ដើម្បីទទួលបានការគោរពពីអ្នកដទៃ កុំភ្លេចអនុវត្តចំណុចទាំងនេះ
ការរស់នៅដោយមានការគោរព គឺជាការរស់នៅមួយដែលទទួលបានក្ដីគោរពកោតសរសើរពីមនុស្យជុំវិញខ្លួន។ ហើយអ្នកណាទៅដែលមិនចង់បានក្ដីគោរពពីអ្នកដទៃ ? តើអ្នកគួរធ្វើអ្វីខ្លះ ដើម្បីឲ្យគេកាន់តែគោរពអ្នកជាងមុន?
១) រក្សាពាក្យសម្ដីខ្លួន៖ មនុស្សគេយកសម្ដី ហេតុនេះមុននឹងនិយាយអ្វីចេញមក អ្នកត្រូវប្រាកដថា ខ្លួនអាចធ្វើបាន។ មិនមែននិយាយខ្យល់ទេ។ អ្នកដទៃ នឹងកាន់តែគោរពអ្នក ពេលអ្នកនិយាយយ៉ាងម៉េច អ្នកធ្វើអញ្ចឹង ព្រោះថា លើលោកនេះគឺមានមនុស្សមិនច្រើន ទេ ដែលនិយាយម៉ាត់ណាធ្វើម៉ាត់ហ្នឹង នោះ។
២) គោរពអ្នកទាំងនោះឲ្យដូចជាស្ដេច៖ អ្នកត្រូវបង្ហាញ ថា អ្នកគោរពពួកគេ មិនមែនបានតែសម្ដីទេ តែបូករួមទាំងទង្វើអ្នកទៀត។ មនុស្សម្នាក់ អាចមាន គេមកគោរពបាន លុះត្រា អ្នកបង្ហាញការគោរពទៅគេជាមុនសិន។
៣) និយាយសូមទោសពេលអ្នកមានកំហុស៖ មនុស្សណាក៏មានកំហុស តែពេលមានកំហុស អ្នកត្រូវទទួលស្គាល់ ហើយបង្ហាញការសូមទោសទៅកាន់មនុស្សទាំងនោះផង។ អ្នកដទៃ នឹងមកគោរពអ្នកដោយឯកឯង ពេលអ្នកមានកំហុសហើយសូមទោស ដោយមិនចាំបាច់អ្នកណាមកប្រាប់៕
ប្រែសម្រួល៖ ព្រំ សុវណ្ណកណ្ណិកា ប្រភព៖ addicted2success
