ហេតុផលល្អៗ៤យ៉ាងដែលអ្នកគួរប្រឡូកការងារក្នុង វិស័យបដិសណ្ឋារកិច្ច
តើអ្នកមានដែលឆ្ងល់ទេថា តើការងារផ្នែកបដិសណ្ឋារកិច្ចនេះគឺបែបណា? ដូចនេះហើយ មិនថាអ្នកទើបតែចាប់អារម្មណ៍លើការងារក្នុងវិស័យនេះ ឬក៏ធ្វើវាយូរហើយ ទេ អ្នកគួរដឹងថែមទៀត ថាការងារនេះវាល្អ កម្រិតណា។
១) មានឱកាសទៅធ្វើការបានច្រើនប្រទេស៖ តាមពិតទៅការងារនេះ គឺផ្ដល់ឱកាសឲ្យអ្នកបានទៅសិក្សានៅក្រៅប្រទេសបានច្រើនណាស់។ អ្នកអាចដើរទៅក្រៅ ដើម្បីសិក្សារៀនសូត្រពីរបៀបធ្វើម្ហូប ការរៀបចំទទួល ភ្ញៀវ រៀបចំសណ្ឋាគារ ក៏ដូចជាសេវាកម្មក្នុងការបម្រើភ្ញៀវទេសចរផងដែរ។
២) ម៉ោងការងារតែងតែផ្លាស់ប្ដូរ៖ អ្នកអាចផ្លាស់ប្ដូរម៉ោងធ្វើការរបស់អ្នកបាន ព្រោះថា ការងារផ្នែកបដិសណ្ឋារកិច្ចនេះឯង ទាមទារឲ្យមានការផ្លាស់ប្ដូរវេនការងារ អ្នកអាចធ្វើពេលយប់ ល្ងាច ឬព្រឹក ទៅតាមថៅកែរបស់អ្នកចាត់ចែង។
៣) ជួបមនុស្សបានច្រើន៖ មិនថាអ្នកមានមុខងារជាអ្វីឡើយ អ្នកអាចមានឱកាសជួបមនុស្សបានច្រើន ណាស់ មិនថាបរទេស ឬប្រជាជនក្នុងស្រុកឡើយ។ ក្នុងនោះ អ្នកអាចស្គាល់អ្នកជំនួញធំ ៗ ជាច្រើន ដែលវាជាចំណងមួយជួយផ្សារភ្ជាប់អ្នកឲ្យស្គាល់ពួកគេផងដែរ។
៤) ជាវិស័យមួយកំពុងរីកលូតលាស់ខ្លាំង៖ មិនថាពិភពលោកជួបវិបត្តិសេដ្ឋកិច្ចកម្រិតណាទេ វិស័យនេះគឺជាវិស័យតែមួយ ដែលអាចជួយស្រោចស្រង់សេដ្ឋកិច្ចជាតិកុំឲ្យធ្លាក់ធ្ងន់ធ្ងរបាន។ ដូចនេះ អ្នកមិនចាប់បាច់ព្រួយ រឿងខ្វះ លុយចាយ ទៀតឡើយ បើអ្នកមានជំនាញ ផ្នែកបដិសណ្ឋារកិច្ចនេះនោះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lcca.org.uk
