អនុវត្ត​ជំហាន​​ងាយ​ៗ​ទាំង​នេះ នោះ​អាយុ​របស់​អ្នក​នឹង​កាន់​តែ​វែង​



ការចង់ឲមានអាយុវែង សុខភាពល្អប្រហែលនិយាយស្រួលជាងធ្វើ។ មិនថាអ្នកជាអ្នកមានឬអ្នកក្រ សុខភាពគឺសំខាន់ខ្លាំងណាស់។ មិនថាអ្នកមានអាយុប៉ុន្មាន អ្នកជាអ្នកគ្រប់គ្រងសុខភាពរបស់អ្នក។ ខាងក្រោមនេះជាគន្លឹះដែលផ្ដល់ដោយសុខភាពពិភពលោក ហៅកាត់ថា WHO៖ ១) មានទម្លាប់ទទួលទានអាហារសុខភាព៖ តើអ្នកអាចគ្រប់គ្រងសុខភាពឬរបបអាហារដល់កម្រិតណា? គន្លឹះគឺអ្នកគួរតែទទួលទានសូដ្យូមនិងស្ករក្នុងកម្រិតមធ្យម។ World Health Organization បានណែនាំឲពិសារបន្លែ ផ្លែឈើ និងកាន់បន្ថយអាហារដែលមានជាតិខ្លាញ់។ ២) ការទំនាក់ទំនងសង្គមល្អ៖ ការមានទំនាក់ទំនងសង្គមក៏ជាគន្លឹះមួយដែលអ្នកអាចពន្យារអាយុជីវិតរបស់អ្នកដែរ។ ការមានមិត្តភាពអាចជួយកាត់បន្ថយស្រ្តេស។ ៣) ហាត់ប្រាណ៖ វាច្បាស់ណាស់ថាមនុស្សម្នាក់ត្រូវការហាត់ប្រាណដើម្បីមានសុខភាពល្អ។ តាមការស្រាវជ្រាវប្រសិនជាអ្នកហាត់ប្រាណ២ម៉ោងក្នុងមួយថ្ងៃ អ្នកអាចនឹងពន្យាអាយុជីវិតរបស់អ្នកដល់ទៅ៤ឆ្នាំ។ ៤) គេងឲបានគ្រប់គ្រាន់៖ អ្នកប្រហែលជាមានកិច្ចការត្រូវធ្វើច្រើន។ ប្រសិនអ្នកជាឪពុកម្តាយ អ្នកប្រហែលជាត្រូវមើលកូនទៀតផង។ តែ តើអ្នកពន្យារអាយុនិងមានអាយុវែងម៉េចនឹងកើតប្រសិនជាកាលវិភាគរបស់អ្នករវល់ដល់ថ្នាក់នេះ? ការគេងបានគ្រប់គ្រាន់ជួយកាត់ស្រ្តេស និងការពារអ្នកពីការមានជំងឺផ្សេងៗ៕ ប្រែសម្រួល៖ អឹុង មុយយូ ប្រភព៖ www.lifehack.org 
X
5s