្សគ្មានតម្លៃ រស់នៅគ្រាន់តែដើម្បីស៊ី ចំណែកមនុស្សដែលមានតម្លៃវិញ ស៊ីដើម្បីរស់»។
២) «ធម្មជាតិផ្ដល់ឲ្យយើង ត្រចៀកពីរ ភ្នែកពីរ ប៉ុន្តែអណ្ដាតតែមួយទេ ដូច្នេះយើងគួរតែស្ដាប់ និង មើលច្រើនជាងនិយាយ»។
៣) «កុំធ្វើរឿងណាមួយដាក់អ្នកដទៃ ប្រសិនបើអ្នកមិនចង់ឲ្យអ្នកដទៃធ្វើរឿងបែបហ្នឹងដាក់អ្នកវិញ»។
៤) «ខ្ញុំមិនមែនជាប្រជាជនអាតែន ឬ ក្រិកនោះទេ ប៉ុន្តែខ្ញុំជាប្រជាជនរបស់ពិភពលោក»។
៥) «មនុស្សដែលមានបំផុត គឺជាមនុស្សដែលអាចរីករាយជាមួយរបស់បន្តិចបន្តួច»។
៦) «គុណធម៌មិនមែនកើតចេញពីទ្រព្យសម្បត្តិនោះទេ ប៉ុន្តែទ្រព្យសម្បត្តិ និង រឿងល្អៗជាច្រើនទៀត គឺសុទ្ធតែកើតចេញពីគុណធម៌»។
