កត្តា ៣យ៉ាងនេះ អាចមកសម្លាប់មិត្តភាពស្នេហាអ្នកបន្តិចម្ដងៗបាន!
មនុស្សមួយចំនួនតែងមិន ហ៊ានមាត់កខ្លាំង ឬសម្ដីធ្ងន់ដាក់ដៃគូស្នេហា ក៏ដោយសារមិនចង់មានរឿងប្រកែកគ្នា។ តែពេលខ្លះអ្នកមិនដឹងឡើយ ថាទង្វើអ្នកទាំង២នាក់ អាចមកសម្លាប់ចិត្តស្នេហ៍ ដោយមិនដឹងខ្លួន។ តើមានអ្វីខ្លះទៅ?
១) បណ្ដែតបណ្ដោយគ្នាពេក៖ តើស្នេហាអាចបន្តបានយូរដែរទេ បើមនុស្សម្នាក់ៗតែងតែបណ្ដែតបណ្ដោយឲ្យធ្វើអ្វីតាមតែចិត្តនោះ? វាអាចជាអ្វីដែលអ្នកមិនចាប់អារម្មណ៍ តែកាលដែលបណ្ដែតបណ្ដោយនេះ គឺជាសញ្ញាបង្ហាញថា អ្នកទាំង២មិនសូវជាខ្វល់គ្នាទេ។ ហើយម្យ៉ាងមើលទៅដូចជាមនុស្យមិនដែលស្គាល់តែម្ដង។ ពេលខ្លះដៃគូម្ខាងទៀតអាចនឹងត្រូវអ្នកដទៃ ស្ដីថា ឲ្យផងដែរ ពេលដែលសង្សារខ្លួនបណ្ដែតបណ្ដោយពេក។
២) មនុស្សមានកំហឹង ច្រើន៖ ពេលខ្លះបើអ្នកមិនចេះទប់អារម្មណ៍ ហើយចេះតែបណ្ដោយការខឹងរបស់ខ្លួនឲ្យជះទៅលើអ្នកដទៃ ។ ថ្ងៃណាមួយគេនឹងចាកចេញពីអ្នកដោយឯកឯង មិនបាច់អ្នកណាមកដេញ។ ព្រោះថា ការស្ដីថា ឬការជះកំហឹងរបស់អ្នកនឹងធ្វើឲ្យគេឆ្អែតចិត្តបន្តិចម្ដងៗ ទាល់តែដើរចេញតែម្ដង។
៣) ខ្វះភាពជឿជាក់គ្នា៖ វាជាដំណាក់កាលខ្លាំងក្លាដែរ ព្រោះថា ស្រឡាញ់គ្នាបើ ខ្វះការជឿទុកចិត្ត ហើយ គឺលែងបន្តទៀតបានហើយ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
