ការងារទាំង៥ដ៏ស័ក្ដិសមបំផុតសម្រាប់ប្រភេទ «មនុស្សចូលចិត្តនិយាយច្រើន»
តើអ្នកចូលចិត្តនិយាយដែរទេ? តើអ្នកចូលចិត្តនិយាយជាមួយមនុស្សចម្លែក ដែលមិនដែលស្គាល់គ្នាសោះសូម្បី១ដងដែរទេ? នេះជាការងារដែលស័ក្ដិសម សម្រាប់អ្នកបំផុត៖
១) អ្នកបកប្រែភាសា៖ វាជាការងារមួយដ៏ស័ក្ដិសមសម្រាប់អ្នកដែលចូលចិត្តនិយាយច្រើន មិនចេះនៅស្ងៀម ។ ពួកគេអាចជ្រើសរើសការងារជាអ្នកបកប្រែភាសាណាក៏បាន ឲ្យតែគេចេះ ព្រោះថាតម្រូវការស្វែងរកអ្នកបកប្រែគឺមានការកើនឡើងខ្ពស់ ណាស់ ក្នុងប្រទេសកម្ពុជា ជាពិសេសបកប្រែភាសាចិនមកភាសាខ្មែរតែម្ដង។
២) អ្នកលក់ផលិតផល៖ ជាការពិតណាស់ ការងារនេះគឺស័ក្ដិសមសម្រាប់អ្នកពូកែសម្ដី។ ពេលខ្លះផលិតផលល្អខ្លាំងក៏ដោយ តែបើអ្នកលក់មិនសូវចេះនិយាយទេ ការលក់ក៏មិនសូវដាច់ទៅតាមហ្នឹងដែរ។ ហេតុនេះអ្នកពូកែនិយាយ បញ្ចុះបញ្ចូលភ្ញៀវឲ្យទិញ គឺគេពិតជាត្រូវការខ្លាំង។
៣) ពិធីករនិងពិធីការនី៖ អ្នកដែលពូកែនិយាយ គួបផ្សំនឹងការហ្វឹកហាត់និយាយទៀតនោះ ពួកគេអាចមានលទ្ធភាពធ្វើជាពិធី ករតាមទូរទស្សន៍ក៏បាន និងតាម ពិធីផ្សេងៗទៀតក៏បាន។
៤) អ្នកកំប្លែង៖ អ្នកកំប្លែង រូបណាដែលថាមិនសូវចេះនិយាយ? ភាគច្រើនពួកគេនិយាយច្រើនតាំងពីកំណើតតែម្ដង ហើយពួកគេអាចមានលទ្ធភាពធ្វើឲ្យអ្នកជុំវិញខ្លួនសើចសប្បាយបានទៀត។
៥) អ្នកនយោបាយ៖ ភាគច្រើននៃអ្នកនយោបាយ ពួកគេសុទ្ធតែពូកែនិយាយវោហារទាំងអស់។ គេអាចមានលទ្ធភាពធ្វើឲ្យអ្នកស្ដាប់ជឿស្លុង ដោយសារតែទឹកដម ព្រមទាំងពាក្យសម្ដីដែលពួកគេប្រើប្រាស់នោះទៀតផង៕
ប្រែសម្រួល៖ ព្រំ សុវណ្ណកណ្ណិ្កកា
ប្រភព៖ cnbc
