បើមានចំណុចទាំងនេះ មានន័យថា អ្នកមាននិស្ស័យក្នុងការដឹកនាំគេ តាំងពីកំណើត
មានមនុស្សជាច្រើនតែងគិតថា មនុស្សដែលមានភាពជាអ្នកដឹកនាំល្អភាគច្រើនពួកគេកើតមកគឺយកមកជាមួយតែម្ដង។ តែក៏មានមតិខ្លះដែល បង្ហាញថា បើចង់ក្លាយជាអ្នកដឹកនាំដ៏ល្អ អ្នកគប្បីហ្វឹកហាត់ វា។ ពេលនេះ តើអ្នកគួរមើលបែបណាទៅទើបដឹងថា អ្នកជាមនុស្សដែលមានភាពដឹកនាំល្អតាំងពីកើតមក?
១) អ្នកជាមនុស្សស្មោះត្រង់តាំងពីកំណើត៖ តើអ្នកមានដែលសង្កេតមើលថា តើអ្នកចូលចិត្តភាពស្មោះត្រង់ និងភាពសុចរិតតាំងពីកំណើតដែរទេ? ទោះបីពេលខ្លះអ្នកបង្ខំខ្លួនឯងឲ្យធ្វើអ្វីមួយដែលមិនត្រឹមត្រូវ ឬក៏ក្បត់ខ្លួនឯង អ្នកនឹងមានអារម្មណ៍ថាមិនស្រណុកចិត្ត នេះបង្ហាញថា អ្នកមានភាពដឹកនាំក្នុងខ្លួនតាំងពីកំណើតហើយ។
២) ជាមនុស្សដែលផ្ដល់តម្លៃលើការងារអ្នកដទៃ ៖ តើមានដែលសង្កេតឃើញខ្លួនឯង ផ្ដល់តម្លៃ សរសើរ និងលើកទឹកចិត្តនរណាម្នាក់ពេលដែលពួកគេទទួលជោគជ័យទេ ? តើអ្នកតែងតែផ្ដល់តម្លៃ និងលើកអ្នកដទៃ ខ្ពស់ជាងអ្នកដែរឬអត់?
៣) ជាមនុស្សប្រុងប្រយ័ត្នក្នុងការធ្វើអ្វីមួយ៖ តើអ្នកជាមនុស្សប្រុងប្រយ័ត្នខ្ពស់ ក្នុងការបំពេញការងារអ្វីមួយទេ? ជឿថាអ្នកជាមនុស្សមានស្មារតីប្រុងប្រយ័ត្នខ្ពស់ ហើយមិនត្រឹមតែប៉ុណ្ណោះ អ្នកតែងតែស្ដាប់យោបល់និងមតិរបស់អ្នកដទៃ ដើម្បីកែខៃអ្វីៗ ឲ្យបានល្អទៀត។
៤) មានទំនួលខុសត្រូវខ្ពស់៖ ខណៈអ្នកដទៃ ភ័យខ្លាច មិនចង់ធ្វើអ្វីមួយ តែអ្នកវិញ ហ៊ានដើរទៅមុខ ហើយធ្វើអ្វីគ្រប់យ៉ាង។ មិនថាអ្នកធ្វើនេះវា ជោគជ័យឬបរាជ័យទេ អ្នកតែងតែហ៊ានអះអាងនិងមិនខ្លាច ក្នុងការទទួលខុសត្រូវលើទង្វើអ្នកឡើយ។
៥) ជាមនុស្សចេះបត់បែនបានគ្រប់ កាលៈទេសៈ៖ អ្នកមិនមែនតាំងខ្លួនថា ត្រូវគ្រប់ពេលទេ ។ អ្នកមិនមែនមានតែគំនិតមួយ ក្នុងកាងដើរនោះឡើយ។ អ្នកជាមនុស្សដែលមានគំនិតច្រើន អាចធ្វើអ្វីក៏បាន ហើយបើកទូលាយដើម្បីយកគំនិតផ្សេងៗ មកដាក់ខ្លួនជានិច្ច។
៦) តែងញញឹមគ្រប់ពេល៖ មិនថាកាលៈទេសៈបែបណា អ្នកនឹងមិនចោលស្នាមញញឹមមួយនោះទេ។ ស្នាមញញឹមនោះ នឹងទាក់ទាញមនុស្សជុំវិញអ្នក ឲ្យធ្វើការជាមួយបានកាន់តែយូរនិងកាន់តែស្និទ្ធស្នាលថែមទៀត៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
