បុគ្គលដែលជោគជ័យផ្នែកជំនួញ តែងមានចំណុចជារួម៣យ៉ាងនេះ
អ្នកតែងតែឆ្ងល់តើពួកអ្នកជោគជ័យកសាងជំនួញដ៏អស្ចារ្យរបស់ពួកគាត់យ៉ាងដូចម្តេចទៅ។ អ្នកព្យាយាមអានសៀវភៅដើម្បីរកគន្លឹះ។ ក៏ប៉ុន្តែ អ្នកនៅតែមិនជោគជ័យ។ កុំអាលអស់សង្ឃឹម។ តាមការពិតទៅ ដើម្បីក្លាយជាអ្នកជំនួញដ៏ជោគជ័យម្នាក់ អ្នកគ្រាន់តែមានជំនាញឬអត្តចរិតខាងក្រោមនេះ ពីព្រោះវាជាអ្វីដែលកំណត់ដល់ភាពជោគជ័យរបស់អ្នក៖
១) ភាពជាអ្នកដឹកនាំ៖ តើអ្នកមានជំនាញជាអ្នកដឹកនាំដ៏ល្អម្នាក់ដែលឬទេ? តើមនុស្សចូលចិត្តភាពជាអ្នកដឹកនាំរបស់អ្នកអត់? តើភាពដឹកនាំរបស់អ្នកជះឥទ្ធិពលដល់អ្នកនៅជុំវិញដែរឬទេ? ក្នុងនាមជាម្ចាស់ក្រុមហ៊ុនឬជាអ្នកដឹងនាំគេ អ្នកចាំបាច់ត្រូវតែមានសមត្ថភាពមួយដែលអាចដឹកនាំអ្នកដទៃនិងក្រុមហ៊ុនឲ្យរីកចម្រើនទៅមុខ។
២) ជំនាញទំនាក់ទំនង ( Communication skills ) ៖ ក្នុងការងារឬធ្វើអ្វីក៏ដោយ អ្នកគួរតែមានសមត្ថភាពមួយដែលអាចបង្ហាញពីគោលបំណងទៅកាន់ កូនក្រុមរបស់អ្នក។ លើសពីនេះទៅទៀត ក្នុងនាមជាអ្នកដឹកនាំអ្នកត្រូវដឹងពីភាពខ្លាំងនិងភាពខ្សោយរបស់បុគ្គលិកនិងជួយដល់ពួកគាត់ ហើយវិធីដែលអាចជួយអ្នកបានគឺតាមរយៈការសន្ទនានេះហើយ។បើមិនចេះនិយាយ បុគ្គលិកអាចនឹងអន់ចិត្តឬខឹងមេទៀតផង។
៣) ហ៊ានប្រថុយ៖ ពាក្យថា«អ្នកជំនួញ»គឺជាអ្នកហ៊ានប្រថុយ ពីព្រោះថាក្នុងជំនួញពោរពេញទៅដោយឧបសគ្គជាច្រើន។ ជំនួញរីកចម្រើនឬអត់គឺអាស្រ័យទៅលើសមត្ថភាពក្នុងការដោះស្រាយឧបសគ្គឬបញ្ហាដែលអ្នកនឹងជួបប្រទះក្នុងផ្លូវជំនួញនេះ។ អ្នកត្រូវតែហ៊ានចំណាយពេលវេលានិងសាច់ប្រាក់ក្នុងការវិនិយោគ ប្រសិនជាអ្នកចង់ឲ្យជំនួញរបស់អ្នករីកធំធាត់ជាងមុន៕
ប្រែសម្រួល៖ អុឹង មុយយូ ប្រភព៖ www.addicted2success.com
