នៅកន្លែងការងារ ពួកយើងសុទ្ធតែទទួលបាននូវមតិរិះគន់ទៅលើការងារដែលយើងធ្វើ មាន​មតិខ្លះគឺវិជ្ជមាន តែមតិខ្លះក៏អវិជ្ជមានដែរ ខណៈដែល​មាន​មតិរិះគន់ខ្លះ គឺពិបាកនឹងទទួលយកតែ​ម្តង ប៉ុន្តែអ្វី​ដែល​អ្នក​ត្រូវ​ដឹង​នៅ​ជំហានបន្ទាប់គឺអភិវឌ្ឍន៍ខ្លួនឯង។ សំនួរសួរថា តើអ្នកចង់រៀនឬកែប្រែដែរឬទេ?

ខាង​ក្រោម​នេះជា​រឿង​រ៉ាវ ៤ យ៉ាង​ដែល​អ្នក​គួរធ្វើនៅពេល​មាន​ការ​រិះ​គន់​បែប​អវិជ្ជមាន​មកកាន់អ្នក​នៅកន្លែងការងារ​៖

១) ទទួលយកមតិរិះគន់

មតិរិះគន់គឺជាជំហានមួយសម្រាប់ការរីកចម្រើន។ ប៉ុន្តែ ពេលអ្នកស្តាប់ឮដំបូង អ្នកប្រហែលជាមានការភ្ញាក់ផ្អើល។ អ្នកក៏ប្រហែលជាគិតថា អ្នកគ្មានអ្វីត្រូវការកែប្រែទៀតទេ។ ប៉ុន្តែ អ្នកគួរតែទទួលយកមតិរិះគន់ដោយបើកចិត្តឲទូលាយ។

២) កុំប្រឆាំងនឹងការពិត

រាល់ពេលអ្នកទទួលបានមតិរិះគន់ អ្នកតែងតែប្រឆាំងនឹងការពិតនិងព្យាយាមបង្កើតលេសសម្រាប់ខ្លួនឯង។ ការមិនទទួលយកមតិរិះគន់មានតែខ្ជះខ្ជាយពេលវេលាប៉ុណ្ណោះ។ កែប្រែ រៀនពីកំហុសនិងផលិតលទ្ធផលឲល្អ។

៣) ផ្តោតសំខាន់លើខ្លួនឯង

ក្នុងជីវិត យើងមានផ្លូវបី៖ ផ្លូវរបស់យើង ផ្លូវរបស់អ្នកដទៃ និងផ្លូវការពិត។ ប្រសិនជាអ្នកផ្តោតទៅលើអ្នកដទៃ នោះមានការអ្នកត្រូវការពេលវេលាកាន់តែច្រើនដើម្បីអភិវឌ្ឍន៍ខ្លួនឯង។ អ្នកគួរតែផ្តោតទៅលើអ្វីដែលអ្នកអាចធ្វើការកែប្រែ។

៤) ចង់រៀន

អ្នកគួរតែទទួលយកការពិតនិងរៀនពីមតិរិះគន់នោះ។ អ្នកអាចកែប្រែពីជនរងគ្រោះទៅជាមនុស្សដែលអាចបង្កើតលទ្ធផលល្អៗបាន។ ចាប់ផ្តើមទទួលខុសត្រូវ រៀនពីកំហុស។ រឿងល្អៗនឹងកើតឡើងនាពេលក្រោយជាមិនខាន៕

ប្រែសម្រួល៖ អឹុង មុយយូ

ប្រភព៖ www.success.com